Завршија квалификациите за Светското фудбалско првенство - Канал 5

Фудбал

Завршија квалификациите за Светското фудбалско првенство

Со одигрувањето на синоќешните 26 натпревари завршија квалификациите во европската зона за Светското фудбалско првенство во Бразил 2014 година.

Завршија квалификациите за Светското фудбалско првенство
Директен пласман и прво место во групите по одигрувањето на последното коло обезбедија: Русија, Англија, Шпанија и Босна и Херцеговина (прво учество). Претходно тоа го направија: Италија, Холандија, Белгија, Германија и Швајцарија.

Осум од деветте второпласирани селекции ќе имаат уште една шанса преку баражите да стигнат до Мундијалот. Данска како најслабо второпласирана репрезентација веќе ги заврши натпреварите.

Во баражите ќе играат: Хрватска, Шведска, Романија, Исланд, Португалија, Грција, Украина и Франција.

Резултати и табели:

А група: Србија – Македонија 5:1, Белгија – Велс 1:1, Шкотска – Хрватска 2:0.
Табела: Белгија 26 бодови, Хрватска 17, Србија 14, Шкотска 11, Велс 10, Македонија 7.

Б група: Бугарија – Чешка 0:1, Данска – Малта 6:0, Италија – Ерменија 2:2.
Табела: Италија 22, Данска 16, Чешка 15, Бугарија 13, Ерменија 13, Малта 3.

Ц група: Фарски Острови – Австрија 0:3, Република Ирска – Казахстан 3:1, Шведска – Германија 3:5.
Табела: Германија 28, Шведска 20, Австрија 17, Република Ирска 14, Казахстан 5, Фарски Острови 1.

Д група: Унгарија – Андора 2:0, Романија – Естонија 2:0, Турција – Холандија 0:2.
Табела: Холандија 28, Романија 19, Унгарија 17, Турција 16, Естонија 7, Андора 0.

Е група: Кипар – Албанија 0:0, Норвешка – Исланд 1:1, Швајцарија – Словенија 1:0.
Табела: Швајцарија 24, Исланд 17, Словенија 15, Норвешка 12, Албанија 11, Кипар 5.

Ф група: Азербејџан – Русија 1:1, Израел – Северна Ирска 1:1, Португалија – Луксембург 3:0. Табела: Русија 22, Португалија 21, Израел 14, Азербејџан 9, Северна Ирска 7, Луксембург 6.

Г група: Грција – Лихтенштајн 2:0, Литванија – БиХ 0:1, Летонија – Словачка 2:2.
Табела: БиХ 25, Грција 25, Словачка 13, Литванија 11, Летонија 8, Лихтенштајн 2.

Х група: Англија – Полска 2:0, Црна Гора – Молдавија 2:5, Сан Марино – Украина 0:8.
Табела: Англија 22, Украина 21, Грна Гора 15, Полска 13, Молдавија 11, Сан Марино 0.

И група: Франција – Финска 3:0 и Шпанија – Грузија 2:0.
Табела: Шпанија 20, Франција 17, Финска 9, Грузија 5, Белорусија 4.

Извлекувањето на двојките за баражите ќе се одржи на 21 октомври во Цирих.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода 10 возачи за „безобѕирно управување со моторно возило“, седум возеле без положен возачки испит

Во текот на изминатото деноноќие, на различни локации во државата, полициски службеници лишија од слобода 10 возачи поради сторено кривично дело „безобѕирно управување возило“ по член 297-а од Кривичниот законик.

Лишени од слобода 10 возачи за „безобѕирно управување со моторно возило“, седум возеле без положен возачки испит

Од нив, седум лица управувале возило без положен возачки испит, и тоа: 17-годишник од Скопје, Р.Џ.(27) од с.Крушопек, скопско, 16-годишник од Неготино, А.М.(32) од Чашка, Б.М.(45) од Берово, М.К.(20) од с.Драслајца, струшко и Б.С.(39) од с.Обршани, општина Кривогаштани. Двајца возачи управувале возило и покрај активна мерка забрана за управување со моторно возило. Станува збор за Ј.Б.(23) од с.Тремник, неготинско и З.Ј.(55) од Скопје. Додека, пак, А.Ц. (55) од Прилеп управувал под дејство на алкохол. По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претреси во демиркаписко, пронајдено ловечко оружје и месо од дивеч, лишени две лица поради сомнение за незаконит лов

На 12.11.2026 во 19:10 часот полициски службеници од ОВР Неготино ги лишија од слобода М.М.(66) и Т.М.(76), двајцата од село Бистренци, демиркаписко.

Претреси во демиркаписко, пронајдено ловечко оружје и месо од дивеч, лишени две лица поради сомнение за незаконит лов

Претходно, од ловечко друштво „Вардар“ Неготино било пријавено дека на 10.11.2026 на простор на ловиште Корешница во село Бистренци биле забележани две лица кои поставиле недозволени предмети за лов на диви животни и ловеле во време на забранет лов, по што полициски службеници презеле мерки и активности за нивно пронаоѓање. По издадена судска наредба од Основен суд Кавадарци, извршени биле претреси во домовите на М.М. и Т.М., при што во домот на М.М. биле пронајдени и одземени предмети за лов на диви животни, ловечки патрони, ловечка пушка и месо од различни видови диви животни, а во домот на Т.М. биле пронајдени и одземени пушка, предмети за лов на диви животни и дозвола за оружје со измината важност.

Тие биле приведени во полициска станица, известен бил јавен обвинител и по документирање на настанот против нив ќе бидат поднесени соодветни пријави.

Тагови: ловечко оружје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Министерот за спорт Борко Ристовски оддаде почит на ослободителите на Скопје

Со положувањето цвеќе и оддавањето почит на борците кои ги дадоа своите животи за слободата на градот, беше испратена порака за трајно почитување на нивната храброст, пожртвуваност и историски придонес.

Министерот за спорт Борко Ристовски оддаде почит на ослободителите на Скопје

Министерот за спорт, Борко Ристовски, заедно со градоначалникот на Град Скопје, Орце Ѓорѓиевски, и претставници на институциите, денеска беше дел од делегацијата која со пригодни активности ја одбележа 82-годишнината од ослободувањето на Скопје, 13 Ноември 1944 година.

По повод Денот на ослободувањето на Скопје, делегацијата положи свежо цвеќе пред Споменикот на ослободителите на Скопје на Партизанските гробишта во Бутел, на гробот на генерал Михајло Апостолски во Алејата на заслужните граѓани, како и пред Споменикот на ослободителите на Скопје пред зградата на Владата.

Со положувањето цвеќе и оддавањето почит на борците кои ги дадоа своите животи за слободата на градот, беше испратена порака за трајно почитување на нивната храброст, пожртвуваност и историски придонес.

13 Ноември е еден од најзначајните датуми во историјата на Скопје, ден кој ја симболизира слободата, единството и непокорот на неговите граѓани. Одбележувањето на овој ден претставува потсетник за обврската да го негуваме историското наследство и вредностите врз кои се темели иднината на градот.

Со почит,

Министерство за спорт

Тагови: Борко Ристовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер