Зголемена сеизмичка активност кај грчкиот остров Санторини – превентивни мерки за граѓаните - Канал 5

Балкан

Зголемена сеизмичка активност кај грчкиот остров Санторини – превентивни мерки за граѓаните

Според грчката државна телевизија „ЕРТ“ во изминатата седмица биле регистрирани над 200 земјотреси.

Зголемена сеизмичка активност кај грчкиот остров Санторини – превентивни мерки за граѓаните

Неколку земјотреси од над три степени, но и три со јачина од 4,5, 4,3 и 4,1 степени според Рихтер, регистрирани претпладнево се само дел од серијата земјотреси од изминатите денови во морскиот дел меѓу грчките острови Санторини и Аморгос, а надлежните донесоа превентивни мерки, меѓу кои и училиштата на Санторини утре да останат затворени, јави дописничката на МИА од Атина.

Според грчката државна телевизија „ЕРТ“ во изминатата седмица биле регистрирани над 200 земјотреси, а градоначалникот на Санторини Анастасиос Зорзос за весникот „Катимерини“ посочува дека не постои општа загриженост кај жителите, бидејќи како што објаснува „имаат искуство од сеизмичко – вулканската криза од 2011-2012 година“.

Грчките сеизмолози смируваат дека земјотресите на Санторини не се поврзани со вулканската активност на островот.

Поради сеизмичката активност во морскиот дел меѓу островите Санторини и Аморгос, синоќа Комисијата за процена на сеизмичката опасност и Комисијата за следење на вулкански активности одржаа состанок во Министерството за цивилна заштита и климатски кризи на Грција и откако ги разгледале податоците заклучно со вчера, донеле неколку препораки и превентивни мерки.

Поконкретно, како што соопштија од Министерството, членовите на комисиите препорачуваат училиштата утре да останат затворени; граѓаните да избегнуваат големи собири во затворени простори и да избегнуваат пристап и престој во две пристаништа на Санторини, односно пристаништето кај градот Иа и старото пристаниште во Фира.

Дополнително, откако комисиите ги разгледале податоците едногласно било констатирано дека „сеизмичката активност во калдерата е намалена“ и дека зголемената сеизмичка активност меѓу Санторини и Аморгос „не е поврзана со вулканска активност, бидејќи се должи на подморски раседи со североисточен и југозападен правец“.

Од Министерството за цивилна заштита и климатски кризи на Грција, по синоќешниот состанок посочија дека доколку се оцени дека е потребно, ќе се одржи нов состанок. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

„Одраз“ вечерва во Битола: Делата на Наташа Божарова првпат пред македонската публика, музички перформанс на Нико Ѓоргиевски од „Мизар“

Вечерва, 3 октомври, со почеток во 20 часот, во кафе „Тигре“ во Битола ќе се одржи уметничкиот настан „Одраз“, на кој за првпат пред македонската публика ќе бидат претставени сликарски дела на македонската скулпторка и сликарка Наташа Божарова.</

„Одраз“ вечерва во Битола: Делата на Наташа Божарова првпат пред македонската публика, музички перформанс на Нико Ѓоргиевски од „Мизар“

Покрај сликарските дела, публиката ќе има можност да види и дел од скулптурите на Божарова, чиј скулпторски опус во најголем дел се наоѓа во Италија, додека дел од нејзините дела се наоѓаат во Македонија.

„Одраз“ ќе биде надополнет со музички перформанс на битолчанецот Нико Ѓоргиевски, македонски тенор и вокал на рок-бендот „Мизар“.

Ѓоргиевски ќе изведе интерпретации на дела од светската андерграунд музичка сцена кои влијаеле врз неговиот уметнички развој и музички израз.

Настанот ги обединува сликарството, скулптурата и музиката преку творештвото и уметничките влијанија што го обликувале патот на Наташа Божарова и Нико Ѓоргиевски.

„Одраз“

Вечерва, 3 октомври, во 20:00 часот

Кафе „Тигре“, Битола

Тагови: битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Рама: „Европската Унија ја лаже Украина“

Албанскиот премиер Еди Рама остро го критикуваше пристапот на ЕУ кон преговорите за пристапување на Украина во интервју за германскиот „Велт“.

Рама: „Европската Унија ја лаже Украина“

Рама зборуваше за процесот на пристапување на Западен Балкан. Тој истакна дека од Источна Германија не се барало да ги исполни барањата од сите 33 преговарачки поглавја во 1989 година.

Рама рече дека ЕУ веројатно ќе бара уште поголеми напори од земјите од Западен Балкан, но дека тие сепак сакаат да бидат нејзин дел.

„Украина е земја која е измамена“, рече Рама.

Рама додаде дека Украина никогаш нема да биде примена преку стандардниот процес на пристапување, со исполнување на сите критериуми, и дека сите се свесни за ова.

Тој рече дека реално решение би било Украина веднаш да се приклучи на преговорите и да добие полноправно членство врз основа на заслуги.

Тагови: Еди Рама

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

31-година од атентатот врз претседателот Глигоров, се уште нема разврска

Поминаа 31-година од атентатот со автомобил-бомба врз претседателот Киро Глигоров.

31-година од атентатот врз претседателот Глигоров, се уште нема разврска

На 3 октомври беше извршен атентат врз првиот претседател на Македонија, Киро Глигоров, кој со тешки повреди на главата ,го преживеа напaдот.

На местото на атентатот загина неговиот возач Александар Спировски, а беше повреден телохранителот на глигоров, Илчо Теовски. Како последица од повредите почина и случајниот минувач Христо Христоманов.

Истрагата утврди дека атентатот врз македонскиот претседател, бил добро подготвен и организиран. Остана непознато кој стоел зад атентатот, а истражната постапка која се води против непознат сторител се уште е отворена. Нападот беше извршен со автомобил-бомба во 1995 година во 9:50 часот на улицата „Македонија“ пред хотелот „Бристол“ во Скопје кога Глигоров со службено возило се движеше од неговата резиденција на работното место во Собранието. Киро Глигоров почина од природна смрт на 94 годишна возраст на 1 јануари 2012 година.

Тагови: Киро Глигоров

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер