Лидерката на француската крајна десница Марин Ле Пен денеска изјави дека е уверена дека нејзината партија ќе освои апсолутно мнозинство во Парламентот, ќе формира Влада и ќе наметне ограничувања на тоа што францускиот претседател Емануел Макрон може да го направи за да ја поддржи Украина.

„Во врска со изборот на премиерот, претседателот сфати дека нема многу избори, бидејќи Џордан Бардела ќе има мандат од францускиот народ“, изјави Ле Пен за регионалниот весник „Телеграм де Брест“.

Истражувањата постојано сугерираат дека антиимигрантскиот, евроскептичен „Национален собир“ има удобно водство во однос на уделот на гласовите, дека левичарската коалиција е на второто место, а центристите на Макрон на третото место.

Сепак, големата непозната е дали „Национален собир“ може да освои апсолутно мнозинство од 289 или повеќе места во Собранието.

Најновото истражување, објавено вчера од агенцијата за истражување на јавното мислење Ифоп, предвидува дека партијата со своите сојузници ќе добие меѓу 220 и 260 пратенички места.

Ли Шангфу и Веи Фенг беа исфрлени од раководството на партијата поради „сериозно кршење на партиската дисциплина и законот“, објави денеска државната новинска агенција.

Ли и Веи не се видени во јавноста со месеци.

Агенцијата објави дека истрагата покажала дека Ли не само што прифатил „голема сума пари и вредни предмети“, туку и нудел пари на други „за да добие незаконски придобивки“.

Поранешниот министер „нанесе огромна штета на каузата на партијата, развојот на националната одбрана и вооружените сили, како и на угледот на високи функционери“.

Обвиненијата против Веи, кој беше министер за одбрана од 2018 до март 2023 година, беа формулирани слично.

Веи беше следен на функцијата од Ли, кој беше заменет од морнаричкиот адмирал Донг Јун во октомври по само неколку месеци на функцијата. Не беше наведена причината.

Двата случаи сега се предадени на јавното обвинителство, јави агенцијата.

„Очекувам дебати, но трите центристички политички семејства се договорија. Мислам дека договорот ќе биде таков, но ќе треба да видиме“, изјави Руте за новинарите по пристигнувањето на самитот на лидерите на ЕУ во Брисел.

Тој додаде дека е горд што е избран за нов генерален секретар на НАТО. За време на самитот на лидерите на ЕУ во Брисел, се очекува шефовите на држави или влади на земјите-членки на ЕУ да донесат одлука за распределбата на водечките позиции во европските институции по изборите за Европскиот парламент.

Лидерите на ЕУ за време на самитот треба да одлучат кој ќе биде новиот претседател на Европската комисија, кој ќе го предводи Европскиот совет, а кој ќе го наследи Шпанецот Жозеп Борел на функцијата висок претставник на ЕУ за надворешна политика и безбедност.

Состанокот доаѓа откако преговарачите од три групи во Европскиот парламент - Европската народна партија, социјалдемократите и либералите - се согласија да ја номинираат актуелната претседателка на Комисијата Урсула фон дер Лејен за втор мандат, поранешниот португалски премиер Антонио Коста да биде претседател на Европскиот совет, а на премиерката на Естонија, Каја Калас да и припадне местото шеф на европската дипломатија.