Земјотрес со јачина од 7,7 степени ги погоди Мјанмар и Тајланд – се идентифкува бројот на мртви - Канал 5

Свет

Земјотрес со јачина од 7,7 степени ги погоди Мјанмар и Тајланд – се идентифкува бројот на мртви

Уривањето на 30-катница во изградба во Бангкок во Тајланд сведочи за размерите на земјотресот кој попладнето по локално време го погоди соседен Мјанмар, а сериозно го постресе целото негово соседство.

Земјотрес со јачина од 7,7 степени ги погоди Мјанмар и Тајланд – се идентифкува бројот на мртви

Драматичните снимки од работници како бегаат од буквално срамнетиот со земја облакодер, од под чии бетонски блокови се трага по најмалку 90 затрупани лица, само ги зголеми стравувањата колкава е катастрофата во епицентарот на потресот Мјанмар, од каде засега доаѓаат штури информации.

Земјотресот од 7,7 рихерови степени и на длабочина од 10 километри ја погоди азиската земја во 13 часот и 20 минути по локално време, а ургентниот апел на Воената хунта во меѓународно самоизолираниот Мјанмар за итна помош зборува за состојбата во која се наоѓа сиромашната азиска земја. Прогласена е вонредна состојба во шест региони. Најпогоден е вториот по големина град Мандалеј, каде се гледаат урнати и мостови и згради во пламен, непроодни патишта.

Странските агенции, како што пренесе BBC, проценуваат за стотици загинати, но нема никаква потврда, исто како и за бројот на жртви во Тајланд, каде владее вистинска паника. Ова е глетката од базен на врвот од повеќекатница во Бангкок, од каде со часови се излеваше вода од зградата.

-На почетокот се движев и одев мирно, но потоа зградата навистина почна да се ниша... Имаше многу врескање, многу паника, луѓе трчаа на погрешен пат по ескалаторите. Се слушаа тресоци и метеж во трговскиот центар. , изјави турист во Бангкок.

-Истрчав на улица и погледнав кон една зграда колку онаа онаму. Навистина се нишаше, а целата вода се истураше од самиот врв.. , изјави турист во Бангкок.

„Хјуман рајтс воч“ и Амнести интернешнал ги повикаа властите во Мјанмар да дозволи непречен пристап хуманитарна помош поради историјата на блокирање донации по природните катастрофи.

Меѓународните организации стравуваат дека размерите на катастрофата може долго време да останат непознати, со оглед дека режимот забрани многу медиуми, го ограничи пристапот на интернет и ги блокираше социјалните мрежи, по доаѓањето на власт на воената хунта пред четири години со државен удар.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Посебен режим на сообраќај поради Скопскиот маратон

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Посебен режим на сообраќај поради Скопскиот маратон

На 04.10.2026 (недела) со почеток во 08:00 часот, во организација на Сојуз на спортови на Скопје, ќе се одржи - „Виз Ер Скопски маратон 2026“ со следните траси на движење: траса на движење на трката од 5км – Старт на ул.„11-ти Октомври“ (кај зелен пазар), право по ул.„11-ти Октомври“, лево по бул.„Крушевска Република“, десно по бул.„3-та Македонска Бригада“, полукружно на крстосница помеѓу бул.„3-та Македонска Бригада“ и ул.„Коста Новаковиќ“ и по истата траса назад до целта – плоштад „Македонија“ на ул.„11-ти Октомври“ и траса на движење на маратонот, полумаратонот и штафетната трка (по наведената траса за штафетната трка и маратонот натпреварувачите се движат 2 пати) – Старт Собрание на РСМ на ул.„11-ти Октомври“, право кон „Рекорд“ односно по ул.„Димитрие Чуповски“, право по ул.„Митрополит Теодосиј Гологанов“, право по ул.„Војвода Васил Чакаларов“, се до крстосница со ул.„Ангел Динев“ каде се врти полукружно назад по истата траса се до Собрание на РСМ на ул.„11-ти Октомври“ и се продолжува право по ул.„11-ти Октомври“, лево по бул.„Крушевска Република“, десно по бул.„3-та Македонска Бригада“, лево по ул.„Васко Карангелевски“, десно по бул.„Јане Сандански“ се до крстосница со бул.„Србија“ каде се врти полукружно и во истата коловозна лента назад по бул.„Јане Сандански“ се до крстосница со бул.„Кузман Јосифовски Питу“ каде се врти полукружно назад во истата коловозна лента до крстосница со ул.„Васко Карангелевски“, десно по ул.„Васко Карангелевски“, десно по бул.„3-та Македонска Бригада“, лево по бул.„Крушевска Република“, десно по ул.„11-ти Октомври“ до целта- Плоштад Македонија.

Од тие причини Единица за безбедност на патниот сообраќај ќе преземе мерки за посебен режим на сообраќај, при што сообраќајот ќе се пренасочува по околните сообраќајници.

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Тагови: Скопски маратон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер