Зеленски: Украинската противвоздушна одбрана ќе биде реструктуирана поради руските напади - Канал 5

Свет

Зеленски: Украинската противвоздушна одбрана ќе биде реструктуирана поради руските напади

 Украинската противвоздушна одбрана ќе биде реструктуирана за да одговори на актуелните руски напади, изјави синоќа претседателот Володимир Зеленски, пренесе ДПА.

Зеленски: Украинската противвоздушна одбрана ќе биде реструктуирана поради руските напади

„Во некои региони, начинот на кој работат тимовите ќе биде целосно реструктуиран“, рече Зеленски во својата редовна вечерна видео порака до сограѓаните, додавајќи дека ова ќе влијае на пресретнувачите, мобилните противпожарни групи и целиот состав на локалната воздушна одбрана.

Соодветните наредби беа донесени за време на консултација со военото раководство, рече тој, пренесе германската агенција.

Украина многу страдаше од руските напади со беспилотни летала и ракети за време на бруталната зима. Во услови на температури кои достигнаа далеку под -10 степени Целзиусови, електричната енергија и греењето беа прекинати во многу градови низ земјата поради руските напади. Милиони Украинци мора да се справат без греење или електрична енергија со часови секој ден.

Зеленски во своето редовно обраќање се осврна и на актуелните енергетски проблеми на сонародниците, притоа заблагодарувајќи им се на службите за цивилна заштита, меѓународните партнери на Украина за нивната испорачана помош и на многуте електричари од енергетските компании кои се обидуваа да поправат барем дел од огромната штета.

Меѓутоа, тој упати и критика за регионалните администрации затоа што не ги пријавуваат проблемите навремено, со што ја влошуваат ситуацијата на теренот, пренесе ДПА.

Покрај Киев, чиј градоначалник Виталиј Кличко е вклучен во повеќекратни јавни конфликти со Зеленски веќе некое време, претседателот ја истакна и ситуацијата во Ахтирка и во неговиот роден град Кривји Рог, потсети ДПА.

Тагови: Володимир Зеленски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска во Собранието ќе биде промовиран кодексот за етичко однесување на пратениците

Денеска во Собранието ќе биде промовиран кодексот за етичко однесување на пратениците, документ со кој се утврдуваат принципите и стандардите за однесување на избраните претставници во законодавниот дом.

Денеска во Собранието ќе биде промовиран кодексот за етичко однесување на пратениците

Кодексот беше усвоен на 15 јуни годинава, а според претседателот на собранието, Африм Гаши, неговата цел е да воспостави јасни правила за етичко постапување и одговорност на пратениците во извршувањето на нивната функција.

На промотивниот настан воведни обраќања ќе имаат претседателот на собранието Африм Гаши, амбасадори и пратеници во рамки на настанот ќе се одржи и дискусија на тема „Од усвојување до примена – следни чекори“, посветена на практичната примена на новите етички стандарди во работата на пратениците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Официјалните канали на белгискиот тим со порака до Трамп и Инфантино: -„Поништи го ова!“

Фудбалската репрезентација на САД во осминафиналето го заврши својот мундијалски сон за висок пласман на првенството на кое е кодомаќин. 

Официјалните канали на белгискиот тим со порака до Трамп и Инфантино: -„Поништи го ова!“

Репрезентација на Белгија во осминафиналето синоќа ги совлада САД со убедливи 4:1 и обезбеди место меѓу осумте најдобри селекции на 23 Светски шампионат.

За Белгијците овој успех и триумф е уште посладок, ако се замат во предвид контроверзиите кои го следеа овој дуел уште пред неговиот почеток.

ФИФА под притисок на американскиот претседател Трамп му го поништи црвениот картон на напаѓачот на САД, Фоларин Балогун, кој го доби против БиХ и му дозволи да игра во осминафиналето.

Молбата од Трамп која првиот човек на ФИФА, Инфантино ја прифати предизвика без низ целиот свет кај скоро сите искрени љубители на буба-марата.

Секако успехот на Белгија во овој контроверзен меч предизвика хаос и на социјалните мрежи.

Официјалните канали на белгискиот тим на социјалните мрежи брзо испратија порака откако беше потврдена нивната победа од 4-1.

„Поништи го ова!“, пишуваше во објавите, по четвртиот гол кој го постигна Лукаку.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Целосно реновирани две детски игралишта во Карпош

Во рамки на проектната активност за санација и реконструкција на урбаната опрема, Општина Карпош направи замена на старите и оштетени реквизити на уште две детски игралишта.

Целосно реновирани две детски игралишта во Карпош

На детското игралиште кое се наоѓа на ул. Никола Парапунов обновени се клупите, поставени се нови лулашки и санирана е останатата урбана опрема во склоп на ова катче.

На детското игралиште кај Адреналинскиот парк, во близина на кејот на реката Вардар, се изврши фарбање на урбаните елементи, се зацврстија подлогите на лулашките, се реновирааа клацкалките, лизгалките, а се заменија и старите дотраени дрвни конструкции.

Општината продолжува со засилено темпо на реконструкција и реновирање на претходно мапирани оштетени детски игралишта, сè со цел да им се обезбеди пријатен и безбеден престој за дружба, забава и игра на карпошани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер