Здруженија на пациенти: Негрижата за здравјето на граѓаните не е нормална

Лекови граѓаните си купуваат од свој џеб и покрај платените придонеси, се одложуваат операции зошто терапијата мора да се земе од Косово или Србија.

Лекови граѓаните си купуваат од свој џеб и покрај платените придонеси, се одложуваат операции зошто терапијата мора да се земе од Косово или Србија, македонското здравство е во кризна состојба, а државната негрижата за здравјето не е нормална, обвинуваат неколку здруженија кои бараат властите да направат чекор кон промена на состојбите. Повеќе здруженија помеѓу кои „Заедно посилни“, „Живот со предизвици“ и ХОПС сметаат дека неоходен е лек за државниот здравствен систем. Освен прво да има промена на позитивната листа на лекови тие бараат да се олесни и набавката на лекови за хронично болните.

Поради ваквите проблеми кои според здруженијата немаат крај, нивните барања се итно да се направи стратешки пристап за обезбедување на неопходните лекови.

Од здруженијата велат дека дури 80 проценти од трошоците на граѓаните за здравствена заштита се даваат за лекови, а тврдат и дека Македонија издвојува најмалку пари за здравството споредено со земјите во регионот.

Пијан Германец возел 12 километри во спротивна насока на автопат

Германската полиција во четвртокот вечерта запрела пијан возач кој возел во спротивна насока на автопатот во сојузната покраина Хесен повеќе од 12 километри.

Полицијата извести дека блокираната раскрсница Манхајм-Санхофен го навела 52-годишниот маж да погреши и да вози во спротивна насока.

Возачот бил запрен откако возел повеќе од 12 километри во правец на Франкфурт. За среќа, не предизвикал сообраќајна несреќа или инцидент. Од полицијата објаснија дека возачот згрешил бидејќи бил во алкохолизирана состојба, што било утврдено со земање крв.

Веднаш му била одземена возачката дозвола и против него е покрената кривична постапка. Очевидците се замолуваат да контактираат со полицијата, која ги следи сообраќајните услови во јужен Хесен.

Српски навивачи дивееле низ Виена со антиалбански пароли (ВИДЕО)

Навивачите на српската репрезентација синоќа маршираа низ главниот град на Австрија и извикуваа „Убиј, коли, додека Шиптар не постои“.

На социјалните мрежи се прошири видеото од српските навивачи како шетаат низ Виена по натпреварот меѓу Србија и Швајцарија на Светското првенство во Катар, на кој што Србија беше елиминирана од натпреварувањето.

Да потсетиме, синоќешниот натпревар во Катар не го одбележа само елиминацијата на Србија од Мундијалот, туку и вербалните и физички пресметки меѓу српската репрезентација и швајцарските репрезентативци со албанско потекло.

Украински гувернер: Ослободивме 13 населени места на истокот

Украинската армија ослободи 13 населени места во областа Луганск, најисточниот регион на Украина, изјави денеска шефот на регионалната администрација на мнозинскиот окупиран регион, Серхи Хајдај.

Гувернерот на Луганск наведува дека руските сили се уште ги гаѓаат ослободените села со артилерија. Најави и дека идната недела медицински екипи треба да ги посетат ослободените села, а властите организираат собирање огревно дрво за жителите, објави Хајдај на апликацијата Телеграм.

Оваа информација не е независно потврдена.

притисни ентер