Живот

Живот во субстандардни услови –сторија на Kанал 5 ТВ!

Живот во субстандардни услови. Беа сместени во бараки во сред депонија, без документи на туѓо земјиште. Десетина семејства од ромска националност во пресрет на зимата останаа и без тоа што го користеа како дом со своите деца.

Местото каде живееја веќе има сопственик кој руши во импровизираната населба, па тие самите се сместија во прифатниот центар во Визбегово. Но, дозвола за престој немаат ни таму. Велат дека во петокот на полноќ на врата им дошле социјалните служби кои им побарале потпис на документи за напуштање на кампот.

-Ова решение ми вика потпиши го, од Црвен крст утре ќе дојдат за донација. Како можат да лажат од социјално, и директорката. Ние потпишавме, сите сме неписмени. Сабајле на писмен дадовме да прочита, вика терба да си одите. Денеска пак дојдоа, вика дајте ни личи карти за изјави. Сакаат да не сместат во Чичино село, тоа не е за нас ромите. Кутро Дудуш има денеска ден на жалост поради смртта на господинот Амди Бајрам, нашиот лидер на ромите, денеска не може да дојде но утре е тука, вели Алишан Бајрам.

-Овде живеат бегалци. Становите јас ги кречев, беа скршени вратите јас ги наместив, само за со моите деца да има каде да живееме. А они ни дојдоа во 12 часот, не вадат, тоа е срамота. Нека ни најдат чаре каде да одиме, не е проблем. Без да ни најдат, не испаѓаме, вели Сеад Насифовски.

Чичино село е полоша опција според овие луѓе, но од министерството за труд и социјална политика велат дека во прифатниот центар не е безбедно за престој бидејќи била оштетена елекричната инсталација и нема услови за сите тие лица. Во одговор на нашите прашања велат дека мора буквално сите да си заминат од таму веднаш.

-Може да бидат доведени во опасност животите на сите лица што престојуваат таму. Центарот за социјални работи – Скопје е должен веднаш по констатираната состојба да ги извести лицата за опасноста во која се довеле со самото сместување и од тие причини веднаш им беше доставен писмен документ за тоа. Нагласуваме дека на сите им е понудено згрижување во Центарот за дневно и привремено прифаќање на бездомни лица Чичино Село, каде што освен што ќе бидат сместени ќе добиваат и три оброка дневно и средства за хигиена. – додаваат од надлежното министерството.

Веднаш до објектот каде што сега се сместени овие семејства, од пред две години има 15 мали привремени живеалишта за бездомници. Бараките се наполнија уште тогаш кога се сместија стотина лица кои претходно живееја под отворено небо близу тврдината Кале.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Ние не ширеме паника, ние предупредуваме од декември, единствената паника е кај ВМРО-ОКГ и Мицкоски!

ВМРО-ОКГ вели ширеме паника. Ние не ширеме паника. Ние предупредуваме од декември. Единствената паника е кај ВМРО и шефот на бандата Мицкоски.

Уште во декември минатата година објавивме работи поврзани со банката.

Финансирање на медиуми преку неа. Врски Вучиќ-Мицкоски. Луѓе на БИА во владата. Бизнис партнерот, хулиган-навивач на кого му пукале во нозе и му го палеле автомобилот, а кого Мицкоски го постави за почесен конзул да ни ја претставува земјата во Србија.

Кога објавивме за 5те тони дрога што Мицкоски со холивудски апсења сакаше да ги прикрие, додека дрогата заврши кај сестринската партија СНС.

Објавивме и за доаѓањето на Вучиќеви медиуми, спојувањето со Орбановата шема и Латас како началник на пропагандата.

На првите објави за Алта банка токму гувернерот што сега ја префрла вината на Мицкоски, Трајко Славески, се закануваше и советуваше Aлта банка да не тужи.

Денес Мицкоски топката и одговорноста ја префрла токму на Славески.

Во исто време нема реакција на обвинителството.

Во Србија апсењата се секојдневни. Кај нас никој од полицијата и обвинителството не се огласува додека Вучиќевата банка, пералница на пари стекнати со криминал и корупција, е под присилна управа.

Народот не може да дојде до своите пари, додека гувернерот дозволи компаниите непречено да ги користат своите средства и покрај предупредувањата од Србија дека големи суми пари се префрлаат во Македонија и Русија.

Во исто време се поставува прашањето за гувернерот: ако е таква ситуацијата, зошто дозволата не е одземена? Што всушност прави Трајко Славески заедно со Мицкоски?

Ако банката официјално е во стечај, треба веднаш да се исплатат по 30.000 евра по штедач.

Но вака, исплаќајќи 650 евра месечно (со лимит), за некој да ги извади тие 30.000 евра, ќе бидат потребни четири години! Уште една подмолна работа на оваа банда.

На граѓаните мора да им биде јасно дека Мицкоски брза да ја продаде банката со сила, само затоа што не сака да се откријат сметките и трансферите во банката.

Наскоро почнуваат истраги што ќе доведат и до овој дел од балканскиот картел, до овој дел од македонската организирана криминална група што ја предводи Мицкоски.

Знае арамијата и неговата банда дека деновите им се одбројани. Наскоро доаѓа времето на правдата. Бандата ќе одговара.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

„Нвидија“ истражува наводи за врски на извршниот директор со осомничена кинеска шпионка

Американскиот технолошки гигант „Нвидиа“ отвори независна истрага по медиумските извештаи дека нејзиниот извршен директор Џенсен Хуанг имал блиски односи со жена осомничена дека е кинески шпион.

Според „Њујорк Тајмс“, американските разузнавачки претставници веруваат дека кинеската бизнисменка Алис Хуанг работела за Пекинг.

Од компанијата соопштуваат дека одборот на директори засега нема причина да верува дека биле компромитирани деловните тајни или националната безбедност на „Нвидиа“.

Хуанг, пак, признал дека бил неверен на сопругата и јавно ѝ се извинил за болката што ѝ ја нанел нејзе и на нивните деца.

Од „Нвидиа“, која е меѓу највредните компании во светот и е клучен производител на хардвер за вештачка интелигенција, порачуваат дека Хуанг и натаму е посветен на водењето на компанијата. Независната истрага треба да ги разјасни наводите и евентуалните последици од неговите контакти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во болница почина убиецот од Полска

Напаѓач кој во саботата уби шест лица во Краков, Полска, при смртоносен напад на главниот градски плоштад, почина во болница, објави новинската агенција Ројтерс, повикувајќи се на полициски извори.

24- годишниот убиец бил прогласен за мртов во 4:30 часот наутро.

„Уште од самиот почеток, неговата состојба беше многу сериозна, критична. Се водеше постојана борба за спасување на животот на овој човек, и покрај злото што го стори. Тој имаше најмалку три операции“, стои во соопштението.

Нападот на Главниот плоштад во Краков се случи во саботата, околу 15 часот. Дваесет и четиригодишен маж со автомобил влета на плоштадот и почна да пука кон луѓето што се наоѓале таму. Шест лица загинаа, а 16 беа повредени, меѓу кои и полицајците што интервенираа, како и самиот сторител.

Напаѓачот беше застрелан за време на размена на оган со полициски службеници и е приведен. Околностите на нападот и мотивот на сторителот се предмет на тековна истрага во која се вклучени обвинителството и специјалните служби.

Истиот ден, во семејната куќа на Михал О. на улицата Тилна во Островјец Свјентокшиски, полициските службеници пронашле тела на три лица, членови на семејството на напаѓачот. Станува збор за 53-годишен татко, 52-годишна мајка и 21-годишна сестра.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.