Завршија возбудувањата на 15-тото атлетско СП - Канал 5

Други спортови

Завршија возбудувањата на 15-тото атлетско СП

Со штафетната трка 4 по 400 метри попладнево во Пекинг завршија натпреварите на 15.то Светско првенство во атлетика.

Завршија возбудувањата на 15-тото атлетско СП
Машката штафета од САД го освои златниот медал, пред составот на Тринидад и Тобаго, третото место е за Велика Британија.

Во женската штафета на истата патека победија атлетичарките од Јамајка, пред САД и Велика Британија.

Етиопјанките забележаа тројна победа во трката на 5.000 метри. Златото е за Алмас Ајана, сребрениот медал го освои Сенбере Тефери, а Гензебе Дибаба стигна до бронзата.

Медалисти на 1.500 метри се Асбел Кипроп од Кенија – злато, еговиот сонародник Мотонеи Манангои го освои сребрениот медал, бронзата е за Абдалати Игуидер од Мароко.

Плеј-офот го одлучи победникот во скок во височина. Тоа е Дерек Дроун од Канада, на делба на второто место се Гуовеи Жанг од Кина и Бохдан Бондаренко од Украина.

Во фрлање копје женска конкуренција победи Катерина Молитор од Германија, пред Хуихуи Лиу од Кина и Сунете Вилјоен од Јужна Африка.

Следува свеченото затворање на Мундијалот на стадионот „Птичјо гнездо“ во Пекинг. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода возач кој управувал возило со двојно поголема брзина поголема од дозволената

Сообраќајните контроли ќе продолжат и во наредниот период на територијата на цела држава.

Лишен од слобода возач кој управувал возило со двојно поголема брзина поголема од дозволената

Денеска (01.07.2026) во 18:00 часот на патот Гостивар-Тетово поточно на клучка Боговиње од страна на полициски службеници од Мобилната единица за безбедност на сообраќајот на патиштата при Секторот за сообраќајни работи на МВР со специјално возило пресретнувач беше измерена возило со брзина од 177 км/ч каде брзината на движење е ограничена со сообраќаен знак на 80 км/ч.

По насоки на јавен обвинител К.Б. од Тетово е лишен од слобода кој управувал патничко возило "шкода" со тетовски регистарски ознаки. Против возачот К.Б. (47) од Тетово се преземени соодветни мерки и ќе се соочи со законски предвидената санкција по чл.297-а од Кривичниот законик на РСМ.

Сообраќајните контроли ќе продолжат и во наредниот период на територијата на цела држава, со цел санкционирање на сторителите, зголемување на безбедноста и заштита на учесниците во сообраќајот.

Апелираме до сите учесници во сообраќајот да ги почитуваат сообраќајните правила и прописи, со што заеднички ќе придонесеме за побезбедни патишта.

Тагови: брзина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Нема зима за богатите во Русија

И покрај годините меѓународни санкции и растечките економски проблеми, продажбата на луксузни автомобили „Ролс-Ројс“ продолжува да расте.

Нема зима за богатите во Русија

Според „Москва Тајмс“, во Русија се регистрирани 42 нови автомобили „Ролс-Ројс“ во првите три месеци од 2026 година, што е зголемување од пет проценти во споредба со истиот период минатата година.

Трендот продолжи и во текот на пролетта. До крајот на мај, богатите купувачи во Русија купија вкупно 96 нови возила од британскиот производител, или 12 проценти повеќе отколку во истиот период во 2025 година. Податоците ги објави Сергеј Челиков, коосновач и директор на аналитичката агенција „Автостат“.

Најбараниот модел беше луксузниот теренец „Ролс-Ројс Кулинан“, од кој беа испорачани 31, додека седум купувачи го избраа целосно електричниот купе „Ролс-Ројс Спектр“.

Растот на продажбата покажува дека сегментот на ултралуксузни автомобили во Русија засега не е значително засегнат од економските притисоци, и покрај ограничувањата за увоз и работење на странски производители.

Извор: Б92

Тагови: Ролс-Ројс русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Огромно невреме во Романија: Едно лице загина, полиција и пожарникари на улиците

Најмалку едно лице загина во силно невреме што го погоди главниот град на Романија, Букурешт, и 20 окрузи, соопштија службите за вонредни ситуации.

Огромно невреме во Романија: Едно лице загина, полиција и пожарникари на улиците

Тие рекоа дека едно лице загинало кога дрво паднало врз автомобил.

Официјалните лица изјавија дека десетици домови и возила во 60 градови и села биле оштетени во бурата, а речиси 2.000 повици за помош биле примени само во Букурешт, објави „Digi24“.

Официјалните лица изјавија дека полицијата и пожарникарите се распоредени во неколку окрузи и работат на евакуација на луѓето од поплавените домови и расчистување.

Тие рекоа дека неколку метро станици во Букурешт биле поплавени.

На бурата ѝ претходел топлотен бран со температури над 40 степени Целзиусови во делови од Романија во понеделник и вторник.

Извор: Б92

Тагови: невреме Романија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер