Заврши состанокот на Трамп со советниците за новата блокада на Ормутскиот теснец - Канал 5

Свет

Заврши состанокот на Трамп со советниците за новата блокада на Ормутскиот теснец

Заврши состанокот на американскиот претседател Доналд Трамп и неговите највисоки советници во врска со новото затворање на Ормутскиот теснец од страна на Иран, а сè уште не е познато што е епилогот од состанокот, објавува „Гардијан“.

Заврши состанокот на Трамп со советниците за новата блокада на Ормутскиот теснец

На состанокот присуствуваа, меѓу другите, потпретседателот на Соединетите Американски Држави Џеј Ди Венс, секретарот за одбрана Пит Хегсет и државниот секретар на САД Марко Рубио.

Не е познато каков е епилогот од состанокот, ниту кои се можните следни чекори на САД. Како што објавува „Гардијан“, Трамп ја напуштил Белата куќа по состанокот и отишол на терен за голф.

Во последните денови, Трамп имаше телефонски разговори со командантот на Генералштабот на пакистанската армија, Асим Мунир, како и со ирански претставници.

Иран, по краткорочното деблокирање на Ормутскиот теснец, синоќа објави дека преминот е повторно затворен бидејќи, како што е наведено, „Соединетите Американски Држави не ги исполнија своите обврски според договорот за двонеделен прекин на огнот“.

Иранскиот корпус на револуционерната гарда објави дека почнувајќи од синоќа Ормутскиот теснец ќе остане затворен поради кршењето на прекинот на огнот од страна на САД и предупреди дека ниту еден брод не смее да се помести од своето сидро во Персискиот Залив и Оманското Море, а приближувањето кон Ормуската теснина ќе се смета за соработка со непријателот, додека секој брод што ќе ги прекрши овие услови ќе биде цел на напад.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Кралицата на провокациите повторно во секси бикини

Една од најубавите жени на светот, манекенката Емили Ратајковски повторно го запали интернетот со серија објави каде што позира во бикини, но во некои провокативни фустани. 

Фото: Кралицата на провокациите повторно во секси бикини

Моделот Емили Ратајковски се појави во центарот на вниманието кога откри непознати детали за нејзиниот развод и животот потоа, откривајќи сè за нејзините авантури за една ноќ ...

Убавата Емили која е позната и како кралицата на провокациите сега ги воодушеви фановите на социјалните мрежи со серија фотки на кои позира или во бикини или во провокативен фустан .

Бидејќи моментално ужива во одморот, таа ја одбра својата омилена дестинација - Мајорка, Емили позираше во бикини кои речиси откриваа премногу, а потоа покажа црвен мрежест фустан кој речиси ништо не покрива.

Тагови: Емили Ратајковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Електричните возила се по популарни

Според експертите од автомобилската индустријата, електричните возила добиваат на популарност кај потрошувачите поради подобрената инфраструктура за полнење и појавата на попристапни модели, вклучително и од кинески производители. 

Електричните возила се по популарни

Побарувачката за електрични возила низ цела Европа е зголемена и поради зголемувањето на цените на горивата поради војната на Блискиот Исток, според податоците од истражувачката група New Automotive и здружението за индустријата за електрични возила E-mobility.

Сепак, некои раководители предупредуваат дека интересот може да се намали кога цените на бензинот повторно ќе паднат.

Извршниот директор на Ford Europe, Џим Бомбик, рече дека војната го зголемила интересот на клиентите за електрични возила, но предупреди дека ова не треба да се гледа како трајна промена во трендот.

„Нарачките за електрични возила на Renault се зголемија за 50 проценти во некои земји од почетокот на војната со Иран кон крајот на февруари, но очекуваме растот да забави ако цените на горивата паднат“, изјави минатата недела извршниот директор на компанијата, Франсоа Провост.

Тагови: електричен автомобил

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Украина и Русија повторно разменија тела на загинати

Москва и Киев разменија тела на загинатите во повеќе од четиригодишната војна, соопштија украинските власти. 

Украина и Русија повторно разменија тела на загинати

Украина прими 522 тела, додека Русија прими 33, според државните новински агенции.

Русија ги врати останките на повеќе од 20.000 Украинци од почетокот на 2025 година, додека прими повеќе од 600 останки на свои граѓани.

Поради бавното, но стабилно напредување на руските сили, украинската војска не можеше да ги врати телата на своите паднати војници. Двете страни ги чуваа своите загуби во тајност.

Украинските загуби се проценуваат на околу 190.000 загинати и исчезнати, додека руските загуби се проценуваат на повеќе од 350.000, според ДПА.

Обединетите нации проценуваат дека нешто повеќе од 16.100 цивили се убиени од мај оваа година. Украина се спротивставува на целосна руска инвазија од февруари 2022 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер