Шоу биз

Заврши пријателството меѓу Тејлор Свифт и Блејк Лајвли- не ѝ ја честитала свршувачката

Иако Тејлор Свифт е во еден од најсреќните периоди од својот живот, нејзината свршувачка со Тревис Келсе фрли и непријатна сенка врз нејзиниот приватен живот.

Имено, странските медиуми пишуваат дека нејзината долгогодишна пријателка Блејк Лајвли не ѝ испратила честитки по повод свршувачката, а причината лежи во сериозното заладување на нивната врска.

„Блејк не одговорила од објавувањето на свршувачката, ниту планира. Не е време за тоа, ниту има смисла. Таа има многу поважни работи со кои треба да се занимава во моментов“, изјавил извор за Дејли Меил, алудирајќи на актуелниот правен спор на актерката со нејзиниот колега Џастин Балдони.

Според медиумските извештаи, Лајвли наводно повеќе не зборува за Тејлор, ниту пак размислува за нивното некогаш блиско пријателство. „Порано разговарале за сè - за тоа дали ќе биде на свадбата, како би изгледала. Но, сега владее целосна тишина“, открива изворот.

„Нема сомнение дека Блејк е вклучена во свадбата, бидејќи таа едноставно нема да го стори тоа. Таа го знае тоа и искрено, дури и не сака да зборува за тоа“, додаде изворот.

Инсајдерите исто така тврдат дека актерката, која неодамна го прослави својот 38-ми роденден, не е опседната со свршувачката на Тејлор: „Блејк има свој живот и свои одговорности, а во моментов тоа се нејзини приоритети“, објави Page Six.

Од блиски пријателки до непријатна дистанца

За потсетување, пријателството на Тејлор Свифт и Блејк Лајвли почна да се распаѓа претходно оваа година, кога пејачката ненамерно беше вовлечена во правната битка на актерката со Балдони, нејзиниот колега од „It Ends With Us“.

Во јануари, Балдони поднесе тужба од 400 милиони долари против Лајвли, нејзиниот сопруг Рајан Рејнолдс и нивниот публицист, обвинувајќи ги за клевета и изнуда. Документите, исто така, вклучуваа пораки што Лајвли наводно ги испратила, во кои таа ја нарече Тејлор една од нејзините „најдоверливи партнерки“.

Иако пејачката доби судска покана во мај да сведочи во случајот, таа подоцна беше отфрлена. Сепак, веќе беше јасно дека нивното пријателство е на сериозна пресвртница. „Нивната врска престана. Тејлор не сака да биде дел од овој скандал“, изјавил извор близок до пејачката во тоа време.

Тејлор на „седмо небо“ со Тревис

И покрај драмата во нејзиниот личен живот, Тејлор Свифт блеска во љубовта. Таа и Тревис Келсе, ѕвезда на Канзас Сити Чифс, ја објавија својата заедничка свршувачка со трогателна порака на Инстаграм:

„Твојата наставничка по англиски јазик и твојот наставник по физичко се венчаваат“, напишаа тие покрај серија заеднички фотографии.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

И Бугарија ја одбележа 123 годишнината од илинденското востание – Јотова: Историјата е заедничка

Бугарија нема да се откаже од Бугарите во Македонија и ќе продолжи да ги штити нивните права, порача бугарската претседателка Илијана Јотова.

Таа учествуваше на одбележувањето на 123-годишнината од илинденското востание, кое Бугарија го нарекува илинденско-преображенско. Јотова оцени дека историјата е заедничка и не треба да биде повод за поделби.

-Колку многу омраза и поделби денес во Македонија се зборува за Бугарите. А, историјата ни е заедничка, што има да делиме. И денес, провокации, понижување. Тоа е наша работа, на политичарите, но тоа е работа и на сите граѓани да се спротивстават на таа омраза и поделбите. Ние вас нема да ве предадеме, нема да се откажеме од вас и ќе ги чуваме вашите права. – изјави Јотова.

Тагови: Јотова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петкоска: Македонските аеродроми најбрзорастечки во регионот, за седум месеци 2,4 милиони патници на аеродромите во Скопје и Охрид

Македонските аеродроми се најбрзо растечки во регионот, а цивилниот воздушен сообраќај бележи силен и континуиран раст.

Резултатите во првите седум месеци од 2026 година се јасна потврда дека Македонија станува сè по посакувана дестинација и подобро поврзана со Европа и светот.

Во периодот јануари до јули 2026 година, двата македонски аеродроми опслужиле вкупно 2.414.892 патници, наспроти 1.879.195 во истиот период минатата година, што се 535.697 патници повеќе.

Додека во истиот период реализирани се 16.280 летови, што во споредба со 14.985 во 2025 година, претставува зголемување од 1.295 летови.

Особено значајни се резултатите во текот на јули, кој донесе историски достигнувања и на двата македонски аеродроми.

Меѓународниот аеродром Скопје го имаше својот рекорден месец во историјата, со 408.925 опслужени патници, што претставува раст од 29,5% во однос на истиот месец минатата година.

Во текот на месецот реализирани се 2.670 летови, а на 20 јули е поставен рекорд од 101 реализиран лет во еден ден, додека на 31 јули, пак, преку скопскиот аеродром патувале повеќе од 16.000 патници.

Бројот на опслужени патници на скопскиот аеродром од јануари до јули е 2.239.811, наспроти 1.738.378 во истиот период во 2025 година.

Историски резултати бележи и Аеродромот „Св. Апостол Павле“ – Охрид, така што јули 2026 година е најуспешниот месец во историјата со 52.544 патници, што претставува раст од дури 41,2%. Реализирани се 443 летови, а на 26 јули преку аеродромот поминале околу 3.000 патници во еден ден, што претставува нов дневен рекорд.

Охрискиот аеродром бележи значителен раст на бројот на оатници, така во истиот периодоод јануари до јули годинава патувале 175.081, наспроти 140.817 патници во истиот период лани, а бројот на реализирани операции во истиот период пораснал од 1.049 на 1.350.

Овие бројки не се само статистика. Зад нив стојат повеќе туристи, повеќе гости во хотелите и рестораните, повеќе работа за туристичкиот сектор и поголем придонес кон економскиот развој на државата.

Зголемениот број патници покажува дека Македонија станува сè попривлечна и подостапна дестинација, а растот на воздушниот сообраќај создава дополнителни можности за туризмот, угостителството, транспортот и целокупниот услужен сектор.

И сето ова не е случајност, туку резултат на голем вложен труд и две години посветана работа на Владата предводена од ВМРО-ДПМНЕ.

Лидија Петкоска, пратеник на ВМРО-ДПМНЕ

Тагови: Лидија Петкоска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лефков: Филипче во време на здравствена криза не мислел на пациентите, туку како преку модуларните болници да го наполни џебот, Абази уште го штити

За Ислам Абази, обвинителот во заминување, морето од документи, вештачења за модуларната болница во Тетово не значеле ништо, не значел ништо ниту фактот што 14 лица живи изгореа во истата болница.

Казни добија само поранешните директори на Клиничката болница во Тетово, Флорин Бесими, и Артан Етеми и тоа условни затворски казни, а казнета беше и болницата како правно лице со парична казна.

Но, за мозокот на операцијата модуларни болници, Венко Филипче, обвинителството, замислете вели, не бил виновен. И ова по пет години го кажува обвинителот кој цел мандат им служи само на СДС и ДУИ.

Да потсетиме, тоа се болници за кои немало надзор, за кои ниту општините, ниту надлежното министерство не издавале одобрение, односно биле поставувани целосно вон правилата од Законот за градење.

Иако здравствената криза, Филипче во тој момент мислел само на профитот, а не на човечките животи. За ова говори и фактот што тој склучил и анекс на договор со фирмата која ги поставувала модуларните болници и ја зголемил цената за 20%.

Во ваков контекст и покрај зборот на обвинителот на СДС и ДУИ, Абази, јавноста треба да знае дека во случај на нови докази постапка за истото дело може да има повторно.

Сега, пак граѓаните треба да слушнат образложение од Абази зошто го штити Фичипче? Исто така и зошто Филипче ја зголемил цената на модуларните, каде завршле овие пари?

Миле Лефков, член на ИК и пратеник на ВМРО-ДПМНЕ

Тагови: Миле Лефков

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.