Писмото од жителите го обхавуваме во целост:

„Почитувани, имаме чувство дека сме оставени сами на себе, општината Старо Нагоричане ги игнорира барањата на селото и не сака да го реши проблемот со локалниот пат во с. Длабочица- општина Старо Нагоричане. Советот и градоначалникот на општината сериозно не ја сфаќаат својата надлежност за инфраструктурните системи во планинските и пограничните села и во тој случај не ги артикулираат специфичните проблеми и да ги формулираат приоритетните цели. Дискриминаторскиот однос на општината кон жителитте на пограничното села со Република Србија – Длабочица, доведе до силна депопулација и права социјална и демографска депресија. Имено, во однос на 1994 година населението во 2021 година во с. Длабочица е намалено за 76%. Причината е што во периодот од 1996 до 2024 година локалната развојна политика е насочувана кон селата кои се во непосредна близина на општината с. Старо Нагоричане а не на целиот простор на општината. Општината не обезбедува благосостојба на сите нејзини граѓани, ја продлабочува недднаквоста во инфраструктурните системи (асфалтирање на локални патишта, пристап до јавен превоз). Планираните капитални расходи од околу 2 300 000 евра за период 2019-2024 година се користени за асфалтирани локални патишта во с. Младо Нагоричане, с.Челопек- с.Коинце, с.Макреш- с. Стрновац, с. Драгоманце, уредување на корито на река Пчиња, кај мостот с. Драгоманце), со што се зголемени разликите на животните и работните услови помеѓу селата а особено помеѓу селата во непосредна близина на општината од една страна и планинско –пограничните села од друга страна. Пред неколку месеци е пуштен во употреба на асфалтен пат Макреш-Стрновац во кое живее Заменик градоначалникот Бобан Цветановски, со проширувања за принудно запирање на возила и означувања на работ на коловозот. Во с. Драгоманце е асфалтирана пат КП 823 и јавен пат КП 1014 во сопственост на Јовановски Слаѓан. Овој пат ја поврзува куќата на Јовановска Жаклина, два мандата градоначалничка на општината ( на боледување).

Исто така пред неколку години асфалтиран е пат од с. Арбанашко до место викано Дејловски Преслап, каде што се наоѓа викендицата на поранешниот пратеникот Георгиевски Зоран од Куманово, а населението од с. Длабочица е принудено да пешачат уште 4-5 километри до нивните домови или да се откажат од родното место.

Се поставува прашање колку е разумно и етично трошењето на народни пари за асфалтниот пат од с.Никуљане до с. Челопек, кога с. Никуљане веќе имало асфалтен пат со Куманово и асфалтен пат со седиштето на општината Старо Нагоричане, додека до селото Длабочица, земејениот пат жителите сами го одржуват (рачно кршење и отстранување на камен, рачно со лопати и копачи пополнување на дупки/ровови и порамнување) или на 2 до 3 години несоодветна итервенција со булдожер од страна на општината (исклучиво по барање на жителите).

Од страна на политичките парти се номинират и бират граоначалници кои не се родени и не биле жители на општина Старо Нагоричане. На пример во с. Никуњане беше пријавен како жител и потоа избран за градонашалник на општина Старо Нагоричане кој не бил роден и не живеел во селото односно на територијата на општинта.

Колку е разумно и етично асфалтирање на улици во с. Старо Нагоричане и асфалтен пат до сите маали во с. Младо Нагоричане, уредување на речното корито на река Пчиња, асфалтирање на пат до викендица на пратеник, до куќа на градоначланик, до селото на заменик на градоначалник и асфалтирање на трет пат на село во кое е прифатен за жител потенцијалниот градоначалник, додека жителите на с. Длабочица, храната и опремата за домаќинство ја носат во раце, на рамо и во количка од место викано Дејловски Преслап во должина од 4-6 км.

На фотографијата се луѓе од с. Длабочица кои со храна во раце и на грб, патуваат 10 км од с, Герман-општина Ранковце во 2023 година. Второт лице на фотографијата има 76 години, со 90% оштетен вид, нема струја и живее сам во објект во кој предходно живеел добиток.

Општината предизвикува и создава нееднаквост до тој степен што неизградбата на патната ифраструктура станува вистинска закана и најблаго речено чин против опстанок на планинските села. За добро решение може да се сметат конструктивни постапки полезни за квалитетен живот и опстанок на сите жители во општината. Сето ова станува толку неразумно и неетично, што пристапот до пат, носењето на храна, пристапот до лекар, одржувањето на куќите стана главна и мачна преокупација на жителите во с. Длабочица. Кога пешачењето од 4-6км со храна и опрема во раце неможе да се издржи ги демотивира жителите и потоа се откажуваат од сопствените родни домови.

Јорде Јаќимовски,

Претставник на иницијативен одбор на жителите на с. Длабочица

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.