Свет

Заврши онлајн разговорот на Трамп со ЕУ лидерите, Зеленски и Мерц ќе имаат обраќања

Според соопштението на француското претседателство, заврши онлајн самитот на кој учествуваат претседателот на САД Доналд Трамп, украинскиот претседател Володимир Зеленски и лидери од Европската Унија.

За време на состанокот се дискутирало за војната во Украина и европската безбедност.

На денешната попладневна средба учествуваат британскиот премиер Кир Стармер, германскиот канцелар Фридрих Мерц, францускиот претседател Емануел Макрон, италијанската премиерка Џорџа Мелони, полскиот премиер Доналд Туск, финскиот претседател Александер Стуб, претседателката на Европската комисија Урсула фон дер Лајен и генералниот секретар на НАТО Марк Руте.

Разговорот со претседателот на САД Доналд Трамп се одржува преку видеоповик, пред неговата средба со рускиот претседател Владимир Путин на Алјаска, на која Европа не е поканета.

Целта на повикот е да се потсети Трамп дека безбедноста на целиот европски континент е во прашање, да се поттикне да ги има предвид интересите на Украина и да не дозволи рускиот претседател Владимир Путин да го придобие на своја страна.

Во интервју во неделата, Мерц изјави дека Европејците „не можат да прифатат територијални прашања меѓу Русија и Америка да се расправаат или дури одлучуваат без инволвираност на Европејците или без Украинците“.

Сепак, сега, кога Трамп и Путин ќе се сретнат илјадници километри далеку од украинските боишта, можно е да се донесат клучни одлуки за Европа – без нејзино учество. И Русија и Украина одамна тврдат дека сакаат крај на војната, но нивните барања се целосно спротивни.

Претседателот на САД Доналд Трамп во понеделникот изјави дека ќе „се обиде да врати дел од украинската тероторија окупирана од Русија“, но предупреди и дека можеби ќе биде потребно „нешто да се замени, да се менува територија“.

Украинскиот претседател Володимир Зеленски ја отфрли секоја можност за „замена“ на територија.

- Нема да ја наградиме Русија за она што го направи, порача Зеленски, повторувајќи дека Украина нема да прифати руска контрола врз областите кои Москва ги зазеде, вклучувајќи го и Крим.

Од друга страна, рускиот претседател Владимир Путин не се откажува од своите територијални барања, од барањето за неутралност на Украина и одредување на големината на идната украинска армија.

Русија започна целосна инвазија врз Украина делумно поради уверувањето на Путин дека западниот одбранбен сојуз НАТО ја користи соседната земја за да се приближи до руските граници.

Денеска Русија изјави дека нејзиниот став за војната во Украина останува непроменет откако Путин минатата година ги постави своите услови: Украина целосно да ги повлече своите сили од клучните области и да се откаже од своите амбиции за членство во НАТО.

Путин и американскиот претседател Доналд Трамп ќе се сретнат в петок на Алјаска, што ќе биде прв американско-руски самит од 2021 година, за да разговараат за можностите за завршување на војната. Трамп изјави дека двете страни во конфликтот ќе треба да разменат дел од териториите кои моментално ги контролираат за да се постигне тоа.

Во моментов Русија контролира 19 отсто од Украина, вклучувајќи го целиот Кримски Полуостров, целата Луганска област, повеќе од 70 отсто од Доњецката, Запорошката и Херсонската област, како и помали делови од Харкивската, Сумската, Миколаевската и Днепропетровската област.

По извештаите на некои медиуми дека Вашингтон смета дека Путин е подготвен на компромис околу територијалните барања, новинарите го прашаа портпаролот на руското Министерство за надворешни работи Алексеј Фадеев дали рускиот став се променил.

- Ставот на Русија останува непроменет, а тој беше изнесен во оваа сала пред нешто повеќе од една година, на 14 јуни 2024 година, рече денеска Фадеев, мислејќи на говорот на Путин во Министерството. Тогаш шефот на Кремљ ги претстави своите барања, вклучувајќи повлекување на украинските војници од делови на Доњецката, Запорошката и Херсонската област кои сè уште ги држат – што беа негови први јавни коментари за можен мировен договор.

Путин исто така изјави дека Киев ќе мора официјално да ја извести Москва дека се откажува од плановите за приклучување кон НАТО и дека има намера да остане неутрален и несврстан.

Покрај тоа, Путин нагласи дека мора да се гарантираат правата и слободите на рускојазичното население во Украина, како и „реалноста“ дека Крим, Луганск, Доњецк, Запорожје и Херсон сега се дел од Русија. Според него, овие услови ќе мора да бидат содржани и во меѓународните договори.

Тагови: Доналд Трамп зеленски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кривична пријава против поранешен директор на ЈКП „Брегалница“-Делчево

Кривична пријава против поранешен директор на ЈКП „Брегалница“-Делчево поради „злоупотреба на службената положба и овластување“

Надворешната канцеларија за криминалистички работи Делчево на 13.07.2026 поднесе кривична пријава против С.С.(61) од Делчево, поранешен директор на ЈКП „Брегалница“- Делчево, поради постоење основи на сомнение за сторено кривично дело ,„злоупотреба на службената положба и овластување“, по член 353 ст.1 во врска со член 45 ст.1 од КЗ.

С.С. како службено лице - директор на ЈКП „Брегалница“- Делчево ја злоупотребил службената положба и овластување со пречекорување на границите на своите службени овластувања, при што во периодот од 2023 до 2025 година, на вкупно 112 вработени во ЈКП „Брегалница“-Делчево им издал вкупно 92 решенија за зголемување на основната плата поради работна успешност, при тоа без да има предлози од непосреден раководител на работникот и без согласност на непосреден раководител на работникот, со што постапил спротивно на член 51 ст.1 од Колективниот договор за комуналните дејности и спротивно на член 81 ст.2 од Колективниот договор за уредување на правата, обврските и одговорностите од работниот однос на работниците од ЈКП „Брегалница“- Делчево и предизвикал вкупна материјална штета на јавното претпријатие од 267.873 денари.

Тагови: кривична пријава

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

НЛБ Банка и „Прагма Продукција“ го официјализираа партнерството за претстојната летна концертна сезона

НЛБ Банка и „Прагма Продукција“ денеска го официјализираа партнерството за претстојната летна концертна сезона.

На заедничка прес-конференција ги најавија музичките настани што ќе ја одбележат летната програма, како и ексклузивните поволности што ќе бидат достапни за клиентите на НЛБ Банка, со посебен акцент на пакетот **nlb next**, наменет за младите.

На прес-конференцијата присуствуваа и членовите на дуото „Дупер“ и Слаткаристика, кои ги најавија претстојните настапи и ја поздравија иницијативата за поддршка на домашната музичка сцена.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

„Супер вторник“ за проширувањето на ЕУ - четири меѓувладини конференции во еден ден

„Супер вторник„ за проширувањето на Европската Унија – вака во Брисел го опишаа оддржувањето на дури четири меѓувладини пристапни конференции во еден ист ден, што според ресорната еврокомесарка Марта Кос се случува прв пат по 24 години.

„Супер вторник„ за проширувањето на Европската Унија – вака во Брисел го опишаа оддржувањето на дури четири меѓувладини пристапни конференции во еден ист ден, што според ресорната еврокомесарка Марта Кос се случува прв пат по 24 години. Од четирите водечки кандидатки - Црна Гора, Албанија, Украина и Молдавија, Црна Гора е апсолутниот првенец, додека Украина постигнала голем напредок во последните два месеци, оценија Кос и министерот за европски прашања на Ирска, Томас Бирн, чија земја е актуелен претседавач со Унијата.

-Со нашите предводници - Молдавија и Украина, ќе го отвориме кластерот 6. Се однесува на надворешните односи на двете земји. Исто така, станува збор за соработка во одбраната и справувањето со хибридните закани. Двете земји ќе придонесат кон европската безбедносна структура. Ова е пресвртница за Албанија со почетокот на затворањето на поглавјата и секако за нашиот фаворит, првенецот Црна Гора, со денес уште едно затворање на две поглавја вкупно 18 од 33, што значи повеќе од половина,- - Марта Кос Еврокомесарка за проширување.

Овој „Супер вторник„ е знак до земјите кандидатки дека Унијата е подготвена за проширување, изјави ирскиот министер – Томас Бирн. Тој како и Кос порачаа дека проширувањето останува меритократски процес.

-Самиот денешен ден „Супер вторник„ како што го нарекуваме - најмногу конференции за пристапување од 2002 година, само по себе гради импулс што луѓето ќе го видат во земјите-пристапнички дека постои Европска Унија. Дека земјите-членки се подготвени да го движат тој процес напред, подготвени да го остварат, и дека нашите земји-членки и нивните системи почнуваат да се подготвуваат со уште поголема итност отколку што веќе покажаа во овој процес. Затоа мислам дека ќе продолжиме да го движиме ова напред,- -Томас Бирн, министер за европски прашања и одбрана на Ирска.

Иако соседна Србија не доби зелено светло од Брисел за отворање на третиот кластер, според еврокомесарката Кос, Белград испраќа сигнал дека е подготвен за поголемо стратешко усогласување со Унијата. Неколку земји членки се против напредокот на Белград, поради невоведувањето санкции кон Русија и заостанување во владеењето на правото.

Тагови: ЕУ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.