Жена се пораѓа во авион во Турција, шокираните патници гледаат вистинска драма (ВИДЕО)

Шокираните патници со стравопочит гледале како болничари ѝ помагаат на една жена да се породи во авионот.

Снимката од авионот, снимена на почетокот на овој месец, покажува како болничар брзо шета низ авионот носејќи бебе откако авионот слета во Турција, пренесува „Дејли мејл“.

Неколку моменти претходно, група болничари се качиле во авионот и се упатиле кон идната мајка додека патниците го поздравија нивното пристигнување.

Може да се видат патниците како потстануваат за да видат каде се мајката и болничарите на задниот дел од авионот и возбудено разговараат.

Се гледа како еден патник собира мали парчиња облека и се упатува кон местото каде што се породила жената, додека стјуардесата се оддалечува од преполната област.

Неколку моменти подоцна, може да се види медицинска сестра како го носи бебето - сега завиткано во сина крпа - кон предниот дел на авионот.

Изгледа дека бебето не плачело.

Засега не се знае каде летал авионот, но се верува дека одел во Турција бидејќи јазикот на задната страна на медицинските униформи е турски.

Не е јасно дали жената се породила додека авионот бил уште во воздух или откако слетал.

Раѓањата во воздух се неверојатно ретки. Фирмата за медицинска поддршка MedAire известува дека тие се јавуваат еднаш на 26 милиони патници.

Д-р Пауло Алвес, глобален медицински директор на компанијата, рече:

„Раѓањето во лет е многу, многу ретко, и кога ќе ги погледнете случаите, тие беа неочекувани - тие беа предвремено родени бебиња“.

Тој додаде дека породувањето во воздух има свои предизвици.

"Тоа не е најдоброто место за вас да се породите, поради многу причини. Како прво, воздухот е поредок, па на бебето му е потешко да дише. Тоа е како предвремено породување во Мексико Сити, на надморска височина".

Згора на тоа, веројатноста дека ќе има при рака специјалист кој ќе помага при породувањето е екстремно мала, што значи дека комплицираните процедури како царски рез се речиси невозможно да се преземат, дури и ако се неопходни за безбедноста на мајката и бебето.

Инфлуенсер од Дубаи има зоолошка градина во својот дом (ВИДЕО)

Хумаид Абдула Албукаиш, инфлуенсер од Дубаи, чува разни животни во својот дом - од тигри, лавови, змии до мечки.

Своите авантури ги објавува речиси секој ден на Инстаграм каде има 4,6 милиони следбеници.

Хумаид ги храни овие животни и си игра со нив без страв. Многумина го критикуваат дека ги чува овие животни во својот дом, но тој не се навраќа на негативните коментари бидејќи овие животни не ги чува во својот дом само поради содржината на Инстаграм, како што многумина му пишуваат, туку тој отворил и приватна зоолошка градина.

Приватната зоолошка градина Ал Букаиш се наоѓа во неговиот дом и секој може да дојде да ги посети животните, исто како и во обичните зоолошки градини. „Ниту едно од нашите животни не е купено или одземено од нивната природна средина. Ние посвојуваме диви животни кои се напуштени од нивните сопственици“, објаснува Хумаид на официјалната веб-страница на ЗОО.

„Би можеле да ги пуштиме во дивината, но нивните шанси за преживување би биле речиси нула. Често ги наоѓаме во мизерна состојба, многу слаби. Се грижиме за нив и им даваме втора шанса за живот“, додава тој.

Мисијата на неговата приватна зоолошка градина, вели тој, е да ги заштити животните што ги пронаоѓаат и за кои се грижат. „Ние се стремиме да обезбедиме нашите животни да бидат среќни и здрави, со многу храна, чиста вода и засолниште за сите идни генерации“, заклучува Хумаид.

Американец избега од авион преку вратата за итни случаи, го уапсија на писта (ВИДЕО)

Патник на летот 3172 на Southwest Airlines од Њу Орлеанс до Атланта бил уапсен на меѓународниот аеродром Луис Армстронг (MSY) по бизарен обид за бегство.

Според извештајот од Канцеларијата на шерифот на округот Џеферсон (JPSO), авионот на Southwest Airlines сè уште бил паркиран на терминалот кога, пред авионот да започне дас е движи кон пистат, еден Афроамериканец панично избегал преку излезот за итни случаи од страна на крилото!

Мажот е пренесен во болница на психијатриска евалуација, а неговиот идентитет не е соопштен.

Како и секогаш во вакви случаи, натамошната истрага ќе ја преземат федералните власти, пишува магазинот Newsweek на својата веб-страница.

„Ги пофалуваме нашиот екипаж и копнениот персонал за нивната брза и ефикасна реакција и им се извинуваме на патниците за непријатностите“, се вели во соопштението за печатот на Southwest Airlines.

Поради овој бизарен инцидент во кој, за среќа, нема повредени, летот од Њу Орлеанс до Атланта бил одложен нешто повеќе од два и пол часа, пишува веб-страницата View From The Wing.

Сличен инцидент се случил во јули 2021 година, кога патник на летот на Американ Ерлајнс од Шарлот до Балтимор скокнал од излезот за итни случаи на пистата на меѓународниот аеродром Шарлот Даглас (CLT) откако авионот, кој доцнеше два часа, се откажа. А потоа патникот во брза акција бил уапсен и испратен на набљудување.

Изминатиот викенд беше еден од најфреквентните во воздушниот сообраќај во Соединетите Американски Држави поради големите попусти што авиокомпаниите им ги даваа на своите клиенти на Денот на благодарноста.

Четворица рудари загинаа во рудник во Полска

Четири лица загинале во рудникот Собиески во Јаворжно, јужна Полска, објави денеска портпаролката на државната агенција за рударство WUG.

Несреќата во рудникот за јаглен се случила во 15:30 часот по локално време кога пукнала цевка, јавуваат полските медиуми. Повредени се уште две лица.

„Додека цевката се полнела со вода, таа неконтролирано пукнала, при што три лица загинале на лице место“, изјави за новинската агенција ПАП, Пјотр Стрзода од WUG. Четвртото лице починало во 17:10 часот, додаде тој. Рудникот Собиески е во сопственост на полската државна енергетска компанија Таурон.

притисни ентер