Регион

Здружението на граѓани на Косовско-митровачкиот округ ќе блокира четири административни премини

Претседателот на Здружението на граѓани на Косовско-митровачкиот округ Раша Ројевиќ најави дека денеска ќе почне повеќедневна блокада на административните премини на Србија кон Косово, јави дописникот на МИА од Белград.

Ројевиќ за српската новинска агенција Бета изјави дека блокадата ќе ја организираат српските здруженија на граѓани од Косово и Метохија и дека ќе бидат блокирани четири од пет административни премини од правец на централна Србија и Црна Гора.

Како што најави, блокадите ќе започнат во 18 часот и ќе траат „додека косовските полициски сили не се повлечат од северот на Косово и додека не се вратат узурпираните институции на Србите“.

- Ќе ги блокираме премините Брњак, Јариње и Мердаре од страна на централна Србија, и премин Кула кон црногорската граница на патот Пеќ-Рожаје. Административниот премин Кончуљ засега нема да биде блокиран. Ќе пропуштаме само болнички возила, како и сите други возила и патници со српски документи. Ако српските документи не важат во Косово, тогаш документите на таканаречената Република Косово не можат да важат ниту во централна Србија, рече Ројевиќ и додаде дека во блокадата на секој премин ќе учествуваат најмалку 400 лица.

По повод најавените блокади на премините, косовското Министерство за надворешни работи ги повика граѓаните, вклучително и оние од дијаспората, да избегнуваат патување низ Србија.

Косовската полиција на 30 август влезе во сите простории во кои беа сместени привремените општински власти на Република Србија на северот на Косово.

Претходно, косовските власти ги укинаа српските регистарски таблички, возачките дозволи и сите други документи издадени од Република Србија, пошти, бензински пумпи на НИС.

Пред два дена беа отстранети натписите на сите институции на Република Србија и заменети со табли на Република Косово. /МИА

Свет

Индија наскоро ќе го започне со години одложуваниот попис

Индија наскоро ќе го започне својот тригодишен одложен попис, објави денеска индискиот министер за внатрешни работи Амит Шах, цитиран од британските медиуми.

Националниот попис, кој се спроведува еднаш во деценијата, требаше да се спроведува во 2021 година, но беше одложен и поради пандемијата на Ковид-19 и поради технички и организациски причини, соопшти агенцијата.

Владата на индискиот премиер Нарендра Моди има за цел да пополни значајни празнини во податоците за населението на земјата во третиот мандат на премиерот по долгогодишни критики за ова прашање. За новата студија на Индија ќе и бидат потребни околу 18 месеци./МИА

Свет

Видео: Бразилски политичар удрил друг со стол за време на дебата

Еден од кандидатите за градоначалник на Сао Паоло, Бразил нападнал друг со столче за време на дебата. Хозе Луиз Датена и Пабло Марсало се расправаа, а потоа Датена замавна со стол кон својот противник.

Сè беше пренесувано во живо од ТВ Култура. Подоцна, Датена изјави за ТВ Култура дека го нападнал Маршал затоа што изнел стари наводи за сексуално вознемирување против него, кои биле отфрлени пред неколку години.

-Дојде со предмет кој беше архивиран, кој полицијата не го ни истражуваше бидејќи немаше докази. Нешто од пред 11 години што предизвика многу сериозна ситуација во моето семејство, изјави Датена.

Иако беше исфрлен од дебатата, тој во вчерашната изјава инсистираше дека не се кае за своите постапки, пишува Си-Ен-Ен.

Маршал беше примен во болницата Сирио Либанес. Неговиот тим соопшти дека тој бил примен во болница со можна фрактура во пределот на градниот кош и дека има потешкотии со дишењето. Од болницата велат дека се здобил со повреди на градниот кош и зглобот, но дека нема поголеми компликации./МИА

Свет

Трамп ја обвини реториката на Бајден и Харис за наводниот нов обид за атентат

Поранешниот американски претседател Доналд Трамп ја обвини реториката на американскиот претседател Џозеф Бајден и потпретседателката, демократската претседателска кандидатка Камала Харис, за наводниот нов обид за негово убиство.

-Нивната реторика ги тера да пукаат во мене, кога јас сум тој што ќе ја спаси земјата, а тие се оние кои ја уништуваат земјата, изјави Трамп за Фокс њуз, пренесе агенцијата.

„Поради тој наратив на комунистичката левица, куршумите летаат и само ќе се влоши“, рече Трамп доцна синоќа на својата социјална мрежа „Вистина“.

Американскиот претседател Џозеф Бајден изјави дека го осудува политичкото насилство.

-Отсекогаш сум го осудувал политичкото насилство. Секогаш ќе го осудувам, рече Бајден.

Уапсениот осомничен во истрагата за наводниот обид за атентат на Доналд Трамп „воопшто не пукал“, соопштија вчера претставници на Тајната служба.

Осомничениот кој беше уапсен во неделата доби кривична пријава за недозволено држење на оружје и поседување оружје со избришан сериски број, пренесе Бета. /МИА

притисни ентер