Тој потенцира дека последниот извештај на заводот за ревизија е објективен и мора да се воведе поголема конторола во трошењето на парите. Според последните податоци годишно лекување во странство чини 500 милиони денари. Перински објасни дека е потребна контрола во делот на начинот на лекување, успешноста на лекувањето да се следи од самиот почеток за да се види и ефикасноста на самите болници.

„Ќе се формира тим од вработени во фондот кои ќе ги следат парите, документите и начинот на лекување во странство со цел да ја знаеме и ефикасноста на лекувањето“-Златко Перински .

Исто така ќе се контролираат и боледувањата над еден месец пред се боледувањата кои траат и по пет години за лесни дијагнози. Затоа е потребно интеграција на здравственито систем и со други институции со цел да се контролира делот на земање на боледувања подолги од еден месец кои буџетот го чинат за три години над милјадрда и седусмтотни илјади денари велат од фондот.

Во делот на недостиг на терапија на онкологија првиот човек на ФЗОМ објасни дека по комуникација со директорот на клиниката за онкологија терапијата ќе пристигне за десет дена, како причина била наведено доцнењето на добавувачот на терапија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ламалари откри дека одлуката била донесена уште на 17 јули, врз основа на информации од безбедносните и разузнавачките служби. Иако прашан кои конкретни активности довеле до мерката, тој одби да открие детали, повикувајќи се на доверливи податоци. Сепак, порача дека достапните информации биле доволни двајцата македонски државјани да бидат оценети како закана за безбедноста и јавниот ред и да добијат десетгодишна забрана за влез во Албанија.

- Министерот за внатрешни работи – како орган што ја носи одлуката, нема апсолутно никаква законска обврска за транспарентност зошто ја донел одлуката. Тоа е така бидејќи, како што веќе спомнав, располагаме со многу информации за тековниот надзор што го спроведуваат надлежните служби во Албанија – како од разузнавачките, така и од оние за спроведување на законот. / Мораме да спречиме оваа потенцијална закана да се материјализира, било во политичка, идеолошка или деструктивна смисла, преку искористување на одредени агенди насочени кон поединци со одредени ранливости, кои би можеле да станат плен на таквите агенди,- - Бесфорт Ламалари - Министер за внатрешни работи на Албанија.

Беља кој на јавноста и е познат како аналитичар, активист и политичар, во минатото беше осомничен и дека оставил куршум завиткан во салфета кај тогашниот градоначалник на Чаир. Тој потоа беше беше економски директор на клиниката за гинекологија, па економски директор на железници транспорт. На социјалните мрежи, Беља одлуката ја нарече политички мотивирана и донесена од „Владата на Еди Рамовиќ“ кој го нарече „сијамски брат на Вучиќ“. Халими пак, кој е оџа и поранешен припадник на УЧК, вели дека за одлуката дознал од медиумите.

-Вознемирувачко е за секого да се соочи со неправда, особено за некој што целиот свој живот го посветил на подигнување на верската свест кај нашиот народ и на давање патриотски придонес кон нашиот национален развој. Сепак, таква е природата на животот. Ќе продолжиме да бараме правда и да се бориме против неправдата каде и да се појави,- Бекир Халими.

Ова инаку, не е прв случај Албанија да прогласи странски државјани од соседството за непожелни поради безбедносни причини. Пред два месеци, на теолошката активистка од Косово, Икбале Худути Бериша исто така и беше изрешена забрана за влез во земјата, во времетраење од 15 години, поради учество на протестите во Тирана. Образложението на албанските власти во таа прилика беше дека нејзините активности и можни врски со Иран, се опасност за националната безбедност и јавиот ред.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Министерството за внатрешни работи сè уште проверува како и на кој начин, и покрај важечката судска забрана за влез во државата, бугарските пратеници Крсто Врачев и Ангел Георгиев од крајно десничарската партија „Преродба“ минатата недела присуствувале на судење во Кочани за смртниот случај во сообраќајната несреќа на 23-годишната Ива Михајлова, кочанчанка со македонско и бугарско државјанство.

Од МВР велат дека случајот се истражува и дека се проверува дали имало пропуст кај граничната полиција и на кој начин овие бугарски пратеници успеале да влезат во државата, иако од август минатата година имаат забрана за влез во Македонија, која произлегува од пресуда на Основниот суд во Битола.

„Доколку се утврдат евентуални пропусти или незаконито постапување од страна на службени лица, МВР ќе постапи согласно законските овластувања и ќе ги преземе сите соодветни мерки и дејствија, вклучително и поведување на соодветни постапки“, велат од МВР.

И двајцата пратеници се опфатени со пресудата на Основниот суд во Битола со ознака ПРК-О-263/25, со која на вкупно 27 лица, сите пратеници на бугарската партија „Преродба“, им се забранува влез во Македонија, бидејќи лани во јуни нелегално ја преминале македонско-грчката граница и илегално престојувале повеќе денови. Врачев и Георгиев, како и целата група чии фотографии беа објавени на Фејсбук, биле осудени на 8 август минатата година, а покрај едногодишната забрана за влез во Македонија добиле и прекршочна казна од 50 до 230 евра.

Сепак, од битолскиот суд поради недостапност на лицата за односи со јавноста, не успеавме да добиеме појаснување дали забраната за влез на бугарските пратеници важи од моментот на сторувањето на прекршокот или од моментот на донесувањето на пресудата.

бугарските пратеници Крсто Врачев и Ангел Георгиев, со објавени фотографии на Фејсбук потврдија дека биле во судницата во Кочани а присуството го искористија за критики кон правосудниот систем во земјава и упатија порака до Европската Унија дека, според нив, македонската држава малтретира девојка што се самоидентификува како Бугарка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.