Земјата денеска регистрираше 289 нови случаи и шестмина починати, но според епидемиологот и член на кризниот штаб, Предраг Кон, иако состојбата е влошена, таа се уште под контрола.
-Во случај да дојде до колапс на здравствениот систем, нема друга мерка освен карантин.
Замената за „заклучувањето“ е носење маски., вели проф.д-р Предраг Кон, епидемиолог.
Но, со Кон не се согласува неговиот колега Зоран Радовановиќ, кој изнесе скандалозни тврдења во однос на вистинската слика со пандемијата во земјата. Истакнатиот епидемиолог тврди дека властите свесно ги кријат вистинските бројки на заболени и починати и дека реалната состојба е многу подраматична.
-Ако би ви кажал дека на 2 јули официјално имало шест смртни случаи во Србија и дека вистинскиот број бил 52, тогаш ќе ме прашате како го знам тоа, а потоа треба да го откријам идентитетот на колегата од Клиниката за инфективни болести. Toj знаеше колку имало починати во другите болници и одеднаш го гледа извештајот – само шест и тогаш ќе му зоврие. Тука има толку забошотување, но се знае дека бројот е повеќе кратно намален. Тоа е тој морален пад на моите колеги, изјави проф.д-р Зоран Радовановиќ, епидемиолог.
Освен во Србија, состојбата е критична во речиси целиот регион. Косово денеска регистрира рекордни 195 позитивни случаи и четворица починати, а Босна и Херцеговина 165 новозаразени. Соседна Бугарија веќе размислува на воведување рестриктивни мерки, откако денеска изброја 174-ца позитивни и четворица починати.
-Надминувањето на границата од 200 новозаразени е еден многу јасен сигнал дека треба да ги вратиме мерките кои ги имавме до скоро, изјави Кирил Ананиев, министер за здравство на Бугарија
Во моментов во регионот најстабилна е состојбата во Грција и во Словенија, а Хрватска и Црна Гора бележат нагорен тренд во последните денови.