Здравствените работници ќе може бесплатно да се вакцинираат против хепатитис Б - Канал 5

Здравје

Здравствените работници ќе може бесплатно да се вакцинираат против хепатитис Б

Здравствените работници и студентите на медицина и стоматологија ќе може да се пријават и бесплатно да се вакцинираат со вакцина против хепатитис Б, кои Министерството за здравство му ги донира на Институтот за јавно здравје. 

Здравствените работници ќе може бесплатно да се вакцинираат против хепатитис Б

Двете институции денеска потпишаа договори за донација на 7.500 вакцини, со кои ќе бидат опфатени 2.500 здравствени работници. Министерството за здравство донира и кутии за авионски и бродски транспорт на биолошки материјали.

Министерот за здравство Азир Алиу на денешната заедничка прес-конференција рече дека станува збор за системска заштита со конкретни преземени мерки за заштита на здравствените работници и јавноста.

- Во овој контекст денеска потпишуваме договор за донација на вакцини од страна на Министерството за здравство на Институтот за јавно здравје на 7.500 вакцини против хепатитис Б во вкупна вредност од 123.450 илјади американски долари. Со оваа донација со три дози за лице ќе бидат опфатени 2.500 здравствени работници. Станува збор за конкретна превентивна мерка за намалување на изложеноста на ризици за здравјето на вработените во здравствените системи, притоа истовремено засилувајќи ја сигурносна кај пациентите - рече Алиу.

Процесот ќе биде едноставен, подготвен е електронски модул преку кој здравствените работници ќе се пријавуваат на веб-страницата на Министерството и на Институтот наредните десет дена. Вакцинацијата ќе се спроведе во Институтот за јавно здравје и во центрите за јавно здравје во државата. Министерството донира и кутии за транспорт на биолошки материјали во вредност од 2.000 долари.

Директорката на Институтот за јавно здравје, Марија Андоновска, рече дека вакцините се наменети и за здравствените работници и за студентите на медицина и стоматологија. Во однос на транспортот на биолошкиот материјал, Андоновска посочи дека се намалуваат ризиците при транспортот на биолошки заразни материјали, кои се испраќаат за тестирање, третман или складирање.

- Поради оваа причина, обезбедувањето безбеден транспорт на заразените супстанции и ракувањето со нив е од интерес за локалните, националните или меѓународните власти со цел да се минимизира веројатноста за изложеност или ослободување на супстанцијата за време на транспортот - рече Андоновска.

Таа посочи дека вакцинацијата за здравствените работници и за студентите е суштинска посочувајќи на ризикот од заболувањата на црниот дроб предизвикани од вирусот што се пренесува со контакт со инфицирана крв и други телесни течности, вклучително и при повреда со остри медицински предмети. Андоновска презентира и податоци од Светската здравствена организација, според кои, на светско ниво речиси 254 милиони луѓе живеат со хронична инфекција на хепатитис Б, а годишно се регистрираат приближно 1,1 милион смртни случаи.

- Поради континуирана професионална изложеност на крв и телесни течности, здравствените работници претставуваат категорија со зголемен ризик за инфекции од вирусот на хепатитис Б. Во државата вакцината е задолжителна, но воведена е во 2004 година, постојат генерации што не се опфатени со оваа задолжителна имунизација, но исто така постои и категорија, особено здравствените работници, студентите, кои секојдневно се изложени на ризици - рече Андоновска.

Таа посочи дека некои од здравствените работници што не биле опфатени со задолжителната вакцинација морале самите да ја плаќаат вакцината по 6.000 денари комерцијално, а сега имаат можност бесплатно да ја примат и да се заштитат.

Според последните податоци од 2024, опфатот на вакцинирани е 91,3 процент, но, како што одговори на новинарските прашања, понизок е опфатот на вакцинирани родени пред воведувањето на задолжителната вакцинација.

- Кај нас постои таканаречен ризик од резидуум од хепатитис Б, особено кај невакцинираните возрасни групи, што ја засилува смислата на раното вакцинирање - рече Андоновска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Минчев: Ја градиме академијата по современи европски стандарди, со фокус на знаењето, ...

-Ја градиме академијата по современи европски стандарди, со фокус на знаењето, компетенциите и развој на административните службеници.

Минчев: Ја градиме академијата по современи европски стандарди, со фокус на знаењето, ...

Рим, Италија - 02.10.2025

Создавање современ систем за професионален развој на административните службеници, развој на нова генерација раководители и воспоставување силна институција за обука и развој на администрацијата беа во фокусот на работната посета на министерот за јавна администрација Горан Минчев на Националото училиште за јавна администрација на Италија - SNA.

На средбата со претседателот на националното училиште за јавна администрација, проф. Џенаро Терачано, министерот Минчев разговараше за конкретни можности за продлабочување на соработката меѓу двете институции, особено во пресрет на воспоставувањето на Академијата за стручно усовршување и обука на административните службеници во Македонија.

Националното училиште за јавна администрација на Италија - SNA, е институција на Претседателството на Советот на министри на Италија, со значајна улога во регрутирањето и обуката на државните службеници и раководители, како и во истражувањето и развојот на капацитетите на јавната администрација.

Во фокусот на разговорот беше воспоставувањето директен институционален канал за соработка меѓу SNA и идната Академија за стручно усовршување и обука на административните службеници.

„За нас, Академијата не е само нова институција, туку нов пристап кон професионалниот развој на администрацијата. Го воспоставуваме системот во кој знаењето, компетенциите и континуираното усовршување стануваат темел на современата јавна администрација. Токму затоа ни е важно да учиме од искуствата на институции како SNA, кои имаат долгогодишно искуство во развојот на административниот и раководниот кадар.“- истакна министерот Минчев.

Законот за стручно усовршување и обука на административните службеници беше донесен во 2025 година и претставува основа за формирање на Академијата како орган во состав во рамки на Министерството за јавна администрација, која започнува со работа во јануари 2027 година.

Академијата ќе воспостави систем во кој обуките ќе се планираат врз основа на реалните потреби на институциите, нововработените службеници ќе поминуваат задолжителна почетна обука и испит, а раководниот кадар ќе има обврска за професионално усовршување по унапредувањето. Системот предвидува и регулиран статус на обучувачите, база на обучувачи, евалуација на програмите и обучувачите, како и истражувачка и аналитичка дејност.

„Со ова воспоставуваме институционален механизам што досега недостасуваше - системски да се планира, спроведува и мери професионалниот развој на административните службеници. Не сакаме обуките да бидат само формално исполнување на обврска. Сакаме тие да создаваат знаење и компетенции што директно ќе се преточат во подобра работа на институциите и подобри услуги за граѓаните.“ - порача Минчев.

Министерот Минчев го претстави и новиот начин за именување и назначување на високите раководители во јавниот сектор, утврден со неодамна донесениот Закон за високи раководители, и изрази интерес за размена на искуства со SNA во однос на утврдувањето на раководните компетенции и планирање на раководните програми за обука.

На средбата беа разгледани и конкретни можности за соработка преку размена на специјализирани програми и методологии, обучувачи и експерти, студиски посети, заеднички истражувања и размена на искуства во областа на развојот на високите раководители.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Игор Ивановски, Славјанка Петровска и Коста Начевски ги доставија предлозите за структурни промени во СДСМ

Разговори за иднината во 12:05.

Игор Ивановски, Славјанка Петровска и Коста Начевски ги доставија предлозите за структурни промени во СДСМ

Денес, петок, 02 октомври, Игор Ивановски, Славјанка Петровска и Коста Начевски во партиската архива на “Бихакќа” ги доставија предлозите за структурни промени во СДСМ.

Се надеваме дека овие предлози ќе стигнат на адресата на оној кој може да ги разбере. Во интерес на иднината на партијата и државата е во разумен рок да се преземат конкретни чекори за враќање на партијата на членството. На хистеријата одговараме со предлози, на инертноста со конкретна акција, на безидејноста со прецизен план.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Утре „Бела ноќ“ во Скопје: Игор Џамбазов и „Гуру Харе бенд“ на плоштадот „Мајка Тереза“

Скопје утре, 3 октомври ќе го одржи годинашното издание на „Бела ноќ“, во организација на ЈУ „Универзална сала“ и Град Скопје со концерти, изложби, театарски претстави и програма за најмладите на повеќе градски локации.

Утре „Бела ноќ“ во Скопје: Игор Џамбазов и „Гуру Харе бенд“ на плоштадот „Мајка Тереза“

Еден од главните музички настани ќе биде настапот на Игор Џамбазов и „Гуру Харе бенд“, закажан за 22:00 часот на плоштадот „Мајка Тереза“ (на платото пред МОБ). Публиката ја очекува вечер со блуз и рок и препознатливата енергија на Џамбазов и бендот.

По повод „Бела ноќ“, во сабота ќе биде обезбеден бесплатен превоз со ЈСП од 18:00 часот, како и бесплатен влез во Зоолошката градина Скопје.

Целосната програма е достапна на www.univerzalna.com.mk/belanok

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер