Шоу биз

Здравко Чолиќ одговори зошто неговата сопруга не се појавува во јавност: Јас не ѝ забранувам

Здравко Чолиќ со децении успева да го држи подалеку од очите на јавноста својот приватен живот.

Но, се чини дека неговата постара ќерка Уна со својот харизматичен изглед ги отвори вратите на медиумите кои со голем интерес пренесуваат детали од нејзиниот живот, како и животот на целото семејство Чолиќ.

Легендарниот пејач Здравко Чолиќ неодамна си ја отвори душата во интервју за хрватска „Глорија“ и раскажа сѐ што ѝ избегало на јавноста, а се случувало во четирите ѕида на неговото семејство.

- Поради работата, често не сум дома, но тоа е нормално во нашето семејство. Мојата сопруга се грижи за девојките и мислам дека сме добро воспоставена екипа. Бидејќи бизнисот е таков, навикнати сме на тоа и најважно е сѐ да функционира добро. Девојките сè уште одат на училиште, а сопругата е таа која се грижи за тоа и некои од нивните секојдневни обврски, а јас се вклучувам секогаш кога можам и кога има потреба за тоа. Би рекол дека таа го одржува семејството заедно - изјави Чолиќ.

Пејачот откри кои се неговите најубави спомени со ќерките Уна (21) и Лара (16) и сопругата Александра, со оглед дека благодарение на работата што ја работи може на семејството да му обезбеди искуства кои не би можел да ги има со „обична професија“.

- Ми се допаѓа кога доаѓаат со мене на концерт или патување. Да речеме, тие беа со мене во Дубаи, па освен што ќе се забавуваат заедно, ќе им биде и корисно и нешто ново. Би сакал сега да дојдат во Загреб, да го почувствуваат градот и посебната атмосфера што ќе ги одбележи овие концерти. Со мене беа во Црна Гора, во Сплит, Пула, а летово во Опатија. Тука на некој начин се спојува пријатна летна атмосфера и средби со заеднички пријатели. Сакам кога сме заедно. Имаа голема желба сега да одат со нас во Америка, но поради училишните обврски тоа не беше можно. Често знаат да ги доведат пријателите, па се собира вистинско мало и весело друштво. Но, важно е дека тато е таму важен на некој начин, па тие се горди на сето тоа.

Александра Чолиќ никогаш не се појавува во јавноста, а Чола конечно објасни зошто е тоа така.

- Навистина не ѝ бранам, но не гледам причина зошто да биде поинаку. Секако, кога се во прашање некои важни манифестации, таа со задоволство доаѓа, но појавувањата само заради фотографирање никогаш не ѝ биле привлечно. Не го гледам тоа како нешто невообичаено. Еве, на пример, Арсен и Габи, кои беа брачни партнери од истото милје, кои исто така пееја заедно, никогаш не можеше да ги видиш како се појавуваат заедно. Навистина не ми пречи ако би сакала, но никогаш не ѝ било важно - заклучил Здравко Чолиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Итната помош со зголемен број интервенции на терен поради топлотниот бран, здравствените власти алармираат да се почитуваат препораките

Колапси на улица, сообраќајни незгоди и нагло влошување на хронични заболувања кај граѓаните..

Топлотниот бран го зема данокот во здравје, барем според повиците на Итната медицинска помош која само во изминатово деноноќие интервенирала на терен на над 60 различни локации низ Скопје. Оттаму апелираат до граѓаните да не излегуваат без потреба во најжешкиот период од денот, а вода да се пие постојано, дури и кога не се чувствува дирекна жед. Превенцијата започнува со навремена грижа за себе.

Од Институтот за јавно здравје велат дека освен да се носи лесна облека мора да се избегнува напорна и физичка активност преку ден од 11 до 17 часот, а во однос на работниците кои работат на отворено велат дека треба да имаат повеќе паузи. За повозрасните лица препораките се и да избегнуваат користење на шпорет, рерна и други уреди што дополнително го загреваат домот во периодот од 13 до 17 часот.

Во меѓувреме, граѓаните што ги затекнавме на пладне велат дека периодов се разладуваат кој како знае и умее. Некои одат на река, други на планина, а сите се трудат да ги слушаат советите, но обврските не се завршуваат од дома.

Според климатскиот мониторинг на Европската унија порвите два месеци од летото во западна Европа се најжешките досега, додека континентот се подготвува за уште еден топлотен бран.

Лето како „под вршник“.. Иако ова лето веќе се оценува како најтопло досега, научниците предупредуваат дека во иднина можеби ќе го паметиме како едно од најпријатните. Од година во година температурите ќе растат, топлотните бранови ќе бидат сè подолги и поинтензивни, а ризиците по здравјето на граѓаните ќе бидат сè поголеми.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Живата од термометрите останува „заглавена“ на 40 степен

Од утре повторно температури од 40 степени, за два степени потопло од денеска, велат од УХМР.

Според прогонозите што ги следат во секој момент синоптичарите за вечер најавуваат нестабилност во делови од земјата, а пад на температурите ќе има од четврток.

Според синоптичарите најавеното нестабилното време не може да се каже каде ќе биде, првично е највено за југоистокот на земјата.

Според последниот извештај за пожари од страна на центарот за управување со кризи регистриани се седум пожари на отворен простор, три се активни, два се ставени под контрола, два се изгаснати.Од ЦУК со апел, големо внимание поради високите температури и ветерот.

Професроот од Факултетот за земјоделски науки и храна Миле Маркоски објаснува дека палењето стрништата, како причина за големи пожари се штетни во екологијата но и за самата почва и таа навика не помага во подобрување на земјата и исто така е казниво по закон.

Градоначалниците на Крива Паланка и на Делчево објаснија дека пожарите на депониите се ставни под контрола.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се намалуваат цените на горивата, од полноќ дизелот поевтинува за 8 денари, бензинот за 4 денари за литар

Горивата од полноќ значително поевтинуваат.

По речиси месец и половина постојан раст на цените со последната одлука на Регулаторна литар дизел од ноќеска на полноќ поевитнува за 8 денари. Намалување е забележано и кај бенизните и тоа за 4 денари по литар. Па оттука новата цена на 95 ката ќе изенусува 87 додека на 98цата 89 денари за литар. Од полноќ литар дизел пак ќе се точи по цена од 91,5 денари.

„ Со оваа одлука се врши намалување на малопродажните цени на нафтените деривати во просек за 5,81% во однос на малопродажните цени на нафтените деривати утврдени на 04.08.2026 година. “ – се наведува во образложението на Регулаторна.

Од Владата за Канал 5 велат дека се додека на сила е кризната состојба акцизите ќе се нивелираат согласно закон. Во моментов во пресметките на Регулаторна и оваа недела се вкалкулирани намалени акцизи и тоа за 2 денари кај бенизните и за 4 денари по литар кај дизелот.

Премиерот Мицкоски минатата недела повтори дека поради владините политики, земјава откако е почната војната на Блискиот исток има најниски цени на горивата.

„Ја одржавме ценовната стабилност понудивме на пазарот најниски цени на горивата и на тој начин 50 % во одредени денови се зголеми потрошувачката поради притисокот на граѓаните од соседните земји. Од прилика по половина евро по литар понудивме поевитни горива од некој од соседните земји и таков е случајот и сега. “- Христијан Мицкоски – претседател на Влада.

Инаку на светските берзи денеска барел се тргува по цена од 84 долари, цените на берзите варираат поради неизевсноста околу договорот за повторно воспоставување на поморски сообраќај низ Ормутскиот тенсец – кој е еден од најважните енергетски коридори во светот.

Тагови: бензините

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.