Жена „се дави“ во долгови поради ретко пореметување: Кога ќе заспијам, губам контрола - Канал 5

Живот

Жена „се дави“ во долгови поради ретко пореметување: Кога ќе заспијам, губам контрола

Кели Кнајпс (42) боледува од ретко пореметување кое со текот на времето ја доведе во долгови, а беше цел и на сајбер-измамници.

Жена „се дави“ во долгови поради ретко пореметување: Кога ќе заспијам, губам контрола

Британката откри дека боледува од парасомнија која се карактеризира со „различни несакани активности со непредвидлив модел на појава за време на спиењето, или во транзициите помеѓу спиење и будност“.

Како парасомнијата ја доведе Кели во долгови? Британката открива дека наместо да „брои овци“ купува предмети во онлајн продавниците.

Таа досега потрошила повеќе од 3.500 евра, пишува Њујорк пост.

„Навистина е вознемирувачки и фрустрирачки кога одите во кревет и мислите: „Не знам што ќе се случи вечерва“, рече таа.

Таа била дијагностицирана со парасомнија во 2018 година.

„Кога страдате од ова нарушување, изгледате како да сте будни, одите, зборувате, јадете или правите други активности, но всушност не сте свесни, бидејќи мозокот е делумно буден“, објаснуваат експертите.

Со текот на годините, Кели нарачувала секакви работи во сон, како пластично кошаркарско игралиште со реална големина!

Пакети со боја, книги, како и садови, мебел, бела техника...

„Насобрав долгови, а проблемите дополнително ескалираа кога им ги открив моите лични податоци на сајбер-измамниците преку СМС“, рече таа.

Кога се разбудила сфатила дека на сметката ѝ недостасуваат 300 евра.

„Морав неколку пати да ги откажам картичките, а многу луѓе се обидоа да земат пари од мојата сметка“, се жали Кели.

Како мајка на три деца со посебни потреби, Британката избегнува апчиња за спиење за да може да реагира на итни случаи во текот на ноќта.

Нејзините проблеми започнале по раѓањето на првото дете, кога месечарела. Дури подоцна почнала неконтролирано да купува работи преку Интернет.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: 8 жртва од западнонилска треска, 8 недели нема извештај за водата во Гостивар

Уште еден човечки живот е загубен од западнонилска треска. Бројот на починати се искачи на осум.

СДСМ: 8 жртва од западнонилска треска, 8 недели нема извештај за водата во Гостивар

Осум жртви од западнонилска треска и осум недели без извештај за водата во Гостивар.

Две здравствени кризи, ист модел на однесување на власта на Мицкоски и Клековски: задоцнета реакција, институционален хаос, молк и никаква одговорност.

СДСМ со недели предупредуваше дека власта задоцни со превенцијата од западнонилската треска. Задоцни со прскањето против комарци, задоцни со системските мерки и со навремената заштита на граѓаните.

Бројот на заболени и починати расте, а одговорност нема.

Истото се случи и со здравствената криза во Гостивар.

Околу 5.000 граѓани побараа медицинска помош, а осум недели подоцна јавноста сè уште го нема целосниот извештај за водата.

Што кријат Мицкоски и Клековски осум недели?

Цената на нефункционалниот систем ја плаќаат граѓаните – со своето здравје, а за жал и со своите животи.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Панел-дискусија на тема „8 Септември низ призма на негови непосредни учесници и сведоци“

Во Вила Водно утринава се одржува и панел-дискусија на тема „8 Септември низ призма на негови непосредни учесници и сведоци“.

Панел-дискусија на тема „8 Септември низ призма на негови непосредни учесници и сведоци“

На оваа панел-дискусија претседателката Сиљановска-Давкова и поранешни политичари, државни функционери, пратеници, новинари и јавни личности ја споделија својата перспектива за политичките,институционалните и општествените процеси што доведоа до создавањето на независна македонска држава.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се преврте товарно возило на Битола-Прилеп

Од 07:40 часот, сообраќајот за тешки моторни возила на патниот правец Р1101 Битола – Прилеп е во прекин, соопшти АМСМ.

Се преврте товарно возило на Битола-Прилеп

Товарно моторно возило излетело од патот Битола – Прилеп кај селото Беранци. Засега нема информации за повредени.

Според СВР Битола сообраќајот е во прекин за товарни возила, додека патничките возила се пропуштаа наизменично.

Тагови: Битола-Прилеп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер