Зеленски: Датумот или локацијата на новата рунда мировни преговори би можеле да бидат променети - Канал 5

Свет

Зеленски: Датумот или локацијата на новата рунда мировни преговори би можеле да бидат променети

- Датумот или локацијата можат да се променат бидејќи, според наше мислење, нешто се случува во ситуацијата меѓу Соединетите Држави и Иран. И тој развој на настаните веројатно би можел да влијае на времето на состанокот, рече Зеленски.

Зеленски: Датумот или локацијата на новата рунда мировни преговори би можеле да бидат променети

Украинскиот претседател Володимир Зеленски рече дека датумот или местото на одржување на следната рунда преговори меѓу Украина и Русија, со посредство на САД, за ставање крај на војната во Украина, би можеле да бидат променети, соопшти денеска кабинетот на Зеленски.

- Датумот или локацијата можат да се променат бидејќи, според наше мислење, нешто се случува во ситуацијата меѓу Соединетите Држави и Иран. И тој развој на настаните веројатно би можел да влијае на времето на состанокот, рече Зеленски.

Новата рунда преговори, според најавите, требаше да се одржи во Абу Даби в недела, но Зеленски рече дека не знае кога ќе се одржи следниот состанок.

- Многу ни е важно сите со кои се договоривме да бидат присутни на состанокот, бидејќи сите очекуваат повратни информации, рече Зеленски.

Американскиот државен секретар Марко Рубио во средата изјави дека главните пратеници на американскиот претседател Доналд Трамп, Стив Виткоф и Џаред Кушнер, кои присуствуваа на претходната рунда преговори, нема да учествуваат на состанокот во Абу Даби кој е планиран за викендов.

Во врска со европските интеграции, Зеленски рече дека Украина ќе биде технички подготвена да се приклучи на Европската унија во 2027 година, додавајќи дека обезбедувањето „брз“ пристап во Унијата е важен дел од безбедносните гаранции откако ќе заврши војната со Русија. Зеленски рече дека до крајот на 2026 година Украина ќе ги спроведе главните чекори потребни за членство во ЕУ. Тој истакна дека украинската влада е посветена на неопходните реформи.

Во Абу Даби на 23 и 24 јануари беше одржан трилатерален состанок за постигнување мировно решение за Украина на кој учествуваа украинска, руска и американска делегација, и тоа беше прво директно соочување на делегациите на Украина и Русија. Трилатералните разговори во Абу Даби го отворија патот за средба на рускиот и украинскиот претседател, Владимир Путин и Володимир Зеленски, во многу блиска иднина, пренесе американскиот портал Аксиос, повикувајќи се на изјава на американски функционер.

Тагови: Володимир Зеленски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џеј Ло во тесно трико ги истакна облините

Што промени светската музичка ѕвезда,  Џенифер Лопез во исхраната и рутината за вежбање за да изгледа  вака супер на 57 години.

Фото: Џеј Ло во тесно трико ги истакна облините

Папарацо-фотографиите го открија нејзиното совршено тело.

Мегапопуларната Џеј Ло со децении редовно вежба, но во текот на изминатата година значително ги промени својата исхрана и рутината за вежбање.

Дефинитовно оваа промена вродила со плод и сега жешката Латиноамериканка изгледа подобро од било кога.

Новите папарацо-фотографии од Џенифер Лопез во црно трико за вежбање и со чаша вода во рацете би можеле да бидат одлична мотивација за секоја жена.

Сепак, тешко е да се поверува дека оваа жена има 57 години и е мајка на две возрасни деца.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-фото: Најпознатата плус сајз манекенка гордно го покажа телото: Вака изгледа мојот живот

Најпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“. 

Видео-фото: Најпознатата плус сајз манекенка гордно го покажа телото: Вака изгледа мојот живот

Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот.

На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално.

https://www.instagram.com/reel/DeO4MOMznWf/?utm_source=ig_embed

„Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото.

Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Еврото падна на најниско ниво во однос на доларот во последните 17 месец

Еврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.

Еврото падна на најниско ниво во однос на доларот во последните 17 месец

На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви.

Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција.

Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер