Зголемен број на посетители од Бугарија на градскиот пазар во Делчево - Канал 5

Живот

Зголемен број на посетители од Бугарија на градскиот пазар во Делчево

Зголемен број на посетители од соседна Република Бугарија и денеска беше забележлив на градскиот пазар во Делчево.

Зголемен број на посетители од Бугарија на градскиот пазар во Делчево

Вообичаено најмногу се пазарува зеленчук и овошје, чија цена за нијанса како што велат посетителите е пониска од онаа во Бугарија, исто како и цената на оризот, сирењето и други сезонски производи.

Меѓу оние кои често го посетуваат Делчево е и Јанко Геогиев од Перник. Тој овде покрај за да купи нешто од пазарот, доаѓа и за да се види и со својот пријател Илко Тодоровски чии куќи во село Ветрен се наоѓаат на само неколку метри од двете страни на границата.

-Неговата и мојата куќа се веднаш до границата. Неговата куќа е свртена кон Македонија. Многу ја сака македонската музика и е пријател со нашата пејачка Стојне Николова, вели Тодоровски.

Георгиев кој живее во Перник вели дека во Делчево досега има доаѓано околу 80 пати.

-Често доаѓам сигурно досега околу 80 пати. Делчево е еден преубав сончев град. Тука сме да си купиме нешто со сопругата, зеленчукот ви е поевтин особено пиперките и доматите, вели Георгиев.

Во селото Ветрен вели дека оди поретко односно само во летниот период бидејки во зиме патот е оштетен.

-Таму одам околу четири пати годишно, летно време.Додека престојувам таму слушам македонска музика на Радио Делчево, кое сега ми се чини дека не постои повеќе. Зимно време патот е полош и не одам таму поради тоа што не може да се пристигне безбедно, додава Георгиев.

Неговите корени како што раскажува тој се од с. Саса, од каде потекнува неговата баба Јордана која во времето кога немало граници заминува за Ветрен, а неговиот дедо Георги учествувал во битката кај Калиманско поле каде загинал. За неговиот пријател Илко вели дека кога е овде често разговараат за некогашното време и животот во село Ветрен.

Тагови: Бугарија Делчево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Страшна несреќа во Бразил: Најмалку 22 мртви

Најмалку 22 лица загинаа во судир помеѓу минибус и камион на автопат во бразилската држава Парана, соопшти денес Федералната сообраќајна полиција.

Страшна несреќа во Бразил: Најмалку 22 мртви

Уште пет лица се повредени во несреќата, која се случи рано утрово, објави „CNN“. Повеќето од загинатите биле патници во минибус кој припаѓал на здравствената служба на општината Имбитува.

Возачот на камионот, исто така, починал. Повредените се однесени во болниците во Понта Гроса. Минибусот патувал од Имбитува до болниците во пошироката област Куритиба, додека камионот патувал од Карамбеј до Прудентополис.

На местото на несреќата интервенирале членови на Федералната сообраќајна полиција, цивилната полиција, брзата помош, противпожарната служба и екипи од концесионерот Виа Араукарија, кој управува со делницата.

Фото: X

Тагови: Бразил

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Иран до земјите од заливот: Секоја помош за американската армија ќе ја сметаме за учество во војната

Иран ги предупреди земјите од заливот да не даваат никаква помош на американската војска, нагласувајќи дека тоа ќе го смета за поддршка на  воените операции на Вашингтон против Исламската република.

Иран до земјите од заливот: Секоја помош за американската армија ќе ја сметаме за учество во војната

„Сакаме да предупредиме: секоја помош или соработка што и се дава на агресорската американска армија е еднаква на учество во воените операции на САД“, изјави началникот на генералштабот на иранските вооружени сили, Али Абдолахи.

Во меѓувреме, Иран ги негираше обвинувањата дека вчера вечерта испалил ракети врз Обединетите Арапски Емирати, опишувајќи ги како „целосно неосновани“, јави ДПА. Претходно, министерството за одбрана на емиратите објави дека биле пресретнати две балистички ракети лансирани од Иран.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Вашингтон им ја мери „лојалноста“ на НАТО сојузниците

Администрацијата на американскиот претседател Доналд Трамп испратила до земјите членки на НАТО прашалник со кој, со цел да ја оцени нивната лојалност со американската политика..

Вашингтон им ја мери „лојалноста“ на НАТО сојузниците

Како што објави Блумберг, прашалникот навлегува токму во темите што го делат Вашингтон од дел од европските сојузници, како американските воени активности против Иран и односот кон Николас Мадуро.

Земјите требале да одговорат и за европските набавки на оружје и дали тие ги насочуваат кон домашни или кон американски компании..Белата куќа, според медиумите, поставила и директни прашања за американската надворешна политика и од членките се бара да наведат дали јавно ги поддржале позициите на Вашингтон. Прашалникот стигнува и до американското воено присуство во Европа. Земјите исто така треба да наведат какви ограничувања поставиле за користењето на нивните бази од американските сили.. Извори од нато ваквите чекори ги доживуваат како обид за наметнување идеолошка линија. Според нив, политичката усогласеност се става во равенка со американската воена заштита.. Дел од сојузниците сметаат дека пристапот „безбедност преку лојалност“ ги поткопува темелите на трансатлантските односи воспоставени по Втората светска војна., пишува Блумберг..

Тагови: НАТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер