Станува збор за многу здрава намирница.
Диететичарите и нутриционистите истакнуваат дека цврстата текстура и конзистентноста на зелените домати овозможуваат тие да се користат во приготвувањето на многу јадења, а кај нас најмногу го спремаат како зимница, бидејќи содржат антиоксиданси. Овој зеленчук е богат со витамин Ц, па затоа експертите за храна со задоволство го препорачуваат.
Еве зошто зелените домати се добри за нашето здравје:
Го зајакнуваат имунитетот
Поради високата концентрација на витамин Ц, зелените домати помагаат во зајакнување на имунолошкиот систем и во борбата против настинките и другите болести. Витаминот Ц исто така му помага на телото полесно да го апсорбира железото од храната од растително потекло, пишува indianexpress.com.
Добри се за цревата
Бидејќи зелените домати се одличен извор на влакна, тие го одржуваат нашиот дигестивен систем здрав, го спречуваат запекот и го намалуваат ризикот од срцеви заболувања и дијабетес мелитус. Семето и кората на доматите се полни со диетални влакна кои не се варат во цревата, но помагаат во размножувањето на добрите цревни бактерии.
Го подобрува видот
Зелените домати содржат и бета каротен, кој помага во производството на витамин А, кој е клучен за здравјето на нашите очи.
Го намалува крвниот притисок
Бидејќи овој зеленчук е богат и со калиум, кој се спротивставува на ефектите од натриумот и помага во намалувањето на крвниот притисок, тој е исклучително добар за сите кои го имаат овој проблем. Гојал забележува дека зелените домати помагаат да се спречи оксидацијата на лошиот холестерол во крвните садови, што исто така го намалува ризикот од срцеви заболувања.
Добри се за кожата
Консумирањето зелени домати го подобрува изгледот на кожата и помага во нејзино побрзо регенерирање.
Добар е во борбата против ракот
Со оглед на тоа што содржи антиоксиданси кои помагаат во намалување на воспаленијата и во борбата против токсините, зелените домати, како што истакнува Гојал, се покажаа како добри во борбата против овие болести. Доказите, посочува таа, сугерираат дека биоактивното соединение во овие домати, помага во спречувањето на растот на канцерогените клетки.
Го хидрира телото
Бидејќи овој зеленчук содржи 94 проценти вода, тој е добар за хидратација на телото и го одржува здравиот апетит.