Завршува конкурсот на СДСМ за кандидат за претседател на државата

Денеска завршува конкурсот на СДСМ за кандидат за претседател на  државата. Премиерот и лидер на СДСМ Зоран Заев ќе се обиде со лидерот на ДУИ Али Ахмети да најдат заеднички консензуален кандидат за, како што велат, иднината на државата и единс

Вчера на средба двајцата лидери заклучија дека личност која ќе ги претставува сите граѓани на Република Северна Македонија и ќе прати порака за едно општество за сите треба да биде заедничкиот кандидат за претседател на Република Северна Македонија кој ќе се обидат да го најдат.

– Станува збор за вредна шанса, што можеби ќе успее, а можеби не. Ова не е лесно, но драго ми е што има квалитетни кандидати. Договоривме да ги споделиме анализите и анкетите, што ќе бидат од голема помош во изнаоѓањето кандидат зад кој стојат и Македонците и Албанците и помалкубројните етнички заедници во државата, изјави Заев по средбата и изрази верување дека при крајот на неделата ако има шанси за заеднички кандидати имињата ќе излезат на површина.

Убеден е дека процесот ќе заврши со успех затоа што е важно заради иднината на државата, заради концептот едно општество за сите и да се испрати повторно порака на единство помеѓу граѓаните.

Али Ахмети, пак, изјави дека одлуките што ќе се носат треба да бидат во корист на државата, мнозинството граѓани и на партиите.

Партиските органи во наредните денови ќе ги продолжат консултациите за можноста за зеднички претседателски кандидат. До крајот на неделата ќе има оформено став дали е можен заеднички настап, а на почетокот на другата недела треба веќе да се определуваат имињата.

И Ахмети и Заев отфрлија дека ќе се кандидираат за шеф на државата.

Освен со Ахмети, Заев најави дека ќе има средби и со другите политички партии од и надвор од владината коалиција.

За Заев како заеднички претседателски кандидат не е е прифатлива професорката Гордана Сиљановска, која ВМРО-ДПМНЕ на партискиот конгрес ја избра за нивен претседателски кандидат.

-Имам почит кон сите, дури и кон политичкиот противник кој застана зад професорката, но таа е сосема спротивно од концептот што оваа Влада, мнозинството граѓани го развиваат во Македонија, па дури е спротивна на концептот едно општество за сите, рече Заев.

Конкурсот на СДСМ за пријавување на кандидати за претседател на државата завршува денеска, а кој ќе ја претставува владејчката партија во претседателската трка ќе се знае на конгресот закажан за 3 март. Единствен кој досега има поднесено кандидатура за претседател од СДСМ е поранешниот амбасадор Ѓорѓи Филипов.

Шестите претседателски избори беа распишани од претседателот на Собранието, Талат Џафери на 8 февруари. Првиот изборен круг е закажан за 21 април, а вториот ќе се одржи на 5 мај./МИА

10- годишно дете од САД си пресудило по малтретирањето на училиште-родителите 20 пати се жалеле

Десетгодишно момче од Индијана извршило самоубиство откако наводно било ужасно малтретирано на училиште, додека неговите родители тврдат дека 20 пати се пожалиле во училиштето.

Семи Теус се самоубил на 5 мај, а според неговото семејство бил малтретиран до ноќта пред смртта.

Неговите родители Сем и Никол тврдат дека момчето било физички и психички малтретирано на училиште, а наводно неодамна го претепале во училишниот автобус.

Малтретирањето започнало минатата година кога тој се префрлил во училиштето, пишува Дејли Мејл.

Според семејството, Сем 20 пати им кажал на наставниците и на другите вработени во училиштето за злоупотребата.

„Најпрвин го исмејуваа поради очилата, потоа поради забите. Тоа траеше долго. “, рече таткото на Семи.

Злоставувањето потоа станало физичко.

„Го претепаа во автобус, децата му ги скршија очилата. Се јавив во училиштето, ги прашав што ќе прават во врска со тоа, стануваше сѐ полошо и полошо“, рекол таткото.

Според него, училиштето знаело што се случува, а злоупотребата низ училиштето и во автобусот се проширила на социјалните мрежи.

Училиштето соопштило дека неговите родители ја пријавиле смртта како самоубиство и ги истражуваат тврдењата за злоупотреба.

Истрагата продолжува.

Скандалозен исказ на таткото, кој ги држел своите деца како заложници и пукал со калашников

Алекс Марку (40), кој ноќта меѓу вторникот и средата во Драч со часови ги држеше како заложници во станот своите две мали деца, додека пукаше со калашников, дал изјава во полиција.

Алекс Марку (40), кој ноќта меѓу вторникот и средата во Драч со часови ги држеше како заложници во станот своите две мали деца, додека пукаше со калашников, дал изјава во полиција и тврди дека направил сѐ за „да ги заштити децата од љубовник на жената“, објави Политико.

Марку рекол дека имал проблеми со сопругата и дека, како што тврди, таа нашла друг маж.

Таткото, кој испукал најмалку 18 истрели во станот и од балконот во Драч, тврдел дека ги зел децата „за да ги држи подалеку од момчето на жената“. Потоа, како што тврди таткото, „новиот дечко на неговата сопруга дошол да го нападне“.

Потоа, како што рече, со калашников излегол на терасата.

„Четири дена бев во стан на плажа со моите деца и сѐ беше супер. Жена ми побегна во Италија и малку се каравме. Последен пат кога се скаравме, таа отпатува за Италија и јас ги зедов децата и дојдовме во Драч.“

Марку рекол дека сѐ ескалирало кога „љубовникот дошол кај него“.

„И тогаш нејзиниот љубовник доаѓа да ме нападне во куќата и затоа пукав. Не сакав да има врска со децата. Го однесов детето на тераса кога пукав, па можеше да види дека никогаш не сум бил насилен кон децата“, тврди таткото, кој беше уапсен вчераутро по неколкучасовни преговори.

Медиумите јавуваат дека децата, кои биле извлечени неповредени од станот, сега се со својата мајка и го напуштиле Драч.

Не се знае со каква казна се соочува таткото.

Аеродромски работник падна од авион- му се лизнаа скалилата кога сакал да излезе (ВИДЕО)

Еден од работниците на аеродромот во Џакарта паднал од паркиран авион.

Скалите со помош на кои требало да го напушти леталото се лизнале непосредно пред да излезе, а бидејќи не забележал – паднал на земја.

Инцидентот, наводно, се случил на аеродромот во главниот град на Индонезија, Џакарта (CGK), кога еден од аеродромските работници излегувал од Airbus A320 (PK-TLB) на TransNus (8B), објави Aviation24. Видео кое кружи на социјалните мрежи јасно покажува како работниците на аеродромот ги отстрануваат скалите за качување/симнување додека човекот го напушта авионот.

Без поддршка на левата нога, работникот испаднал од авионот и завршил на земја.

Иако не се знае многу за здравствената состојба на работникот, голем број на специјализирани воздухопловни портали и профили на социјалните мрежи пишуваат дека тој скршил неколку коски и дека неговиот живот не е во опасност.Aviation24 јавува дека индонезиските власти започнале истрага за инцидентот.

Прагот на вратата на Ербас А320 е повеќе од три метри над земјата.

притисни ентер