Во интервју за британскиот таблоид „Сан“, Зеленски зборуваше за неговиот однос со високите команданти, кои ја водат одбраната од руската инвазија.
Со месеци во политичките кругови во Киев се шпекулира за несогласување меѓу Зеленски и Валериј Залужни, врховен командант на вооружените сили на Украина.
Генералот доби пофалби за неговите воени кампањи и веќе се смета за ривал на Зеленски за претседателската функција.
Според Уставот, редовните претседателски избори би требало да се одржат на 31 март, но Зеленски повика на одложување поради војната што беснее во земјата.
„Ако војник одлучи да се занимава со политика, тоа е негово право, но тогаш треба да влезе во политика и не може да се вклучи во војна“, изјави Зеленски за „Сан“.
„Ако ја управувате војната имајќи предвид дека утре ќе се занимавате со политика или избори, тогаш во вашите изјави и на фронтот се однесувате како политичар, а не како војник, и мислам дека тоа е голема грешка.“ продолжи тој.
„Во однос на генералот Залужни и сите команданти кои се на бојното поле, постои апсолутно разбирање за хиерархијата и тоа е тоа, а таа не може да биде втора, трета, четврта, петта“, додаде украинскиот претседател.
Зеленски, кој секојдневно објавува ажурирања за борбите, се чини дека алудирал на интервјуто што Залужни го даде за Економист претходно овој месец, во кое предупреди дека војната е во мирување.
„Нема прекин“, одговори Зеленски.