Зеленски: За една недела Русија изведе 1.800 напади со беспилотни летала врз Украина - Канал 5

Свет

Зеленски: За една недела Русија изведе 1.800 напади со беспилотни летала врз Украина

Украинскиот претседател Володимир Зеленски денеска ја обвини Русија за сè поголем тероризам врз цивилите во неговата земја, известувајќи дека најмалку 1.800 беспилотни летала биле лансирани врз Украина во текот на изминатата недела, јави ДПА.

Зеленски: За една недела Русија изведе 1.800 напади со беспилотни летала врз Украина

Руските сили, исто така, неделава врз Украина фрлија над 1.200 лизгачки бомби и лансираа 83 ракети, рече украинскиот претседател на каналот Телеграм, пренесува германската агенција.

“Русите го зголемуваат теророт врз градовите и општините, за дополнително да ги заплашат нашите луѓе“, напиша Зеленски.

Истовремено, украинскиот лидер ја пофали украинската противвоздушна одбрана.

„Специјално развиените дронови-пресретнувачи неделава соборија стотици борбени дронови „Шахед“, произведени во Иран, а што беа лансирани врз Украина“, рече тој.

Зеленски рече дека неодамна имал голем број состаноци со западните партнери за понатамошен развој на овие одбранбени беспилотни летала, пренесе ДПА.

Украина се брани од целосна руска инвазија повеќе од три години, во голем дел благодарение на оружјето што го обезбедуваат западните сојузници.

Русија неодамна значително ги засили ноќните воздушни напади врз помалиот сосед и речиси секој ден ја напаѓа Украина од воздух.

Русија во средата го изведе својот досега најголем напад со беспилотни летала врз украинска територија, при што Украина пресретна повеќе од 700 дронови.

Тагови: зеленски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пукање во училиште на Филипините: Загинаа три деца, а осум се повредени

Тројца ученици загинаа денес при пукање во училиште во градот Банга, во јужниот дел на Филипините, вклучително и 16-годишникот осомничен за извршување на нападот , додека осум други лица се повредени, соопшти градоначалникот на градот.

Пукање во училиште на Филипините: Загинаа три деца, а осум се повредени

„Сите жртви се ученици на возраст од 14 до 17 години. Четворица од повредените се во критична состојба“, изјави за Ројтерс Алберт Паленсија, градоначалникот на Банга.

Медиумите претходно известуваа, повикувајќи се на локални претставници, дека најмалку едно лице загинало, а четворица биле ранети.

Инцидентот се случил во Националното средно училиште „Банга“ во провинцијата Јужен Котабато, на југот на Филипините, според гувернерот на Јужен Котабато, Реиналдо Тамајо.

Наредникот на полицијата Реџи Фадерон претходно изјави дека има повеќе повредени и оти полицијата ги утврдува деталите.

Пред точно еден месец, најмалку две лица загинаа, а девет беа повредени при пукање во училишниот комплекс во градот Замбоанга, на југот на Филипините – поточно во кампусот на средното училиште при Универзитетот „Атенео де Замбоанга“.

Според градоначалникот, осомничениот, ученик во седмо одделение, влегол во училиштето на 18 август вооружен со пушка и пиштол, отворил оган врз учениците и наставниците, а потоа си го одзел животот.

Тагови: пукање Филипините

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Селекторот на Србија го објави составот: Душан Тадиќ се враќа во репрезенатцијата

Селекторот на најдобрата фудбалска селекција на Србија, Вељко Пауновиќ, го објави спидсоко на фудбалери  за претстојните четири натпревари во елитната А група од Лигата на нации на УЕФА. 

Селекторот на Србија го објави составот: Душан Тадиќ се враќа во репрезенатцијата

Србија најпрво ја очекуваат два натпревара на домашен терен во Белград против Грција и Холандија, по што следуваат исклучително тешки гостувања против Германија во Минхен и повторно против Холандија во Ајндховен.

Главна вест во врска со составот е официјалното враќање на поранешниот капитен Душан Тадиќ во националниот тим, како и повикувањето на бројни дебитанти и целосна реконструкција на нападот.

Нови имиња на списокот се Петар Шукачев и Лазар Николиќ од Војводина Нови Сад, како и Стефан Џодиќ од шпанска Алмерија.

Во нападот, повикани се помладите играчи Михајло Цветковиќ и Јован Милошевиќ, заедно со повратникот Дејан Јовељиќ.

Селекторот Пауновиќ ќе се потпре на следните играчи за претстојните репрезентативни предизвици:

Голмани: Вања Милинковиќ-Савиќ, Ѓорѓе Петровиќ, Филип Станковиќ.

Одбрани: Страхиња Павловиќ, Страхиња Ераковиќ, Срѓан Бабиќ, Никола Симиќ, Коста Недељковиќ, Алекса Терзиќ, Петар Шукачев, Лазар Николиќ.

Играчи од средниот ред: Александар Станковиќ, Немања Максимовиќ, Сергеј Милинковиќ-Савиќ, Саша Лукиќ, Немања Гудељ, Вања Драгојевиќ, Лазар Самарџиќ, Андрија Живковиќ, Филип Костиќ, Стефан Џодиќ, Василије Тасвиќ, Душин Костов.

Напаѓачи: Душан Влаховиќ, Лука Јовиќ, Дејан Јовељиќ, Михајло Цветковиќ, Јован Милошевиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Вознемирувачко видео: Возач во Пробиштип прегази кучиња покрај патот

Снимка е објавена на социјалните мрежи, на која се гледа како возач со кола гази кучиња покрај патот кај Лиса Гара, на патот кон Марчено, во Пробиштип.

Вознемирувачко видео: Возач во Пробиштип прегази кучиња покрај патот

На видеото кое го објави ТВ Стар на фејсбук, се гледа дека едно од кучињата е прегазено, а според информациите, животното угинало.

Се очекува реакција на МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер