Земјоделци пристигна на демонстрации во Брисел - Канал 5

Земјоделци пристигна на демонстрации во Брисел

Земјоделци пристигна на демонстрации во Брисел, главните белгиски земјоделски здруженија не го поддржаа протестот .

Земјоделци пристигна на демонстрации во Брисел

Околу 200 трактори од Холандија претпладнево ја преминаа границата со Белгија и се упатија кон Брисел, формирајќи колона долга 8,5 километри, за да учествуват на најавените денешни земјоделски протести во белгискиот главен град.

Како што јавија холандските медиуми, поворката тргнала ноќеска околу 1:30 часот од местото Шајк во провинцијата Брабант, при што по пат и се приклучувале трактори од други делови на Холандија.

Организацијата Земјоделски одбранбени сили (ФДФ) информира дека „илјадници холандски фармери со околу 500 трактори“ се упатиле кон Брисел, на кои се очекува „само од Фландрија да им се приклучат „околу 1.000 трактори“.

Според медиумските извештаи холандските трактори со знамиња на Холандија истакнати наопаку и на ФДФ, како и со пароли како „земјоделците се грижат за вашата храна“, се упатиле кон Брисел, при што им се приклучиле и фармери од Германија и Белгија.

Белгиската федерална полиција соопшти дека „странски и домашни земјоделци, најчесто со трактори, од рано утрово се упатиле кон платото Хејсел, во близина на бриселскиот саемски комплекс и стадионот „Крал Бодуен“, каде е најавеното собирно место за учесниците на протестите.

Полицијата ги затвори патните правци по кои се движеа тракторите за да може колоната напречно да стигне до Брисел, но не им дозволија да излезат на автопатиштата.

- Се очекува неколку стотици, можеби и илјада земјоделци, вклучително и од странство, да стигнат со трактори во Брисел, соопшти полицијата.

Сепак, повеќето белгиски земјоделски здруженија не се приклучија на денешниот протест, посочувајќи дека зад него стојат „тврдокорните земјоделски организации и групи поврзани со екстремната десница“. Дополнително, според нив, има и обиди за политизирање на протестот, посочувајќи дека тој бил промовиран од субјекти блиски до унгарскиот премиер Виктор Орбан.

ФДФ ги отфрли ваквите обвинувања, посочувајќи дека нивна цел е укинување на Зелениот договор на ЕУ во неговата сегашна форма, забрана за увоз на земјоделско-прехранбени производи од земји што не се членки на Унијата, отфрлање на какви било ограничувања во сточарството и „апсолутна заштита“ на правото на користење приватната сопственост.

Според ФДФ, на протестот попладнево ќе говорат претставник на германската Христијанско демократска унија (ЦДУ), од која доаѓа и претседателката на Еврокомисијата, Урсула фон дер Лајен, како и белгискиот европратеник Том Вандендрише од редовите на екстремно десничарскиот Фламански интерес (ВБ) и „тајни високи говорници“ од полската десничарска партија Право и правда (ПиС).

Валонската земјоделска федерација (ФВА), кое е најголемо здружение на земјоделците во Валонија, оцени дека тајмингот за одржување на денешниот протест „не е многу соодветен“.

- ФВА не учествува на протестите од две причини: доцнењето во земјоделските работи поради временските услови и приближувањето на изборите, што значи дека тајмингот не е многу соодветен. Предоцна е да ја убедиме актуелната Влада да ја промени својата политика и прерано да ги објасниме нашите аргументи на новата, изјави претставник на ФВА.

Во Белгија в недела покрај Евроизборите, ќе се одржат и избори за членови на Федералниот парламент и на регионалните парламенти на Брисел, Валонија и Фландрија.

- Се надеваме дека изборите ќе доведат на власт луѓе кои се свесни за реалноста на теренот и за тешкотиите што ги имаат земјоделците, посочија од ФВА.

И најголемото здружение на земјоделците од Фландрија, Земјоделскиот сојуз (ББ), исто така, реши да не учествува на денешните протести.

Според претставничка на ББ, тие избрале „стратегија на дијалог за да го засилат гласот на фармерот“, но дека го поддржуваат секој поединец што ќе „избере да го претставува гласот на земјоделецот на достоинствен начин“.

Таа посочи дека по земјоделските протести организирани од страна на ББ низ фламанските провинции во последниве месеци, тие биле поканети да учествуваат во дискусиите за земјоделските политики и тоа резултирало со нови мерки и закони, а земјоделството „првпат по многу години се наметнало како значајна тема во изборната кампања“.

Од друга страна фламанскиот Генерален синдикат на фармерите (АБС) соопшти дека ќе учествува на денешните протести, со што сака да покаже дека „подготвеноста за преземање акција останува непроменета“.

Организирањето на протестот во неделата кога се одржуваат изборите за членови на Европскиот парламент, веќе беше оценето како обид за дополнителен притисок врз институциите на ЕУ.

Денешните демонстрации следат по протестот во Брисел во саботата во организација на групата „Добра храна, добро земјоделство“ и Мрежата за климатска акција (КАН) од кои околу стотина демонстранти побараа европска политика за борба против глобалното затоплување и зачувување на екосистемите, но „без казнување на земјоделците“.

Според организаторите на саботниот протест од суштинско значење е развивање на европска политика за фер транзиција во земјоделско-прехранбените системи во ЕУ.

- Само со здружување на социјалните и еколошките напори ќе можеме да се справиме со кризите со кои се соочуваме и да обезбедиме фер иднина за сите, изјави Миа Манчини од организацијата „Добра храна, добро земјоделство“ за белгиската новинска агенција Белга.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Новиот претседател на српското собрание Чупиќ поканет на Самитот во Брисел, но одбил да присуствува

Новиот претседател на српското собрание, Александар Чупиќ, кој привремено ја извршува и функцијата претседател на Србија добил покана да учествува на Самитот на Европската унија и Западен Балкан, што ќе се одржи на 25 ноември во Брисел.

Новиот претседател на српското собрание Чупиќ поканет на Самитот во Брисел, но одбил да присуствува

Од делегацијата на Европската унија во Србија информирале дека Чупиќ изразил жалење што нема да може да присуствува на состанокот, но не ја наведуваат точната причина за тоа. Поканата ја упатил претседателот на Европскиот совет, Антонио Кошта. Во писмото тој навел дека самитот ќе биде можност за разговор за клучните прашања поврзани со соработката меѓу Европската унија и земјите од Западен Балкан.

Инаку, поранешниот српски претседател Александар Вучиќ одби да учествува на Самитот во Брисел во декември 2024 година, незадоволен од тогашната одлука на Европската унија да не го отвори кластерот 3 во пристапните преговори со србија, кој се однесува на конкурентноста и инклузивниот раст.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Денес граѓаните на Крива Паланка излегоа на мирен протест-Одиме до крај — додека не се спроведе законот и последното грло добиток не биде изнесено од градот!

Под пораката „За безбедност, за заштита на имот и за спроведување на законот!“, присутните побараа неодложни, координирани активности на надлежните институции и трајно решавање на проблемот.

Денес граѓаните на Крива Паланка излегоа на мирен протест-Одиме до крај — додека не се спроведе законот и последното грло добиток не биде изнесено од градот!

Многубројни граѓани од Крива Паланка и околните села денес, 21 ноември, се приклучија на мирниот протест кај мотел „Македонија“, изразувајќи поддршка за барањата за безбедност, заштита на имотот и итно спроведување на решенијата за одземање на добитокот.

Под пораката „За безбедност, за заштита на имот и за спроведување на законот!“, присутните побараа неодложни, координирани активности на надлежните институции и трајно решавање на проблемот.

„Одиме до крај, додека не биде спроведен законот и последното грло добиток не биде изнесено од градот. Оваа агонија и голгота мора да престане. Дадов збор дека ќе останам со народот до крај и тој збор ќе го одржам“, порача градоначалникот Сашко Митовски.

Митовски побара надлежните институции да ги исполнат своите обврски и да ги спроведат решенијата донесени пред повеќе од две и пол години. Нагласи дека граѓаните предолго ги трпат последиците и дека заштитата на нивните семејства, имоти и егзистенција бара итно постапување.

На протестот се обрати и претседателот на Советот на Општина Крива Паланка, Миле Трајковски, кој порача дека остануваат со граѓаните до решавање на проблемот и најави порадикални протестни мерки доколку изостане конкретно институционално постапување.

Оштетени граѓани сведочеа за уништени насади, оштетени имоти, големи материјални загуби и закани со кои се соочувале. Побараа заштита на своите семејства и услови за безбедно живеење и непречено обработување на земјоделските површини.

Денешниот протест следува по мерките предложени од Општинскиот кризен штаб, барањето за прогласување 30-дневна кризна состојба и многубројните јавни апели. На 18 ноември, градоначалникот и засегнати граѓани поднесоа кривични пријави со барање да се испита одговорноста за неспроведувањето на решенијата. Доставени се и претставка до ДКСК и барање за вонреден инспекциски надзор до Државниот управен инспекторат.

Општина Крива Паланка останува покрај своите граѓани, со јасно барање за спроведување на решенијата, институционална одговорност и конкретни резултати на терен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Делчево ќе добие современа спортска сала - Ристовски: Ги враќаме во живот спортските центри низ цела Македонија

Министерството за спорт продолжува со реализација на проектите за изградба и реконструкција на спортската инфраструктура низ целата држава. 

Делчево ќе добие современа спортска сала - Ристовски: Ги враќаме во живот спортските центри низ цела Македонија

Во Делчево денеска официјално започнаа градежните активности за реконструкција на спортската сала, значаен проект во вредност од 50 милиони денари, со кој ќе се обезбедат современи и квалитетни услови за развој на спортот во општината.

Почетокот на градежните активности го означија претседателот на Владата, Христијан Мицкоски, министерот за спорт, Борко Ристовски и градоначалникот на Општина Делчево, Иван Гоцевски.

Министерот Ристовски, истакна дека реконструкцијата на спортската сала е дел од пошироката стратегија на Министерството за спорт за изградба и реконструкција на спортската инфраструктура низ целата држава.

„Овој проект е уште еден чекор во она што Министерството за спорт сака да го направи, а тоа е враќање во живот на сите спортски центри на територијата на цела Македонија. Со реконструкцијата на оваа спортска сала Делчево ќе заживее како спортски град, а што е уште поважно, децата и младите ќе имаат место каде што ќе можат да се занимаваат со спорт. По реконструкцијата, која треба да биде реализирана во рок од 18 месеци, сигурен сум дека овој објект, кој со години пропаѓал, ќе прерасне во современ спортски центар, во кој ќе може да се организираат и поголеми спортски настани“ - истакна Ристовски.

Министерот за спорт нагласи дека спортската инфраструктура е основа за развојот на спортот и токму затоа Министерството за спорт посветува посебно внимание на овој сегмент.

„Упатувам голема благодарност до претседателот на Владата, Христијан Мицкоски, за поддршката што ја имаме во спроведувањето на ваквите инфраструктурни проекти како и до градоначалниците и локалните самоуправи со кои имаме добра соработка во реализацијата. Без сето тоа не би можеле да се реализираат овие капитални проекти кои значат многу за македонскиот спорт и генерално за граѓаните, особено за младите на кои мора да им обезбедиме современи, достапни и безбедни објекти за спорт и рекреација“ - рече министерот Ристовски.

Реконструкцијата на спортската сала во Делчево е дел од континуираните инвестиции на Министерството за спорт и Владата во подобрување на спортските услови и инфраструктурните капацитети.

Во рамките на оваа програма на Министерството за спорт во изминатиот период целосно се реконструирани спортските сали во Радовиш, Ново Село и спортската сала „Расадник“ во Скопје, започната е реконструкцијата на салата „Македонија“ во Прилеп, а паралелно се реализира и изградба на три нови спортски сали – две во Скопје и една во Крушево.

Министерството за спорт останува посветено на реализација на конкретни инфраструктурни проекти со цел создавање современи услови за спортување, унапредување на спортскиот потенцијал и поттикнување на младите да бидат активни и да се занимаваат со спорт.


Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер