Да, добро прочитавте - домат! Оваа неодолива чанта доаѓа со висока цена од околу 3000 евра и интересна приказна за тоа како наводно настанала.
Ех да, торбичката е веќе распродадена.
Според „Хајпбист“, сè започнало минатата година кога на социјалните мрежи почнала да кружи фотографија од совршено обликуван домат од стара сорта. Корисникот на X @giannarosinaa споделил фотографија од споменатиот домат, а друг корисник, @homocowboi, коментираше: „Овој домат е толку Лоу, не можам да го објаснам“.
„Лоу ги претвора мемите во реалност“
Мемето брзо стана вирално, привлекувајќи го вниманието на модната заедница, но и на тогашниот креативен директор на „Лоу“, Џонатан Андерсон.
Андерсон ја сподели виралната објава на својот Инстаграм профил, а набргу потоа објави и кратко видео на кое ја покажува новата чантичка, придружено со натпис „Loewe ги прави мемите реалност“. Иако чантата изгледаше како брза реакција на виралниот хит, Андерсон подоцна откри дека дизајнот веќе бил планиран за претстојната сезона.
Необичните модни додатоци долго време се заштитен знак на Лоу и Џонатан Андерсон
Невообичаените модни парчиња за Лоу и за Џонатан Андерсон не се ништо ново. Во текот на своите 11 години на чело на брендот, Андерсон го редефинираше неговиот идентитет, воведувајќи разиграни, концептуални парчиња како чанти во облик на слонови, а сега и домати.
Чанта Loewe, 3000 евра
Неговиот дизајнерски потпис комбинира хумор, уметност и врвна изработка, со што Loewe стекна репутација на иновативен и смел моден бренд. Но, во март 2025 година, Андерсон официјално се повлече од функцијата креативен директор на „Лоу“ по повеќе од една деценија обликувајќи го својот препознатлив стил. Во април веќе беше објавено дека тој ја презема новата улога, уметнички директор на Диор за машка мода.
Неговата позиција во Loewe ја презеде дизајнерското дуо Џек Меколоу и Лазаро Хернандез, познати по нивната работа на брендот Proenza Schouler, внесувајќи ново поглавје во приказната за оваа шпанска модна куќа.