ЖРК Вардар по вторпат подобар од Ларвик - Канал 5

Ракомет

ЖРК Вардар по вторпат подобар од Ларвик

Ракометарките на Вардар славеа победа над Ларвик и во вториот контролен натпревар одигран во Скопје. „Црвено-црните“ победија со 30:24, на полувреме резултатот беше 15:14 за гостинките од Норвешка.

ЖРК Вардар по вторпат подобар од Ларвик
Голманките на Вардар повторно покажаа дека сезонава ќе бидат една од посилните страни. Во првото полувреме Мајса Песоа одбрани шест топки, додека Ина Суслина во второто полувреме одбрани двојно повеќе, вкупно 12 удари.

Мечот тргна со водство на Ларвик, кое во 10 минута беше 3-6 што беше причина Индира Кастратовиќ да побара тајм аут. Советите дадоа резултат и следуваше серија од 5-1 за водство од 8-7. Во 24 минута токму Хмирова зголеми на 11-9 како навестување дека е минат лошиот период на наша игра, но Ларвик не само што израмнија на 11-11 во 25 минута, туку и поведе со 11-13, а на крајот од првото полувреме Корен погоди за водство 15-14.

Смената на голот на Вардар во второто полувреме со влегувањето на Ина Суслина им донесе на вардарки „полесно да се справат" со Ларвик. Хмирова, Херем и Кликовац донесоа пресврт за наше водство од 17-15, а Суслина имаше две одбрани за три минути. Вардар тргна офанзивно во напад, а одлично во одбрана што му донесе на Вардар водство од 21-16 во 36 минута. Суслина повторно имаше добра серија од пет одбранети топки за седум минути, а Вардар веќе водеше со 24-16 во 43 минута.

До крајот на средбата беше само рутина да се задржи водството, но и да одигра според договореното. Суслина и во последните седум минути имаше нова серија, од четири одбранети топки. На крајот Вардар победи со 30-24. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кошарка

Легендарни имиња во НБА Куќата на славните

Кошаркарската Куќа на славните е побогата за осум имиња.

Легендарни имиња во НБА Куќата на славните

Во 2026 година, Кошаркарската куќа на славните „Нејсмит“ во Спрингфилд е збогатена за осум легенди.

Во историјата на овој спорт со златни букви се запишани нови осум имиња.

Станува збор за кошаркарот Амари Стаудемајер, кошаркарките Кендис Паркер, Елена Деле Дон и Шамик Холдскло, тренерите Док Риверс, Марк Фју и Мајк Д'Антони, како и судијата Џои Крофорд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Претседателот на Тајван, Лаи Чинг-те, најави план вреден 7,4 милијарди долари

Претседателот на Тајван, Лаи Чинг-те, најави план вреден 7,4 милијарди долари, по 314 долари од „дивидендата од вештачката интелигенција“ за секој граѓанин.

Претседателот на Тајван, Лаи Чинг-те, најави план вреден 7,4 милијарди долари

Претседателот на Тајван, Лаи Цинг-те, најави финансиски пакет вреден 7,4 милијарди долари (235,7 милијарди тајвански долари), според кој секој граѓанин ќе добие директна парична исплата од 314 долари.

Одлуката уследи откако силниот замав во технолошкиот сектор го зголеми годишниот раст на бруто-домашниот производ (БДП) на Тајван на рекордни 11,05 отсто, што претставува највисока стапка на раст на островот во последните 40 години.

Посебно внимание се посветува на начинот на кој беше финансиран проектот. Владата во Тајпеј успеа да обезбеди директна финансиска помош за домаќинствата преку целосно избалансиран централен буџет, без дополнително државно задолжување, додека истовремено издвојувањата за национална одбрана за првпат во историјата надминаа еден трилион тајвански долари. Овој потег ја истакнува јасната разлика во поглед на регионалното економско лидерство.

Додека властите во Пекинг, на кинеското копно, се соочуваат со криза во секторот на недвижности и пад на довербата на потрошувачите, избраното раководство на Тајван успева технолошката експертиза и економскиот раст директно да ги преточи во придобивки за своите граѓани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Црна Гора го менува Уставот

Без да одржи седница, Владата на Црна Гора, врз основа на добиената согласност од своите членови, во петок, 14 август, усвои, меѓу другото, Предлог-одлука за измена на Уставот на Црна Гора.

Црна Гора го менува Уставот

Владата предложи измена на член 103 од Уставот на Црна Гора, кој го регулира изборот на Владата.

Според предлогот, член 103 се менува и гласи: Претседателот на Црна Гора предлага мандатар во рок од 30 дена од денот на конституирањето на Парламентот, а по спроведување на проверка на интегритетот на кандидатот за мандатар, во согласност со закон.

„Лице кое не ги исполнува условите за проверка на интегритетот пропишани со закон не може да биде предложено за мандатар. Мандатарот ја презентира својата програма пред Собранието и го предлага составот на Владата, по спроведување на проверка на интегритетот на кандидатите за членови на Владата, во согласност со закон. Лице кое не ги исполнува условите за проверка на интегритетот пропишани со закон не може да биде предложено за член на Владата. Собранието истовремено одлучува за програмата на мандатарот и за предлогот за состав на Владата“, се наведува во текстот.

Извор: Б92

Тагови: Црна Гора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер