Осудителна пресуда и затворски казни побара обвинителството за обвинетите во случајот Меѓународен Сојуз. Навидум хуманитарната организација на почеток направила добри дела, но тоа било само вовед во измамите што следувале – рече обвинителот Трајче Пеливанов во завршните зборови. Бојан Јовановски ги довел во заблуда бизнисмените Силјан Мицевски и Ардијан Амзоски, но работата немало да биде завршена без тогашната пратеничка Фросина Ташевска Ременски, образложи Пеливанов посочувајќи ја и Јасна Ерцеговиќ која според обвинението парите кои ги добила од струшката Дрим Билдинг му ги предала на Јовановски.
За обвинителството доказите се цврсти меѓу кои и оние кои потврдуваат вина кај останатите обвинети – таткото на Боки 13, Миле Јовановски и неговата секретарка , Христина Блажевска. Одбраната пак на спротивна страна – ваква измама е невозможна.
Завршни зборови дадоа и Јасна Ерцеговиќ и Фросина Ременски и нивните адвокати. И тие самите негираа дека сториле кривични дела а обвинителството според нив не го докажало обвинението.
Наводите од обвинението дека јас сум била угледна и авторитетна личност не се ниту доволни ниту одлучувачки за исполнување на квалификаторните услови за битието на кривичното дело помагање во измама.
Боки 13 завршен збор ќе даде на следното рочиште, по што судијката Софче Гаврилова Ефремова ќе закаже изрекување на пресуда.