Свет

Зеленски ќе го чека Путин во Истанбул во четврток,но кој ќе дојде на преговори неизвесно

Зеленски ќе го чека Путин во Истанбул во четврток, но кој ќе дојде на преговарачка маса и натаму останува неизвесно.

Дипломатската игра на нерви попладнево ја продолжи Кремљ, од каде порачаа дека се подготвуваат за преговорите во Турција, но без да откријат дали Путин или некој друг ќе ја претставува Русија. Портпаролот Песков вели рускиот претседател допрва ќе одлучи кој ќе биде соговорник.

-Русија продолжува да се подготвува за разговорите закажани за четврток во Истанбул, но Кремљ засега нема да коментира за ова прашање. , изјави Дмитриј Песков, портпарол на Кремљ.

Украинската страна нема дилеми. Претседателот Зеленски би седнал на маса единствено со Путин, а доколку тој не се појави во Истанбул, ќе биде јасен сигнал дека Москва не сака да ја заврши војната.

-Ја потврдувам подготвеноста за директни преговори со Путин. Москва молчи за предлогот за директна средба. Тоа е многу чудна тишина. , изјави володимир Зеленски, претседател на Русија.

На полноќ истече ултиматумот што европските земји ѝ го испорачаа на Русија да одговори дали прифаќа 30-дневно примирје, а дека во спротивно ќе се соочи со санкции. Во позитивен исход во четврток верува и американскиот претседател Трамп, кој остава можност и самиот да присуствува во Истанбул.

На полноќ истече рокот што европските земји ѝ го дадоа на Русија да одговори на предлогот за триесетдневно примирје, а во случај на неприфаќање, тие се заканија со нови санкции. Кремљ само одговори дека „јазикот на ултиматум не може да се користи“ за дијалог со Русија.

-Можеби ќе добиеме добар резултат од тој четврток во Турција, ... Верувам дека двајцата лидери ќе бидат таму. Размислував да летам. Не знам каде ќе бидам во четврток, имам толку многу состаноци... Но, постои можност, претпоставувам, ако мислам дека нешто може да се случи. , изјави Доналд Трамп, претседател на САД.

Преговорите во Истанбул би биле продолжение пропаднатите разговори од 2022-та.

Клучни теми на разговор, како што соопшти специјалниот пратеник на Трамп, Стив Виткоф, би биле прашањата за територијалниот статус на регионите под контрола на Русија, нуклеарната централа Запорожје, како и пристапот на Украина до реката Днепар и Црното Море.

Тагови: русија украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Домашно ќофте

Во петок (29.05.2026) во емисијата гостин ни бeше Кристијан Лукаров

Состојки за денешниот рецепт:

300 гр. мелено месо

1 главица кромид

2 јајца

200 гр. кашкавал

половина китка магдонос

масло

сол, бибер и др. зачини по избор

Пире за прилог

3 компири

250 мл. млеко

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

НУ Камерен Oркестар на Битола го одржа својот јубилеен концерт по повод 3 години од основањето

Три години уметнички раст, посветеност и музика: јубилеен концерт на НУ Камерен Oркестар на Битола.

Минатата вечер, НУ Камерен оркестар на Битола го одржа својот јубилеен концерт по повод 3 години од своето постоење, одбележувајќи значаен момент во својот уметнички развој и присуство на македонската музичка сцена.

Пред полната свечена сала во Офицерски Дом, Битола, оркестарот изведе програма која го отслика неговиот досегашен уметнички пат, зрелост и континуиран стремеж кон квалитетна концертна продукција. Концертот беше под диригентска палка на маестро Борјан Цанев.

Програмата опфати дела од различни стилски периоди и музички изрази, создавајќи богата концертна целина. Во првиот дел беа изведени композиции од Клод Дебиси, со Прелудиум VI „Стапки во снегот“ и Прелудиум VIII „Девојката со ленена коса“, во оркестрација на Б. Цанев, како и „Capriol Suite“ од Питер Ворлок, „Fantasia on Greensleeves“ од Ралф Вон Вилијамс и „Romanian Folk Dances“ од Бела Барток.

Во вториот дел од концертот, публиката имаше можност да ја слушне „Serenade for Strings“ од Едвард Елгар, „A Little Daneliade“ од Гија Канчели, како и „Happy Birthday Variations“ од Питер Хајдрих — дело кое на симболичен и уметнички начин ја заокружи јубилејната вечер. Преку препознатливата тема „Happy Birthday“, обработена во различни стилови и варијации, оваа композиција внесе посебна свечена атмосфера и беше соодветен музички поздрав за роденденот на оркестарот.

Во изминатите три години, НУ Камерен оркестар на Битола реализираше повеќе од 30 концерти, настапуваше на значајни сцени низ Македонија и оствари гостувања надвор од државата, меѓу кои и во Виена и Рим. Со својата посветеност, професионализам и постојана активност, оркестарот изгради силна врска со публиката и се позиционираше како еден од значајните музички ансамбли во земјата.

Јубилејниот концерт беше можност да се прослави досегашниот успех, но и да се најави ново поглавје во работата на институцијата. Оркестарот продолжува со својата мисија да создава квалитетни музички содржини, да ја збогатува културната сцена во Битола и да ја претставува македонската музичка култура пред пошироката публика.

Публиката ја поздрави изведбата со силен аплауз, потврдувајќи дека НУ Камерен оркестар на Битола за кратко време успеа да стане препознатлив културен симбол на градот и институција од значење за македонската уметничка сцена. По завршувањето на концертниот дел, јубилејната вечер продолжи со свечен коктел, на кој беше одбележан роденденот на оркестарот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Промена на врвот на ФИФА листата пред почетокот на Светското првенство

Шест дена пред почетокот на Светското првенство, имаме нов лидер на ФИФА ранг-листата на националните селекции.

Станува збор за селекцијата на Аргентина, актуелниот светски шампион, по што може да се заклучи дека пред почетокот на најголемото Светско првенство во историјата, сè си дојде на свое место.

Според најновите проекции што го следат пласманот во реално време, актуелниот шампион ги „прескокнаа“ Франција и Шпанија на ранг листата на најдобри на ФИФА.

Промената на врвот дојде откако најблиските ривали на Аргентина разочараа во своите подготвителни натпревари пред СП.

Според последните пресметки, Аргентина сега има 1.875 поени. Веднаш зад неа е Шпанија со 1.873 поени, додека Франција падна на третото место со 1.869 поени.

Минималните разлики меѓу водечките тимови покажуваат колку се неизвесни пласманите и како секој натпревар може да доведе до значителни промени.

Зад водечката тројка исто така со мала разлика се следните селекции:

Англија е четврта со 1.826 поени, по неа следуваат Португалија (1.764), Бразил (1.763), Мароко (1.757), Холандија (1.751), Белгија (1.740) и Германија, која ги заокружува првите десет со 1.731 поени.

Селекцијата на Хрватска испадна од Топ 10, моментално на 11-то место со 1.712 поени.

Тагови: Аргентина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.