Збирка монети од над 90 милиони евра оди на серија наддавања - Канал 5

Живот

Збирка монети од над 90 милиони евра оди на серија наддавања

Веќе легендарната збирка стари монети, наречена „Колекцијата на патникот“ оди на аукција. Вкупната нејзина вредност се проценува на повеќе од 90 милиони евра. 

Збирка монети од над 90 милиони евра оди на серија наддавања

Се верува дека ова е најскапата колекција ситни пари што некогаш била на наддавање, а ќе се продава следните три години. Така, првото наддавање на британската аукциска куќа „Нумизматика арс класика“ (Numismatica Ars Classica) ќе се одржи на 20 мај годинава.

Без оглед на исходот, приказната за потеклото на оваа вредна збирка, според познавачите, е извонредна.

Имено, голем дел од паричките биле закопани под земја повеќе од 50 години. Збирката содржи ситни пари од повеќе од 100 земји ширум светот, со старост од антиката до совремието. Наследниците претпочитаат да останат анонимни. Според соопштението на аукционерите, првичниот колекционер, кого јавноста сѐ уште не го знае со име, почнал да купува златни пари по падот на Волстрит и „Големата депресија“ во 1929 година. Човекот и неговата сопруга ги минале 1930-тите на долги патувања низ Америка и Европа, собирајќи ретки и историски значајни монети, истовремено составувајќи подробни записи и архива за нивните купувања.

Парот на крајот зел живеалиште во Европа, и покрај заканата од наци-фашизмот на Стариот Континент. Кога колекционерот, веројатно ја почувствувал опасноста непосредно, внимателно ги спакувал паричките во кутии од пури, па потоа - во алуминиумски кутии и ги закопал во земја, каде што останале скоро 50 години.

„Колекцијата ги опфаќа сите географски области и содржи исклучително ретки монети, често во состојба на зачувана невидена во ова време. Неколку видови никогаш не биле понудени на јавна аукција, што ја нагласува нивната значајна реткост“, се вели во соопштението.

Кога збирката им припаднала на наследниците на колекционерот, монетите биле сметени во банкарски трезор и потоа ѝ биле претставени на аукциската куќа заради продажба.

Записите на колекционерот му олеснија на тимот на аукциската куќа да го истражи потеклото и вредноста на монетите, од коишто некои може се појавиле и на некои од најголемите наддавања во 19. и 20 век.

- Големиот избор и врвниот квалитет на понудените монети, големиот број на големи реткости и фасцинантната приказна за создавањето на колекцијата, ќе го направат ова наддавање пресвртница во историјата на нумизматиката, изјави Артуро Русо, директор на „Нумизматика“.

Дејвид Гест, инаку консултант за колекцијата, се согласува.

- Кога се работеше за каталогизирање на британските монети од „Колекцијата на патникот“, морав постојано „да си ја штипкам кожата“, за да се уверам дека не сонувам... Не само што квалитетот е исклучителен, туку и многу од паричките пред мене беа од таков вид за коишто не беше познато дека се понудени на продажба повеќе од 80 години, а во некои случаи и целосно досега неснимени, нагласи Гест.

Меѓу позначајните е златникот од 100 дукати на Фердинанд Трети Хабсбуршки, којшто бил кован во 1629 година, кога тој бил надвојвода на Австрија, крал на Унгарија, Хрватска и Бохемија, се вели во соопштението. Составен од 348,5 грама чисто злато, тоа е еден од најголемите апоени на европски златни монети некогаш исковани.

Има и златник на чијшто раб е испишано „Георгиус III деј Грата“ (Georgius III dei Gratia). Се однеува на британскиот крал Џорџ Трети (кој владеел од 1760. до 1820 година), а паричката е проценета на 315.000 евра.

Презентиран е и „исклучително редок“ сет од пет Томани, кован во Техеран и Персија кон крајот на 18. и почетокот на 19 век од агата Мохамад Кан Каџар. Познати се само пет вакви збирки, од коишто една се наоѓа и во Оксфорд, Обединетото Кралство.

Тагови: монети златник

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Секси русокосата не препушта ништо на случајноста

Актерката и манекенка Брукс Надер не престанува да изненадува со своите провокативни изданија, а моментално ужива во Франција, од каде што доаѓаат и нејзините најнови фотографии.

Фото: Секси русокосата не препушта ништо на случајноста

Моделот и актерка Брукс Надер ужива во топлотниот бран, со неа уживаат и нејзините следбеници кои желно ја очекуваат секоја нова објава на оваа контроверзна убавица.

Неодамна таа престојуваше и на Јадранот – ги посети Хрватска и Црна Гора – а нејзините изданија од таму исто така оставија силен впечаток на социјалните мрежи.

Сепак, таа подготви нешто ново за Франција, па најпрво позираше во кратки бели шорцеви и ѝ сврте грб на камерата, а иако не е првпат да покаже нешто повеќе, повторно ги воодушеви и изненади сите.

Меѓу низата фотографии се најдоа и оние на кои Брукс носи кратки и длабоко деколтирани фустани, па нејзините бујни гради беа главна тема и на овој одмор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Веќе 21 фудбалер се платени повеќе од 100 милиони евра за трансфер

Дали фудбалерите навистина вредат толку многу? 

Веќе 21 фудбалер се платени повеќе од 100 милиони евра за трансфер

Веќе 21 фудбалер се платени повеќе од 100 милиони евра за трансфер, а Јан Диоманде би можел да биде следниот.

Најголемиот трансфер што моментално се подготвува на пазарот е доаѓањето на Јан Диоманде од РБ Лајпциг во Реал Мадрид.

Доколку трансферот се реализира, репрезентативецот на Брегот на Слоновата Коска ќе се приклучи кон ексклузивната група играчи за кои се платени повеќе од 100 милиони евра.

Досега, 21 фудбалер ја достигнале таа вредност, почнувајќи од летото 2013 година, кога Реал Мадрид му плати на Тотенхем 101 милион евра за Герет Бејл.

Оттогаш, трансферите со обештетувања од деветцифрени износи станаа многу почести и веќе не предизвикуваат толку многу полемики како порано.

Доаѓањето на клубови во сопственост на држави и милијардери дополнително го зголеми бројот на вакви трансфери.

Меѓу нив, се издвојува Пари Сен Жермен, кој во 2017 година ги сруши сите рекорди со плаќање 222 милиони евра за Нејмар, активирајќи ја неговата откупна клаузула од договорот со Барселона.

Само неколку недели подоцна, ПСЖ го доведе и Килијан Мбапе од Монако за 180 милиони евра.

Ако има еден клуб што доминира на оваа листа, тоа е Челзи.

Во ерата на Роман Абрамович, а потоа под сопственост на Тод Боели, лондонскиот клуб донесе дури пет играчи за повеќе од 100 милиони евра: Морган Роџерс, Енцо Фернандез, Мојсес Кајсед, Ромелу Лукаку и Каи Хаверц.

Клубови од Премиер лигата учествуваа во дури 11 од вкупно 22 трансфери вредни над 100 милиони евра.

Шпанската Ла Лига, вклучувајќи го и евентуалното доаѓање на Диоманде, учествув во осум такви трансфери. Четири би му припаднале на Реал Мадрид, три на Барселона и еден на Атлетико Мадрид.

Франција е претставена од ПСЖ, додека единствениот претставник на Серија А е Јувентус, поради Кристијано Роналдо.

Покрај тоа што сè уште е најскапиот трансфер во историјата на фудбалот, Нејмар е и играчот за кого се издвоени најмногу пари во текот на неговата кариера.

Барселона и ПСЖ заедно платија речиси 400 милиони евра за неговите трансфери.

На второто место е Ромелу Лукаку, за кого клубовите издвоија вкупно околу 370 милиони евра, додека Кристијано Роналдо е трет со 247 милиони.

Трансфери над 100 милиони евра:

1.Нејмар – 222 милиони евра (Барселона → ПСЖ)

2.Килијан Мбапе – 180 милиони евра (Монако → ПСЖ)

3.Александар Исак – 145 милиони евра (Њукасл → Ливерпул)

4.Морган Роџерс – 138 милиони евра (Астон Вила → Челзи)

5.Елиот Андерсон – 135 милиони евра (Нотингем Форест → Манчестер Сити)

6.Жоао Феликс – 127,2 милиони евра (Бенфика → Атлетико Мадрид)

7.Флоријан Вирц – 125 милиони евра (Баер Леверкузен → Ливерпул)

8.Енцо Фернандес – 121 милиони евра (Бенфика → Челзи)

9.Филипе Кутињо – 120 милиони евра (Ливерпул → Барселона)

10.Антоан Гризман – 120 милиони евра (Атлетико Мадрид → Барселона)

11.Џек Грилиш – 117,5 милиони евра (Астон Вила → Манчестер Сити)

12.Мојсес Каиседо – 116 милиони евра (Брајтон → Челзи)

13.Еден Азар – 115 милиони евра (Челзи → Реал Мадрид)

14.Ромелу Лукаку – 113 милиони евра (Интер → Челзи)

15.Кристијано Роналдо – 112 милиони евра (Реал Мадрид → Јувентус)

16.Сандро Тонали – 108 милиони евра (Њукасл → Тотенхем)

17.Пол Погба – 105 милиони евра (Јувентус → Манчестер Јунајтед)

18.Усман Дембеле – 105 милиони евра (Борусија Дортмунд → Барселона)

19.Џуд Белингем – 103 милиони евра (Борусија Дортмунд → Реал Мадрид)

20.Герет Бејл – 101 милион евра (Тотенхем → Реал Мадрид)

21.Каи Хаверц – 100 милиони евра (Баер Леверкузен → Челзи)

Тагови: милиони Фудбал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Жешки фотографии на српска ТВ водителка ги „запалија“ социјалните мрежи

Младата српска ТВ водителка Маша Михаиловиќ објави фотографии од својот одмор по раскинувањето на свршувачката и привлече големо внимание кај своите следбеници.

Фото: Жешки фотографии на српска ТВ водителка ги „запалија“ социјалните мрежи

Водителката на популарно реално шоу Маша Михаиловиќ, привлече големо внимание во јавноста откако на социјалните мрежи објави фотографии од својот одмор.

Атрактивната водителка позираше во минијатурно бикини во маслинесто-зелена боја, истакнувајќи ја својата затегната фигура и изгледот на кој со години ѝ завидуваат многубројни следбеници.

Фотографиите од песочната плажа, направени за време на зајдисонцето, за кратко време предизвикаа бројни реакции, а комплиментите за нејзиниот изглед постојано пристигнуваа.

Со својот изглед, Маша уште еднаш покажа зошто важи за една од најистакнатите телевизиски личности во регионот, а нејзините следбеници особено ја истакнаа самодовербата и енергијата што ги покажа по големата животна промена.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер