Зборувате во сон? Еве што всушност покажува тоа - Канал 5

Здравје

Зборувате во сон? Еве што всушност покажува тоа

Адам Розенберг, видеоуредник од САД, решил да ги снима своите најдобри „случки“ додека зборувал во сон и ги објавил на Јутуб.

Зборувате во сон? Еве што всушност покажува тоа

Зборувањето во сон е феномен што фасцинира многумина, но истовремено може да биде и загрижувачко. Оваа форма на парасомнија, т.е. нарушувања во однесувањето за време на спиењето, се нарекува сомнилоквија. Се карактеризира со тоа што човек во длабок сон почнува да зборува, а понекогаш дури и вреска или вика. Додека некои од нас не ни забележуваат дека зборуваат во сон, за други тоа може да биде многу смешно, па дури и непријатно искуство.

Според истражувањата, околу 50 отсто од децата на возраст од три до десет години зборуваат во сон и околу 5 отсто од возрасните го имаат овој феномен. Некои може да зборуваат секоја вечер, додека други го прават тоа повремено. Експертите веруваат дека зборувањето во сон е наследно, но сè уште не е целосно јасно зошто се јавува.

Адам Розенберг, видеоуредник од САД, решил да сними што се случува додека зборува во сон и тоа го објавил на Јутуб. Неговите видеа покажуваат дека луѓето во сонот честопати зборуваат за она што го доживеале дента или за нешто што го сонувале. Некогаш тоа се јасни изрази што можеме да ги разбереме, а понекогаш е мрморење кое тешко се дешифрира.

Иако зборувањето во сон најчесто се случува за време на длабок сон, тоа може да се случи во која било фаза од сонот. Во повеќето случаи тоа е сосема безопасно, но во ретки ситуации може да биде знак за нарушување на спиењето или одредена здравствена состојба. Децата што имаат кошмари или стравови честопати врескаат, викаат и се удираат во сон, и тешко се будат од оваа состојба. Исто така, постои нарушување во однесувањето за време на РЕМ фазата од сонот кое може да резултира со викање и насилно однесување.

Доколку некој забележал дека зборувате во сон во позрела возраст, а тоа е проследено со страв, врескање или бурни реакции, се препорачува да се обратите кај лекар специјалист за спиење. Исто така, ако забележите дека вашето дете има проблеми со спиењето, добро е да разговарате со педијатар за да дознаете повеќе. Експертите веруваат дека недостатокот на сон е една од главните причини за зборување во сонот и кај возрасните. Затоа се препорачува да избегнувате стрес и да спиете доволно за да се намали можноста од „ноќни разговори“. Исто така, водењето дневник за вашето спиење, може да биде корисно во следењето на ритамот на заспивање и будење, како и можните надворешни фактори кои влијаат на сонот, како што се кофеинот или консумирањето алкохол.

Извор: srecna.republika.rs/

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Израелската војска го нападна јужен Либан

Израелската војска соопшти дека рано утрово го нападнала јужен Либан како одмазда за лансирањето на две беспилотни летала од страна на Хезболах врз израелските војници .

Израелската војска го нападна јужен Либан

Израелската војска соопшти дека рано утрово го нападнала јужен Либан како одмазда за лансирањето на две беспилотни летала од страна на Хезболах врз израелските војници стационирани во дел од регионот што го прогласи за безбедносна зона. Израелската војска издаде предупредување за евакуација за област во близина на зграда во јужниот либански град Араб Салим, велејќи дека ќе ја нападне бидејќи ја користи Хезболах.

„Вие сте во близина на објект што ѝ припаѓа на терористичката организација Хезболах, против која израелската армија ќе спроведе операции“, соопшти војската во порака на арапски јазик на Телеграм, која вклучуваше и мапа на зоната за евакуација. Немаше коментар од групата поддржана од Иран.

Израелската војска во вторник соопшти дека нападнала складишта за оружје во јужен Либан кои биле наменети за Хезболах. Борбите во Либан се намалија од јуни, по рамковниот договор меѓу САД и Иран.

Но, Израел продолжува со спорадични воени операции на југ, каде што одржува присуство по должината на граничниот појас широк околу десет километри.

Како знак на поддршка за Техеран, Хезболах почна да извршува напади врз Израел од почетокот на март, што го вовлече Либан во регионална војна. Израелските напади досега одзедоа повеќе од 4.300 животи, според либанските власти.

Тагови: израелски напад Либан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВЛЕН: Економски раст од 4,3 проценти и околу 20 милиони евра за домашните компании

Економскиот раст од 4,3 проценти во вториот квартал е добра вест за државата. Уште поважно е што зад овој раст стојат инвестициите, извозот и преработувачката индустрија.

ВЛЕН: Економски раст од 4,3 проценти и околу 20 милиони евра за домашните компании

Инвестициите се зголемени за 16,5 проценти, извозот за 10,4 проценти, додека преработувачката индустрија бележи раст од 4,1 процент. Компаниите инвестираат повеќе, производството се проширува, а нашите производи наоѓаат место на странските пазари.

Преку Министерството за економија и труд, предводено од Бесар Дурмиши, оваа година се издвоени 1,23 милијарди денари, односно околу 20 милиони евра, за домашните компании. Овие средства се наменети за компании кои сакаат да го прошират производството, да набават опрема и да отворат нови работни места.

ВЛЕН ќе продолжи да ја поддржува оваа политика. Работа сè уште има, но бизнисите веќе знаат дека на чело на Министерството за економија и труд имаат партнер кој ги слуша и ги поддржува кога инвестираат, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Автобус полн со ученици падна во бездна- најмалку 21 загинат во тешка несреќа на Зеленортските острови

Автобус полн со ученици се урна на Зеленортските острови, при што загина најмалку 21 лице.

Автобус полн со ученици падна во бездна- најмалку 21 загинат во тешка несреќа на Зеленортските острови

Според локалниот службеник за цивилна заштита, несреќата се случила откако училишниот автобус скршнал од патот и паднал од висина на островот Фого вчера навечер.

Како што денеска објави новинската агенција Инфорпрес од Зеленортските острови, најмалку десет патници паднале од возилото, кое паднало од висина од приближно 30 метри.

Меѓу загинатите, наводно, има и деца.

Некои од патниците биле заробени во уништеното возило.

Автобусот се движел на релацијата Ча дас Калдеирас - Кампанас.

Тагови: автобус Зеленортските острови

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер