Со овие зборови Зоран Ѓурев кој ја живее седмата деценија од животот, а половина од неа е на дијализа, со доза хумор и позитивен дух раскажува дека предизвиците со кои се соочуваат бубрежно болните не се ниту малку на број, ниту лесни, ама иако секој втор ден е на дијализа му помага добриот дух и волјата за подобро утре.

Признание за над дваесет годишен стаж на дијализа и трансплантација освен Зоран доби и Гоце Милчев од Свети Николе, кој раскажува дека помеѓу тешките моменти на машините и цевките, има и специфични случки за раскажување што им го промениле животот. На пример низ ходниците кои порано не ги сакал бидејќи дијализата била неподнослива ја сретнал неговата сопруга и дваесетгодини брак взаемна е силата со која се почнува новиот ден, вели Милчев.

Од Здружението „Нефрон“ од каде преку признанија на пациенти што живеат со трансплантиран бубрег повеќе од 20 години колку што постои и самото нивно здружување потсетија дека над 150 луѓе чекаат ред за трансплантација на бубрези, а нивниот живот драстично би се променил ако се зголеми свеста за трансплантација, особено кадеверична, односно од починат донор. Велат и дека маките на речиси сите пациенти со „мој термин“ ги имаат и тие.

Во Македонија на дијализа има околу 1500 пациенти, ама според статистиката дури 10% од популацијата има хронични бубрежни проблеми.