Златан Ибрахимовиќ објави снимка без маица и се пофали со тетоважите (ВИДЕО) - Канал 5

Златан Ибрахимовиќ објави снимка без маица и се пофали со тетоважите (ВИДЕО)

Златан Ибрахимовиќ објави неколку фотографии од својот зимски одмор на Инстаграм.

Златан Ибрахимовиќ објави снимка без маица и се пофали со тетоважите (ВИДЕО)

Посебно внимание привлече со фотографија на која позира свртен со грб, гледајќи кон снежниот планински пејзаж. Неговите тетоважи, кои го покриваат речиси целиот грб, дојдоа во прв план.

Отстрани неколку тетоважи

Ибрахимовиќ и претходно привлече внимание со тетоважите, чиј број се намали со текот на годините. Имено, порано неговото торзо беше покриено со имиња на луѓе кои подоцна ги отстрани.

„Имав 15 тетоважи на моето тело. Тоа беа привремени тетоважи и тоа беа имиња на луѓе кои се гладни и немаат што да јадат. Ги отстранив сите, но тие луѓе се уште се таму, се уште се гладни. Каде и да се појавам, луѓето ме препознаваат и навиваат за мене.

Никој не навива за нив. Да можев, ќе го напишев името на секој човек кој нема услови за живот. Тие тетоважи се потсетник - кога ќе ме видите мене, ги гледате нив“, изјави еднаш Златан за медиумите за своите тетоважи, со кои сакаше да го привлече вниманието кон Програмата за храна на Обединетите нации, која се бори против гладот ​​во светот.

Животот по фудбалот

Да ве потсетиме дека Златан Ибрахимовиќ ја заврши својата играчка кариера во 2023 година во дресот на Милан, клубот каде што остави длабока трага. За време на неговата брилијантна фудбалска кариера, тој играше за европски гиганти како што се Ајакс, Јувентус, Интер, Барселона, ПСЖ и Манчестер Јунајтед, а кратко се испроба и во американската МЛС лига, играјќи за ЛА Галакси.

Откако ги закачи фудбалските копачки, краток период ја имаше улогата на советник во рамките на администрацијата на Милан, а познато е и дека е еден од ко-сопствениците на шведскиот клуб Хамарби ИФ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Мелони повикува на нормализација на односите со САД по конфликтот со Трамп

Италијанската премиерка Џорџа Мелони вели дека односите со САД мора да се вратат во нормала по јавната расправија што минатата недела ја имаше со американскиот претседател Доналд Трамп.

Мелони повикува на нормализација на односите со САД по конфликтот со Трамп

„Немам намера да продолжам да го поттикнувам овој спор“, рече италијанската премиерка, која оцени дека не постои ризик од негативни последици врз односите меѓу Италија и САД и дека врските меѓу двете држави остануваат добри. Во петокот Мелони го обвини својот некогашен близок сојузник Трамп дека измислил приказна за неа откако тој за италијанска телевизија изјави дека таа го молела да се фотографира со неа за време на неодамнешниот самит на Г-7 во Франција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Политико: Унгарија го блокира забрзувањето на преговорите на ЕУ со Украина и Молдавија

Унгарија не даде согласност за клучниот процедурален чекор неопходен за забрзување на пристапните преговори на Европската унија со Украина и Молдавија, објави Политико, повикувајќи се на двајца дипломати на Европската унија.

Политико: Унгарија го блокира забрзувањето на преговорите на ЕУ со Украина и Молдавија

Европската унија на 15 јуни официјално го отвори првиот преговарачки кластер со Украина и Молдавија, а европските челници најавија дека Киев до средината на јули ќеги отвори сите шест кластери. Остварувањето на таа цел сега е доведено во прашање, бидејќи Унгарија вчера била единствената земја членка што се спротивставила на испраќањето писмо до Европскиот совет и до Европската комисија со таков предлог. Унгарскиот премиер Петер Маѓар не се спротивстави на отворањето на првиот кластер за Украина, но претходно реагираше дека ставањето на брза лента на земјата би испратило погрешна порака до Србија, Албанија, Црна Гора и Македонија, кои со години работат на членството во Европската унија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

ЦУК: Активни три пожари низ Македонија, во Куманово и Илинден- горат бандери, дрвја и отпад

На територијата на државата до 14:30 часот се регистрирани вкупно пет пожари на отворен простор. 

ЦУК: Активни три пожари низ Македонија, во Куманово и Илинден- горат бандери, дрвја и отпад

Од нив, три пожари се активни, еден е ставен под контрола, а два пожари се изгаснати.

Како што соопшти ЦУК, активни пожари има: во Општина Демир Хисар – с. Обедник каде гори ниска вегетација, во Општина Куманово – населба Перо Чучо каде се зафатени бандери и дрвја, и во Општина Илинден – с. Јурумлери запален е кабаст отпад.

Под контрола е ставен пожарот во Општините Свети Николе и Лозово – с. Делисинци и с. Сарамзалино, каде гори ниска вегетација.

Изгаснати се пожарите во општините Куманово на ул. „Ѓуро Пуцар“ бр. 38 и во Чашка, во с. Чашка каде горела ниска вегетација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер