Заврши првата рунда преговори меѓу Украина и Русија со посредство на САД во Абу Даби - Канал 5

Свет

Заврши првата рунда преговори меѓу Украина и Русија со посредство на САД во Абу Даби

Ова се првите директни разговори меѓу Москва и Киев за американскиот план за завршување на војната, која однесе десетици илјади животи од 2022 година.

Заврши првата рунда преговори меѓу Украина и Русија со посредство на САД во Абу Даби

Руски, украински и американски претставници се сретнаа вчера во Абу Даби за прв пат во овој формат за да ги разгледаат за условите за завршување на четиригодишната војна во Украина, бидејќи Москва продолжува да инсистира Киев да ги повлече своите сили од Донбас, јавија светските агенции.

Според украинскиот претседател Володимир Зеленски, спорното прашање за територијата останува главна пречка за постигнување договор во овие разговори, кои треба да продолжат денеска.

Ова се првите директни разговори меѓу Москва и Киев за американскиот план за завршување на војната, која однесе десетици илјади животи од 2022 година.

Според украинскиот главен преговарач Рустем Умеров, разговорите се фокусирале „на условите за завршување на војната поставени од Русија и на логичните следни чекори во процесот на преговори, насочени кон достоинствен и траен мир“.

„За сабота се планирани повеќе состаноци“, додаде синоќа Умеров.

Руската делегација ја предводи генерал Игор Костјуков, шеф на руското воено разузнавање. Вашингтон е претставен од специјалниот пратеник Стив Виткоф и Џаред Кушнер, зет на американскиот претседател Доналд Трамп.

Преговорите се одржуваат во услови на сложена ситуација за Украина, чија енергетска мрежа е сериозно оштетена од серија руски напади што предизвикаа прекини на електричната енергија и греењето.

Тагови: Абу Даби русија украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Мицотакис по нападот во Солун: Ќе ве најдеме и ќе ве предадеме на правдата

Премиерот на Грција, Киријакос Мицотакис, изјави дека сторителите на нападот во Солун ќе бидат пронајдени и изведени пред лицето на правдата, по смртта на жената која претрпе најтешки изгореници во намерно подметнат пожар .

Мицотакис по нападот во Солун: Ќе ве најдеме и ќе ве предадеме на правдата

Премиерот на Грција, Киријакос Мицотакис, изјави дека сторителите на нападот во Солун ќе бидат пронајдени и изведени пред лицето на правдата, по смртта на жената која претрпе најтешки изгореници во намерно подметнат пожар врз објект поврзан со функционери на владејачката партија Нова демократија..

72-годишната жена, инаку мајка на партиската кандидатка Афродити Нестора, починала на одделението за интензивна нега во Солун.

Мицотакис изрази сочувство до семејството и предупреди дека не може да има толеранција за крвопролевање. Тероризмот мора да биде протеран таму каде што му е местото, на маргините“, изјави грчкиот премиер.

Нападот врз домот на нестора бил еден од три координирани инциденти вчера рано утрината, во кој биле повредени уште четири лица, меѓу кои и самата кандидатка и нејзиниот татко..

Тагови: Киријакос Мицотакис солун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Русија го нападна Киев, најмалку 13 луѓе се убиени

Руските сили извршија голем напад со дронови и ракети врз украинската престолнина Киев, при што загинале 13 лица, а десетици се повредени.

Русија го нападна Киев, најмалку 13 луѓе се убиени

Неколку населби биле евакуирани додека нападите ги потресувале зградите низ целиот град, Само неколку часа откако украинскиот претседател Володимир Зеленски предупреди дека Русија се подготвува за нов напад.. Меѓу жртвите има и деца, изјави Тимур Ткаченко, шеф на воената администрација на Киев..

„Непријателот повторно намерно ги гаѓа станбените области и убива цивили“, изјави тој.

Воздухопловните сили на Украина соопштија дека Русија лансирала 74 ракети и 496 дронови преку ноќ. Ова е прв голем руски напад со ракети и дронови врз украина во последните повеќе од две недели. Руското министерство за одбрана соопшти дека биле погодени и воени бази во централна и источна Украина..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Три лица претепале малолетник и го избоделе со нож во населба Ченто

На социјалните мрежи се споделува кратка видео снимка на која се гледа момче кое лежи на земја со траги од крв низ целото тело.

Три лица претепале малолетник и го избоделе со нож во населба Ченто

Неофицијално се работи за 14 годишно момче кое во парк во Ченто било седум пати прободено со нож и претепано до бессознание.

Според полицискиот билтен, за настанот во МВР добиле пријава пред полноќ на 22 јуни, кога на подрачјето на Гази Баба физички било нападнато малолетното лице и му биле нанесени повреди со остар предмет. Приведени биле напаѓачите, три лица со иницијали ј.ј., в.а. и В.С..

Според информациите се работи за полнолетни лица, а од обвинителството, до нив се уште не е стигната пријава од мвр за овој случај.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер