Македонија

Жерновски: Лажеше за името, сега лаже за ЕУ - Мицкоски ја краде иднината на младите

Добро рекол нашиот народ: кој лаже – тој краде. Зарем немате впечаток дека кога го кажувал ова, пред себе го имал ликот и делото на Христијан Мицкоски?

Лажеше дека ќе го врати името, додека клечеше и молеше да се врати на власт. Лажеше дека со Европската Унија договорил нова преговарачка рамка. Лажеше дека со Брисел договорил уставни измени со одложено дејство. Лажеше дека веќе идната година ќе станеме членка на Унијата, само без право на глас. Лажеше за сè, а за што сè уште не излажа?

И додека лаже дека се загрозени македонските интереси, не кажува дека со членството во НАТО токму тие македонски национални интереси се исполнети. Исто како што не кажува дека со влез во Европската Унија ќе ги заштитиме нашите вредности и нашиот идентитет.

Како што ги излажа граѓаните пред изборите за името и за уште многу други работи, сега сака на младите, на нашите деца, да им ја украде иднината.

Мицкоски не сака членство во Европската Унија и планира земјата и понатаму да ја држи во изолација. Неговата тактика гласи: грабеж одвнатре, изолација однадвор.

За жал, како што кажав, сака да ги држи во заложништво нашите деца и идните генерации. Зошто? Имаме право да си го поставиме тоа прашање.

Затоа што сака и понатаму да тече историскиот грабеж, да се вршат криминални грабежи, разни сомнителни трансакции, криминални тендери – се разбира без контрола и без никаква одговорност.

Почитувани граѓани, токму ова е предавство. Така ѝ се наштетува на сопствената земја.

Нашиот национален интерес се Европската Унија и НАТО.

Сите веќе знаат, и дома и надвор, дека нашиот македонски национален интерес е заштитен. Нашиот македонски идентитет е заштитен, а внесувањето на малцинствата во

Уставот не е прашање на Бугарија, туку на самата Европска Унија.

Но, како што кажав, Мицкоски свесно ја саботира иднината на државата и иднината на нашите млади.

И додека цела Европа се дистанцира од Орбан, Христијан Мицкоски оди таму, учествувајќи во предизборјето, за да му даде поддршка.

Дали е нормално сето тоа што се случува?

Почитувани граѓани, кога Мицкоски вели дека ќе чекаме со децении и децении за влез во Европската Унија, тоа значи само едно – да продолжат криминалот и грабежот, а Македонија да остане во изолација.

Затоа не треба да има никаква дилема дека неговата агенда гласи: колку подлабоко Македонија тоне во изолација, толку подлабоки стануваат нивните џебови.

Е ова е предавство на националните интереси.

Прес конференција на СДСМ, Андреј Жерновски – член на извршниот одбор

Скопје, 02.04.2026

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Москва собори 60 дронови во раните утрински часови кои накратко ги прекина летовите на аеродромите

Москва собори 60 дронови во раните утрински часови кои накратко ги прекина летовите на аеродромите, соопштија властите во руската престолнина, само неколку дена откако украина повторно ја гаѓаше рафинеријата за нафта во градот.

Украинските власти соопштија дека руски беспилотни летала погодиле цивилни трговски бродови, при што загинал еден египетски член на екипажот, додека нападите со беспилотни летала на други места убиле најмалку пет лица, вклучувајќи три члена на исто семејство во северниот украински Сумски регион.

Тагови: москва

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Цената на дизелот се намалува за 7 денари, на БС - 95 за 3,5 денари, на БС – 98 за 4 денари по литар

Малопродажната цена на Мазутот М-1 НС се намалува за 3,932 ден/кг и сега ќе изнесува 42,291 ден/кг.

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши намалување на малопродажните цени на нафтените деривати во просек за 6,61% во однос на одлуката од 15.6.2026 година.

Референтните цени на нафтените деривати на светскиот пазар во споредба со претходната пресметка бележат намалување и тоа во просек: кај бензините за 8,216%, кај дизелот за 12,699%, кај екстра лесното масло за 12,354% и кај мазутот намалувањето е за 11,352%.

Курсот на денарот во однос на доларот во изминатиот период по кој беа формирани цените со претходната пресметка е понизок за 0,0396%.

Од 23.6.2026 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС - 95 84,00 (денари/литар)

Моторен бензин ЕУРОСУПЕР БС - 98 86,00 (денари/литар)

Дизел гориво ЕУРОДИЗЕЛ БС (Д-Е V) 80,50 (денари/литар)

Масло за горење Екстра лесно 1 (ЕЛ-1) 79,50 (денари/литар)

Мазут М-1 НС 42,291 (денари/килограм)

Малопродажната цена на бензинот ЕУРОСУПЕР БС-95 се намалува за 3,50 ден/лит.

Малопродажната цена на бензинот ЕУРОСУПЕР БС-98 се намалува за 4,00 ден/лит.

Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се намалуваат за 7,00 ден/лит.

Малопродажната цена на Мазутот М-1 НС се намалува за 3,932 ден/кг и сега ќе изнесува 42,291 ден/кг.

Напоменуваме дека ова се максималните цени на нафтените деривати од 00:01 часот на 23.6.2026 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Тагови: РКЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Заедничка соработка за зајакнување на предучилишното образование во Карпош

Претставници од Општина Карпош од Одделението за детска, социјална и здравствена заштита земаа активно учество на конференцијата насловена – „Ран почеток, трајни придобивки – градинка за секое дете!“

Претставници од Општина Карпош од Одделението за детска, социјална и здравствена заштита земаа активно учество на конференцијата насловена – „Ран почеток, трајни придобивки – градинка за секое дете!“, која се одржа на 18 јуни 2026 година во салата на хотелоте Холидеј Ин во Скопје.

На оваа панел дискусија беа присутни претставници од Министерството за социјална политика, демографија и млади, УНИЦЕФ, асоцијацијата на приватни градинки, приватниот сектор, како и други релевантни чинители и развојни партнери.

Цел на настанот беше да се претстават клучните наоди и модели за системско зајакнување на предучилишното образование преку партнерство и соработка меѓу јавниот и приватниот сектор ,а беше отворен дијалог за мерките за проширување на пристапот преку различни механизми за финансирање и испорака на услуги, земајќи ги во предвид и најранливите категории

Како заклучок од учесниците на настанот беше потенцирано дека проширувањето на пристапот до образование и грижа во раното детство не е само прашање на инфраструктура, туку бара поширока трансформација на системот. Подобрата координација меѓу централната и локалната власт, градинките и работодавачите, заедно со одржливото инвестирање во квалитет, работна сила и инклузија, ќе бидат пресудни за тоа секое дете да добие најдобра шанса на почетокот на својот живот.

ОПШТИНА КАРПОШ

Тагови: Општина Карпош

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.