Во 2017 година го постави Гинисовиот рекорд за најдолги женски нокти на двете раце, а вкупната должина на ноктите во тоа време била скоро пет и пол метри. Таа не престанала да ги пушта да растат, па во следните години достигнале должина од 7,3 метри. Откако го соборила личниот рекорд, таа решила да ги исече, пишува Унилад.
"Едвај чекам нов живот. Знам дека ќе ми недостасуваат, но време е да ги скратам", рече Ајана од Тексас.
Нејзината фасцинација со долгите нокти е резултат на нејзината љубов кон украсување на ноктите. Последниот пат кога ги сликала, целиот процес траел неколку дена и потрошила три или четири шишиња лак.
„Морав да обрнувам премногу внимание на секој мој потег да не ги скршам или оштетам и да не се повредам“, рече таа, а нејзините нокти ќе бидат изложени во музејот во Орландо.
Сепак, најдолгите женски нокти некогаш снимени не и припаѓаат на Ајана. Ли Редмонд ги имала и достигнале должина од 8,5 метри, но таа ги загубила во сообраќајна несреќа.