Зеленски патува за Берлин на разговори со европските лидери пред самитот САД-Русија - Канал 5

Свет

Зеленски патува за Берлин на разговори со европските лидери пред самитот САД-Русија

Зеленски се очекува во германската престолнина да пристигне околу пладне, дознава ДПА од владини извори, а канцеларот Фридрих Мерц ќе го прими во својот работен кабинет.

Зеленски патува за Берлин на разговори со европските лидери пред самитот САД-Русија

Украинскиот претседател Володимир Зеленски денеска ќе биде во Берлин за лично да учествува на видеоконференцискиот консултативен состанок за претстојната средба во Алјаска меѓу рускиот претседател Владимир Путин и американскиот претседател Доналд Трамп, јави ДПА.

Зеленски се очекува во германската престолнина да пристигне околу пладне, дознава ДПА од владини извори, а канцеларот Фридрих Мерц ќе го прими во својот работен кабинет.

Видеоконференциските врски со европските лидери беа иницирани токму од Мерц, со цел да се воспостави заедничка позиција со Трамп пред неговата средба со Путин, во петок, во Енкориџ, јави германската агенција.

Планот е европските сојузници со Зеленски да разговараат во 14 часот. Заедно со Мерц, на состанокот ќе учествуваат лидерите на Франција, Велика Британија, Италија, Полска и Финска, како и претседателката на Европската комисија Урсула фон дер Лајен, претседателот на Европскиот совет Антонио Коста и генералниот секретар на НАТО Марк Руте.

Околу еден час подоцна, ќе се одржи втора дискусија со Трамп и потпретседателот на САД Џ.Д. Венс.

Европските влади стравуваат дека разговорите со висок ризик меѓу Трамп и Путин би можеле да доведат до територијални отстапки кон Русија, што Киев цврсто ги отфрли.

Трамп го најави состанокот во Алјаска како обид да се придвижат работите кон завршување на војната, која сега е во нејзината четврта година, пренесува ДПА.

Тагови: зеленски Фридрих Мерц

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Многу еуфорија во Скопје пред натпреварот со Шкотска, околу 4000 шкотски навивачи дојдоа за натпреварот

Шкотските навивачи  ги освоија улиците на Скопје. Не очекува ли жешка атмосфера вечерва на арената Тодор Проески, на дуелот мегу Макеоднија и Шкотска.

Многу еуфорија во Скопје пред натпреварот со Шкотска, околу 4000 шкотски навивачи дојдоа за натпреварот

Каква беше денеска атмосферата во Скопје, каде видливо беше присуството на таканаречената Тартан арми. Какви се очекувањата на шкмотските навивачи?

Скопје вечерва носи возбудлива атмосфера и поради уште еден настан традиционалната Бела ноќ. Што всушност носи нејзината програма, која најавено е дека ке трае до 3 часот по полноќ?

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Центарот на градот е исполнет со навивачи, Скопје живее во фудбалски ритам

Скопје денеска живее во фудбалски ритам. 

Центарот на градот е исполнет со навивачи, Скопје живее во фудбалски ритам

Неколку часа пред дуелот Македонија – Шкотска, центарот на градот е исполнет со навивачи од двете репрезентации, со песна, добро расположение и позитивна атмосфера пред вечерашната пресметка.

Највпечатливи, како и секогаш, се гостите. Шкотите во препознатлив стил – со килтови, знамиња и песна – уште од претпладне ја загреваа атмосферата низ скопските улици.

Добро расположение и кај македонските навивачи. Со надеж дека домашниот терен ќе донесе пресврт, тие очекуваат Македонија да ја прекине лошата серија и да стигне до првиот позитивен резултат.

За македонската репрезентација ова е можност пред домашната публика да го поправи впечатокот по поразите од Швајцарија и Словенија.

Вечерва од 20 часот и 45 минути, атмосферата од скопските улици ќе се пресели на трибините на Националната арена „Тодор Проески“. Таму прогнозите ќе завршат, а ќе почне борбата за првата победа во групата.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода велешанец, пронајдена дрога и пари, следува пријава

На 02.10.2026 во 18:00 часот во Велес, полициски службеници од Отсек за недозволена трговија со дрога при СВР Велес, го лишија од слобода Н.М.(42) од Велес. 

Лишен од слобода велешанец, пронајдена дрога и пари, следува пријава

Имено, тој бил забележан како на неколку места остава пакувања со бела грутчеста материја и при преглед на местата во негово присуство, биле пронајдени и одземени бела прашкаста материја, бела грутчеста материја, кафена грутчеста материја и дигитална вага, а при преглед кај Н.М. биле пронајдени и одземени пари.

Исто така, по издадена судска наредба од Основен суд Велес, бил извршен претрес во дом и помошни простории на Н.М., каде биле пронајдени и одземени пари. Тој бил задржан во полициска станица, известен е јавен обвинител и по документирање на настанот против него ќе биде поднесена соодветна пријава.

Тагови: дрога

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер