Македонија

Заврши голготата на студентите од „Гоце Делчев“- добија топла вода

По две недели конечно топол туш за студентите во студентскиот дом „Гоце Делчев“ во Скопје.

Покрај тоа што немале топла вода неколку недели, тие се соочуваат и со проблем да имаат глувци и лебарки низ студентскиот дом. Тие се жалат и дека лифтовите во континуитет се неисправни во текот на целата година, а дека за нив топлата вода често претставува научна фантастика.

„Топла вода немаше две недели во блок Б со најава дека има дефект прво во бојлерот, после во цевката, дека треба да се сменат греачи.“

„Лебарки и глувци во блок Б, се појавија на ниските спратови глувци, лебарки има уште од пред еден месец на сите спратови, а глувци од оваа недела.“

„Кажано е од управата дека е преземено мерки за ДДД, меѓутоа резултати немаме видено уште. Истото важеше и за лебарките. Во поглед на лифтовите, во секој блок работи по еден од можни два лифта.“

„Директорот кажува дека ќе се санираат работите и тоа е тоа.“

Велат дека од Универзитетското Студентско Собрание објавувале како проблемите се решени, додека студентите се уште ги имале истите проблеми. Се жалат и дека долго време немаат ниту Совет на станари. Иако мандатот на претходниот состав е завршен од декември, веќе пет месеци целата процедура била интерно променета од страна на Комисијата за студентски стандард при Универзитетското Собрание.

„Нема најверојатно оваа година да се формира, двапати е одбиен повикот.“

„Они интерно го смениле правилникот за избор на студенти на совет на станари што тој правилник се менува на ниво на МОН и дека според тој правилник последните избори не биле легитимни и затоа биле поништени.“

Утринава обвинија и од СДСМ дека власта го претворила студентскиот дом во симбол на понижување и дека младите преживуваат во распаднати домови додека власта, како што велат, троши на криминални тендери и бизнис шеми.

„Криминалците на власт лапаат пари од криминални тендери, младите студенти се оставени без основни услови, немаат топла вода, немаат соодветна храна, глувци им се шетаат по собите. Ова е понижување, а не достоинствен живот. Денес сме пред студентскиот дом Гоце Делчев, симболот на студентскиот живот кој власта на Мицкоски го претвори во симбол на понижување, негрижа и распад на системот. Мицкоски им ја краде иднината на младите додека лажно и лицемерно ги повикува да не се иселуваат.

А младите поради него и криминалната организација ВМРО сакаат да се иселат, поради криминалот, корупцијата, сиромаштијата, немањето систем, партизацијата.“

Овој случај со проблеми со лебарки во студентскиот дом не е првпат. Студентите се жалат дека инсекти има секоја година, додека проблемот со глувците се случува по првпат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија го одбележува 2 Август – Илинден, Денот на Републиката

Македонија денеска го одбележува 2 Август – Илинден, еден од најзначајните датуми во македонската историја и празник што ги обединува двата темелни настани во борбата за национално ослободување и создавање сопствена држава:

Македонија го чествува Илинден – празникот што ги поврзува востанието во 1903 година и Првото заседание на АСНОМ.

Македонија денеска го одбележува 2 Август – Илинден, еден од најзначајните датуми во македонската историја и празник што ги обединува двата темелни настани во борбата за национално ослободување и создавање сопствена држава: Илинденското востание и Крушевската Република од 1903 година и Првото заседание на АСНОМ од 1944 година.

Годинава се навршуваат 123 години од Илинденското востание и 82 години од одржувањето на Првото заседание на Антифашистичкото собрание на народното ослободување на Македонија – АСНОМ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево и многу топло

Според Управата за хидрометеоролошки работи продолжува топлото време во Македонија и за Илинден.

Денес времето ќе биде сончево и топло со мала локална облачност. Ќе дува слаб до умерен ветер од југоисточен правец.

Минималната температура ќе биде во интервал од 9 до 18, а максималната ќе достигне од 33 до 39 степени.

Во Скопје, сончево и топло со слаб ветер од променлив правец. Минималната температура ќе се спушти до 18, а максималната ќе достигне до 38 степени.

ВРЕМЕТО ВО НАРЕДНИТЕ ДЕНОВИ

Под влијание на топла воздушна маса од југ во деновите од продолжениот викенд и

до крајот на следната седмица времето ќе биде сончево и многу топло со мала до

умерена локална облачност. Дневната температура насекаде ќе биде над 33°C, а на

некои места ќе надмине 40°C. Високи температури ќе се задржат и во текот на

ноќните часови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 2. август 2026 година

Дневен хороскоп за недела, 2. август 2026 година.

Лав 23.7-22.8.

Љубов

Ако денеска се обидете да го збогатите својот љубовен живот , преку некоја своја креативна идеја , тоа нема многу да успее.

Кариера

Ќе уживате во бавното темпо на работа. Некои дури и ќе претераат во опуштање. Добро е да се работи без стрес , но треба добро да се сработи.

Здравје

Немојте толку да се плашите.

Девица 23.8.-23.9.

Љубов

Додека вие се трудите да бидете љубезни и да го одржувате балансот и мирот во врската, од внатре ќе чувствувате сомнеж.

Кариера

Објективно , не сте лоши и другите ве поддржуваат во работата , но без особен апричина некој од колегите би можел да биде деструктивен.

Здравје

Издржете.

Вага 24.9.-23.10

Љубов

Конечно влегувате во поконструктивен љубовен период , кога критиките на ваша сметка се забораваат. Радувајте се.

Кариера

Ќе бидете фокусирани на луѓе и дружби , така што за работа нема многу да размислувате . Ќе работите автоматски.

Здравје

Ќе се снајдете.

Шкорпија 24.10-22.11.

Љубов

Некои можеби ќе почнат да размислуваат за личност што ја познаваат од работа. Нема да бидат сигурниз а што точно станува збор.

Кариера

Мислите за работа ќе доаѓаат сами по себе , но ќе бидат смирени , позитивни и амбициозни. Денот е добар за на мир да се направат нови планови.

Здравје

Барем на момент заборавете на се.

Стрелец 23.11.-21.12.

Љубов

Малку нешта може да ви попречат во овој момент на вашиот љубовен пат. Се се развива на добро , а вие сте задоволни.

Кариера

Денеска не ги слушајте пријателите ако ви дадат свое мислење за една ваша деловна идеја. Нема да ве разберат.

Здравје

Наспијте се .

Јарец 22.12.-20.1.

Љубов

И денеска е можно убаво да се забавувате и да бидете гостин на атрактивна забава. Саканата личност ќе биде покрај вас.

Кариера

Оние кои сакаат спорт , ќе се најдат на напнат натпревар.Другите ќе уживаат , малку ќе работат , а малку ќе се забавуваат.

Здравје

Време е за повеќе вежбање.

Водолија 21.1.-19.2.

Љубов

Не очекувајте премногу од денешниот ден. Добар е за пребарување по спомени , но без конечни заклучоци.

Кариера

Ќе размислувате дали и колку ве сака шефот , какви ви се односите со соработниците и дали си ја сакате работата.

Здравје

Преспијте до утре , па донесете одлука.

Риби 20.2.- 20.3.

Љубов

Ќе бидете популарни и прифатени во секое друштво. Ако уште сте сами , излезете меѓу луѓе , па макар само на кафе.

Кариера

Денеска би можеле да добиете информација за еден ваш успех за кој сите ќе слушнат. Ќе ви биде мило.

Здравје

Држете се до својот план.

Овен 21.3-20.4.

Љубов

Ако имате потреба денот да го поминете сами , направете го тоа. Ако сакате да се поверите на близок пријател , и тоа е добро. Но , не очекувајте љубовен жар.

Кариера

Може само да бидете среќни што денеска немате многу работа , зашто не сте во топ форма. Одработете го она што го морате и опуштете се со содржини што ги сакате.

Здравје

Не размислувајте премногу.

Бик 21.4- 20.5.

Љубов

Веројатно ќе почувствувате дека може да уживате во ссосема обични работи и дека покрај љубов не вио се потребни атракции.

Кариера

Потрудете се добро да ги организирате работните часови , за подготвени да го дочекате она што доаѓа и да имате нергија да го завршите.

Здравје

Останете смирени.

Близнаци 21.5.-21.6.

Љубов

Ќе сакате да најдете решение по секоја цена , а токму таквиот приод нема да донесе резултати. Ви преостанува само да чекате.

Кариера

Веројатно ќе го почувствувате новиот бран енергија , поради што ќе изгледате поактивно и позитивно кон работата.

Здравје

Продолжете да работите.

Рак 22.6-22.7.

Љубов

Мало вознемирување поврзано со вашето семејство накратко ќе ве потресе , но вашата врска и натаму е квалитетна.

Кариера

Одвнатре ќе бидете нетрпеливи за да ги докажете своите проценки , но сепак цел ден ќе мора да слушате други.

Здравје

Мал душевен немир.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.