Заврши 20. Меѓународен фолклорен фестивал „Свети Јоаким Осоговски" - Канал 5

Култура

Заврши 20. Меѓународен фолклорен фестивал „Свети Јоаким Осоговски"

Со настапот на учесниците од шесте држави учеснички и доделување на благодарници беше заокружено 20. издание на Меѓународниот фолклорен фестивал „Свети Јоаким Осоговски" во организација на Центарот за култура во Крива Паланка.

Заврши 20. Меѓународен фолклорен фестивал „Свети Јоаким Осоговски"

На трите фестивалски вечери настапија ансамбли и фолклорни друштва од земјава, Црна Гора, Србија, Турција, Северен Кипар и Романија, а градот под Осоговието беше културна сцена исполнета со разновидни фолклорни и етнолошки елементи, носии, народни инструменти, песни и ора од богатото културно наследство на државите - учеснички.

Беше организиран и свечен прием на делегации од друштвата од страна на градоначалникот на Крива Паланка, Сашко Митовски, кој им се заблагодари за нивниот придонес во реализацијата на фестивалот што ја промовира македонската култура и традиција, но и веќе две децении е дом на различни култури од Европа и светот.

По настапот на фолклорните друштва, публиката уживаше во настапот на Андријана Јаневска и „Митан проект".

Синоќа беше означен и крајот и на тридневната манифестација „Шопско село" - фестивал на занаети, ракотворби и традиционална храна од шопскиот регион, што се одржа во кејот на Крива Река.

Тагови: Свети Јоаким Осоговски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Опозициски пратеник во Албанија украде доверлив документ поврзан со воениот договор меѓу Албанија и САД

Во албанскиот парламент се случи  вистински хаос откако опозициски пратеник одзема доверлив документ поврзан со воениот договор меѓу Албанија и САД, по што следуваше  драматична потера низ собраниската зграда.

Опозициски пратеник во Албанија украде доверлив документ поврзан со воениот договор меѓу Албанија и САД

На социјалните мрежи случката ја споредуваат со сцени од култната британска комедија „Летечкиот циркус на Монти Пајтон“.

На видеоснимка што се прошири на интернет се гледа како опозицискиот пратеник зема доверлив документ поврзан со воениот договор меѓу Албанија и Соединетите американски држави, по што се обидува да го напушти местото.

На снимката се гледа како пратеникот трча низ парламентот со документот во рацете, додека по него трча секретарката на Собранието во обид да го запре.

Додека трае потерата таа паѓа по скалите.инцидентот предизвика бројни реакции, а снимката за кратко време стана вирална на социјалните мрежи.

Тагови: Албанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Првиот регистриран случај од западно-нилска треска годинава во Европа е во Македонија, досега има 8 заболени

Оваа година заклучно со вчера, во Mакедонија се регистрирани осум случаи на Западно-нилска треска, стои во новиот извештај на Институтот за јавно здравје. 

Првиот регистриран случај од западно-нилска треска годинава во Европа е во Македонија, досега има 8 заболени

Од регистрираните случаи, седум се водат како потврдени, а еден како веројатен.

„Регистрирани се шест автохтони случаи од Скопје и од Велес и еден случај од Скопје со историја на патување во Грција, но инку-бацискиот период покрива и престој во Македонија.

Почетокот на симптомите кај 5 лица од заболените е регистиран во месец јули. Кај два случаи почетокот на симптомите е во јуни, а кај еден случај во мај“, пишува во извештајот од Институтот.

Според Европскиот центар за превенција и контрола на болести, од почетокот на сезоната на пренос од оваа година, а заклучно со 22 јули, идентификувани се 35 региони погодени од вирусот на Западно-нилска треска.

Во шест земји во европа овие региони се наоѓаат во Италија , Грција Романија, Македонија, Шпанија и Франција.

Во оваа сезона, кај луѓе во европскиот регион, првиот регистриран случај е од Македонија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Мастантуоно оди на позајмица во Бенфика?

Шпанскиот фудбалски гигант Реал Мадрид го испраќа талентот Франко Мастантуоно на калење во Бенфика?

Мастантуоно оди на позајмица во Бенфика?

Младиот фудбалер на Реал Мадрид, Франко Мастантуоно, би можел да го напушти клубот ова лето и да замине на позајмица.

Бенфика се спомнува како голем фаворит за неговиот потпис. Мастантуоно има само 18 години и не успеа да избори поголема минутажа по доаѓањето од Ривер Плата за вртоглави 45.000.000 евра.

Со доаѓањето на Јан Диоманде од Лајпциг, дополнително ќе се заостри конкуренцијата на позицијата десно крило.

Затоа Мадрид и Жозе Мурињо сакаат да му најдат клуб каде што би играл редовно. Очигледно, покрај Бенфика, заинтересирани се и Фулам и Фиорентина, но португалскиот клуб има предност бидејќи игра во европските натпреварувања.

Реал верува дека позајмицата би можела да има ефект сличен на оној од престојот на Ендрик во Лион минатата сезона, каде што Бразилецот доби минути за развој и имаше добри настапи.

Тагови: Реал Мадрид

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер