Жерновски: СДСМ бара Обвинителството да отвори истрага за унгарскиот кредит и во Македонија - Канал 5

Македонија

Жерновски: СДСМ бара Обвинителството да отвори истрага за унгарскиот кредит и во Македонија

Денешната прес-конференција е посветена на една многу актуелна тема која, за жал, зборува за имиџот којшто денеска не само Владата, но и, за жал, целата држава го има на меѓународен план.

Жерновски: СДСМ бара Обвинителството да отвори истрага за унгарскиот кредит и во Македонија

Се потврди тоа што СДСМ, токму од оваа говорница, од овој микрофон, го зборуваше наназад.

Тогаш, граѓаните, институциите не гледаа со сомневање, меѓутоа денеска сето тоа што го зборувавме, за жал, ние не се радуваме на тоа, меѓутоа се покажа како вистинито, дека сите барања за одговори, сите сомневања наши, за жал, реков, се покажаа како оправдани.

Граѓаните треба да знаат дека Унгарија и официјално отвори истрага за кредитот од цела една милијарда евра, што го договори Мицкоски и неговата Влада со Унгарија и со пријателот Орбан.

Освен со енормното покачување на јавниот долг, коешто е само по себе проблематично, овде веќе станува збор и за кредит којшто е преполн со сомнежи за криминал и, за жал, за незаконски постапки.

Според објавените информации, унгарското национално истражно биро има одземено илјадници страници документација поврзана со работењето на Ексимбанк.

Еден од аспектите коишто се сомнителни и за коишто многу пати зборувавме и потенциравме, во јавноста го отворавме тоа прашање, а тоа е потеклото на парите.

Дали се тоа парите коишто се дојдени од Кина, коишто непосредно претходно, пред да го добиеме кредитот како држава, се земени од страна на Унгарија, од Кина?

Сега сите знаат дека Владата на Мицкоски е под меѓународна истрага за унгарскиот кредит.

За жал, тоа е имиџот којшто денес ќе го има нашата држава.

И потоа ќе слушнеме од него како нè повикува со тезата позната: „Ајде да зборуваме за убавите работи“. Не. Да, би сакале ние, ама не можеме. Ние ќе зборуваме за вистината. А таа, не само што не е розова, туку, богами, има и сериозни криминални елементи.

Нашите стратешки партнери од Европската Унија и САД многу добро знаат дека изминатите две години во нашата држава влегува сериозна количина на кинески пари.

Сега, со оваа истрага, сето се потврдува. Меѓутоа, тука не запираат. Погледнете ги активностите на неговиот омилен министер, на Стоилковиќ, којшто и понатаму продолжува да објавува среќен, радосен дека нашата држава разговара за нов влез на кинески средства.

СДСМ, како што кажав, уште од самиот почеток на оваа фингирана приказна, зборуваше дека треба внимателно да го анализираме и да го разгледуваме ова успешно задолжување, бидејќи уште од самата рана фаза стана јасно дека овде има сериозни индиции за сосема други дејствија.

И тоа се гледаше не само од Месечината, туку, што би рекол Мицкоски, уште од Марс, бидејќи, нели, според Мицкоски, човекот се качил на Марс. Владата, за жал на Мицкоски, до ден-денес нема дадено одговори на нашите прашања коишто ги поставувавме затоа што беше потребна транспарентност.

Ова е огромна сума на пари. До ден-денес ние не добивме одговор за тоа како е договорена зделката, кој ја договорил зделката, кои се провизиите, кои се скриените трошоци. Се разбира, и она што е многу битно, и ќе го потенцирам уште еднаш, кое е потеклото на овие пари.

Но, почитувани граѓани, сега веќе бегање нема. Вистината излезе на површина. Не може земјата којашто е крајниот корисник на овие пари, не може земјата којашто го зема кредитот и не може земјата чиишто граѓани ќе го враќаат овој кредит да не отвори истрага за овој предмет.

Затоа, македонските правосудни институции се должни веднаш да реагираат и да отворат истрага за овој предмет.

Тие мора да побараат информација од унгарските надлежни органи за целата состојба, да проверат што се случува и да ги проверат сите околности околу овие кредити.

Договорите, потеклото на парите, текот на парите. Исто така, што е многу битно, каде завршија овие пари. Кои компании добија средства од овој кредит?

Македонското обвинителство не може да молчи. И затоа денес отворено бараме да отвори веднаш предмет за сето тоа што се случило со кинескиот кредит, бидејќи секое понатамошно молчење станува навистина сомнително.

Не може една милијарда евра да бидат таен договор помеѓу Мицкоски и Орбан. Бидејќи оние што ќе го враќаат овој кредит, а тоа се граѓаните на нашата држава, имаат право да ја дознаат вистината.

Но, ќе завршам со тоа што секој што го кажувам: доаѓа време за вистина и доаѓа време за правда.

YouTube video

Прес-конференција на СДСМ, Андреј Жерновски, член на Извршниот одбор

Тагови: Андреј Жерновски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Силен земјотрес во Турција: Луѓе бегаат во паника (ВИДЕО)

Земјотрес со магнитуда од 5,4 степени што ја погоди Шанлиурфа во утринските часови беше снимен со камери, додека граѓаните во голем страв и паника бегаа од зградите.

Силен земјотрес во Турција: Луѓе бегаат во паника (ВИДЕО)

Земјотрес со магнитуда од 5,4 степени беше регистриран во Шанлиурфа. Според Одделот за земјотреси на Управата за управување со вонредни ситуации и катастрофи (AFAD), земјотресот се случил во 10:40 часот, со епицентар во округот Каракопру во Шанлиурфа.

Длабочината на земјотресот е проценета на 7,39 километри. Земјотресот бил почувствуван и во околните провинции.

Граѓаните кои го почувствувале земјотресот брзо ги напуштиле своите домови и деловни објекти и се собрале на отворено. Силниот земјотрес бил снимен со камери, додека граѓаните истрчале на улиците.

Во Дијарбакир, каде што исто така бил почувствуван земјотресот, луѓето ги напуштиле своите домови и деловни објекти, а на снимката се гледа како земјата пука во едно подрачје.

Во Газиантеп, децата излегле во училишниот двор и, во придружба на нивните наставници, чекале на безбедно место и се обиделе да се смират.

Бегање од зградите

Во Шанлиурфа, епицентарот на земјотресот со јачина од 5,4 степени, граѓани беа видени како брзо излегуваат од зграда.

Откако започна земјотресот, граѓаните што беа во зградата брзо излегоа надвор и се засолнаа на безбедно место.

Граѓаните го опишуваат моментот на ударот

Граѓанинот Адил Ипексевер рече дека го почувствувал земјотресот и истрчал од зградата. Ипексевер рече:

„Почувствувавме силен земјотрес. Неизбежно е дека бевме многу исплашени, бидејќи доживеавме и претходни земјотреси. Фала му на Бога, нема загуба на животи или материјална штета. Да не дозволи Бог да ни се случи ова повторно.“

Камил Шиш, исто така, им посака брзо закрепнување на сите што го почувствуваа земјотресот, велејќи:

„Се обидовме да излеземе надвор во паника поради јачината на земјотресот. Немаше уривање, но бевме исплашени од застрашувачкиот звук. Сите се добро, нема проблеми, фала му на Бога.“

Раседи во регионот

Земјотресот со јачина од 5,4 степени во Каракопру го насочи вниманието кон раседите во областа.

Шанлиурфа и околните области се наоѓаат во тектонска зона под влијание на Источноанадолскиот раседен систем, но експертите кои претходно зборуваа за областа предупредија дека не секој земјотрес во регионот мора да се случи директно на овој главен расед.

YouTube video

Во сеизмичката активност во југоисточна Анадолија, покрај Источноанадолскиот раседен систем, северните проширувања на Раседниот систем на Мртвото Море, како и локалните раседни системи во регионот, играат важна улога. Источноанадолскиот расед, формиран од притисокот на Арапската и Анадолската плоча и еден од најважните активни раседи во Турција, се протега од Хатај преку Кахраманмараш, Адијаман, Елазиг и Бингол и во минатото предизвикал големи земјотреси.

Експертите нагласуваат дека ризикот од земјотрес не може да се процени само врз основа на растојанието од раседот и наведуваат дека квалитетот на почвата и отпорноста на градежниот фонд се од клучно значење. Техничките анализи што ќе се спроведат по земјотресот во Каракопру ќе разјаснат кој раседен систем го предизвикал земјотресот.

Рута на раседниот систем на Мртвото Море

Раседниот систем на Мртвото Море, еден од најактивните системи во источниот Медитеран и Блискиот Исток, е обликуван од движењето на африканските и арапските плочи во однос една во однос на друга.

Овој систем, долг околу 1.000 километри, се протега од северниот дел на Црвеното Море преку Акабанскиот Залив, Мртвото Море, Либан и Сирија до јужната граница на Турција.

Особено северните краеви на овој систем се директно поврзани со тектонските структури околу Хатај.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Меланија: Имав многу убаво детство во Југославија

Првата дама на САД, Меланија Трамп изјави дека имала „многу убаво детство“ растејќи во услови на комунизам во Словенија која беше дел од Југославија.

Меланија: Имав многу убаво детство во Југославија

Нејзиниот поглед на тој период се разликува од реториката на нејзиниот сопруг, претседателот Доналд Трамп, кој редовно го претставува комунизмот како закана за Соединетите Држави.

„Растев во комунизам и навистина ништо не ми недостасуваше“, рече Меланија Трамп во интервју за „Фокс бизнис“ (Fox Business).

„Мислам дека имав многу убаво детство, а моите родители ѝ обезбедија прекрасен живот на моето семејство.“ Нејзините изјави доаѓаат во време кога Доналд Трамп често го користи терминот „комунизам“ за да ги напаѓа демократите и демократските социјалисти. „Тие себеси се нарекуваат демократски социјалисти, но всушност се комунисти“, рече тој на партиската конвенција овој месец. Во својот говор по повод Денот на независноста, Трамп изјави: „Комунизмот е систем што губи и секогаш ќе биде таков“. Тој додаде дека американските војници не се бореле против комунизмот низ светот само за таа закана да се појави во Америка. Трамп исто така рече дека Демократската партија „се претвора во комунистичка партија“ и ги нарече некои демократи „окорели комунисти без вера во Бога“. Тој исто така предупреди дека победата на демократите би можела да доведе до создавање „комунистичка пратеничка група“ во Конгресот.

Неговите изјави делумно се однесуваа на прогресивните кандидати кои победија на внатрепартиските избори во 2026 година. Сепак, демократскиот социјализам и комунизмот не се синоними; тие претставуваат различни политички традиции.

Меланија Трамп, родена како Меланија Кнавс во 1970 година во Ново Место, израснала во тогашната Социјалистичка Федеративна Република Југославија.

Таа се преселила во Соединетите Држави во 1990-тите за да се занимава со манекенство, а американска државјанка станала во 2006 година. Кога ја прашале дали растењето во комунизмот влијаело врз нејзиното сфаќање за слободата, таа одговорила дека нејзиното детство било позитивно.

„Сепак, имаше одредени работи на кои требаше да се внимава“, рекла таа. „Мораше да внимаваш што правиш.“

Таа објасни дека во тоа време не постоела слобода?? каква што денес има во САД и дека времињата биле поинакви. Југославија била федерација под комунистичко раководство, но нејзиниот систем се разликувал од советскиот модел откако Јосип Броз Тито ги прекинал односите со Сталин во 1948 година.

Земјата развила сопствена форма на социјализам, која вклучувала работничко самоуправување, и останала независна од советскиот блок. Словенија била економски најразвиената од шесте републики. Тензиите се зголемиле по смртта на Тито во 1980 година, а Словенија прогласила независност.

Тагови: Меланија Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Балканските лидери повикаа на помирување, но си упатија и обвинувања за двојни стандарди и злосторства

Од Косово и меѓународното право, преку европската иднина на регионот, до нов судир меѓу Белград, Загреб и Подгорица околу војните и минатото. 

Балканските лидери повикаа на помирување, но си упатија и обвинувања за двојни стандарди и злосторства

Балканските лидери и од говорницата на Генералното собрание на Обединетите нации ги отворија старите регионални спорови додека регионот долго чека пред вратите на ЕУ.

Најдиректен беше српскиот претседател Александар Вучиќ. Тој порача дека меѓународниот поредок заснован врз Повелбата на ОН е сериозно нарушен и оцени дека правилата повеќе не важат подеднакво за сите држави, особено за помалите.

-Сакам да им се заблагодарам поединечно на сите 107 земји што не ја признаа еднострано прогласената независност на т.н. Косово. Знаеме дека многу од тие држави биле подложни на притисок и знаеме дека одржувањето на принципиелна позиција понекогаш е далеку потешка отколку што изгледа од надвор. Ви благодарам што бевте доследни во непризнавањето на дел од територијата на Србија – изјави Вучиќ.

Веднаш по него, од говорницате, црногорскиот претседател Јаков Милатовиќ повика на трајно помирување на Западен Балкан, истакјувајќи дека сепак тоа не може да се гради врз негирање на минатото, селективна правда или величење лица осудени за воени злосторства.

- Иднината на целиот Балкан е во рамките на ЕУ. Нашиот регион го носеше товарот на поделби предолго време. А новото поглавје се заснова преку соработка, поврзаност, економски можности и економска интеграција. Трајното помирување не може да се гради, врз негирање, селективни пристапи кон правдата и глорификација на оние кои сториле воени злосторства – изјави Милатовиќ.

Но, регионалните несогласувања најсилно дојдоа до израз меѓу Белград и Загреб. Вучиќ ја обвини Хрватска за толерирање на фашистички и нацистички симболи и пораки и за, како што оцени, величење на делови од нејзиното минато поврзани со усташкото движење за коа што истакна дека Српскиот народ тоа нема да го толерира.

На спрскиот претседател му возврати хрватскиот премиер Андреј Пленковиќ, критикувајќи ја Србија поради почестите за Ратко Младиќ и кршење на европските вредности.

-Помирувањето станува можно кога ќе се признае одговрноста за злосторствата од минатотто и кога ќе се отфрли нивното величење. Воените и официјалните почести укажани на Младиќ во Србија претставуваат навреда за неговите жртви и за пресудите на меѓународните судови. Учеството на државните претставници и јавното одобрување што следеше по церемноијата се во целост спротивност со вредностите на Унијата кон која Србија сака да пристапи.

Сепак, балканските лидери во дел од своите говори од Њујорк повикаа на европска иднина и помирување на регионот, но покажаа дека старите спорови сè уште силно ја диктираат сегашноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер