Во последните 33.000 години, универзумот постојано ја преплавувал Земјата со редок изотоп на железо, формиран во супернова. Ова не е прв пат изотопот на железо-60 да се најде на нашата планета, а тоа придонесува за сè поголемиот број докази дека Земјата веќе некое време се движи низ меѓуѕвезден облак од прашина, веројатно по супернова што се случила пред милиони години.

Имено, нуклеарниот физичар Антон Волнер од австралискиот национален универзитет пред извесно време ги датира наносите на овој изотоп во морското дно на 2,6 милиони и 6 милиони години, што сугерира дека прашината од супернова паднала на Земјата во тој период. Но, сега се пронајдени докази дека железо-60 паднало на нашата планета во последните 20 години, пишува Science Alert.

Пред неколку години, научниците објавија дека е откриено железо-60 во вселената околу Земјата, а сега Валнер го најде изотопот во пет примероци земени од морските длабочини, а некои се стари 33 000 години. Открил дека количината на железо-60 во примероците е прилично еднаква во текот на целиот временски период.

Но, има еден проблем. Нашата планета моментално се движи низ областа наречена Локален меѓуѕвезден облак, која се состои од гас, прашина и плазма. Ако овој облак е формиран по експлозии на sвезди или супернови, тогаш е разумно да се очекува дека прашина со железо-60 паѓа на Земјата веќе некое време; што Валнер исто така се обиде да го докаже.

Но, ако Локалниот меѓуѕвезден облак е навистина извор на железо-60, неговото ниво требало нагло да се зголеми кога Сончевиот систем влегол во облакот, што се случило во последните 33 000 години. Најстариот примерок со овој изотоп во тој случај требало да има најниско ниво на железо-60 - што не беше случај.

Експертите веруваат дека е можно локалниот меѓуѕвезден облак и прашина од супернова да не се единствена структура, туку да се појавиле во исто време, или остатоците од супернова што се случиле пред милиони години да останале во некои делови на меѓуѕвездениот облак.

"Некои неодамнешни истражувања сугерираат дека железо-60 заробено во честички од прашина може да се движи во меѓуѕвездениот медиум. Тоа би значело дека овој изотоп може да доаѓа од дури и постари супернови и дека фаќаме некаков нивен одглас", рече Волнер.

Експертите веруваат дека ќе излеземе со одговор ако бараме повеќе примероци со железо-60, особено оние стари меѓу 40 000 години и оние околу милион години. Во тој случај, ако нивото на железо-60 се зголемува со возраста на примерокот, тоа би значело дека изотопот потекнува од древна супернова.

Од друга страна, повисоките нивоа на изотопи кај поновите примероци ќе покажат дека изворот на железо-60 е локален меѓуѕвезден облак.

Студија наречена 60Fe deposition during the late Pleistocene and the Holocene echoes past supernova activity е објавена во Proceedings of the National Academy of Sciences.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.