Завршен митинг на Движењето ЗНАМ: Куманово да продолжи да се менува - Канал 5

Македонија

Завршен митинг на Движењето ЗНАМ: Куманово да продолжи да се менува

Димитриевски рече дека се подготвени за победа во недела.

Завршен митинг на Движењето ЗНАМ: Куманово да продолжи да се менува

Кумановци да дадат глас и да ги поддржат проектите со кои Куманово продолжува да се менува, повикаа на завршниот митинг вечерва во НУЦК „Трајко Прокопиев“ во Куманово кандидатот за градоначалник Максим Димитриевски и носителката на советничката листа на Куманово Ивана Ѓорѓиевска од Движењето ЗНАМ – За Наша Македонија.

Димитриевски рече дека се подготвени за победа во недела. Во говорот се задржа на средбите со различни категории кумановци кои понудиле нови идеи, како што рече, дел го критикувале, слушнале различни приказни, пофалби. Програмата, рече тој, е создадена од граѓаните за граѓаните, укажувајќи дека неговата мисија е да најде решение за заедничките проблеми.

Градот, кажа Димитриевски, има секогаш потреби, но работата на градоначалникот е да ги има проблемите се помалку и помалку. Тој посочи дека изминативе години се реализирани 800 проекти, дека Куманово почнува да се развива со зоната во која инвестира германската „Лидл“, но и бројни компании од странство и од земјава.

-Никој повеќе никогаш нема да дозволам да ни каже дека ние сме пропаднат град и пропадната економија, туку сме град којшто отвора нови перспективи во Куманово, не само во индустриските зони денес никнуваат и нови фабрики од типот на „Дрекслермаер“, воведен е бесплатен превоз. Ќе ја раздвижиме економијата, ќе ја вративме гордоста на Куманово, истакна Димитриевски.

Тој кажа дека промената не се гледа само по улиците, парковите, насмевките на граѓаните, најави проекти со кои ќе се задржат младите во Куманово.

- Секој пат кога некој се обидуваше да не сопре, ние добивавме нов мотив, нов поттик и продолжуваме заедно напред. Тие не газеа, а и толчеа, а ние со упорност продолжуваме заедно напред и победувавме, кажа Димитриевски.

Кандидатот на ЗНАМ нагласи дека „Куманово заслужува и нови алтернативи, нови подвизи, народот копнее по нови резултати“.

Најави изградба на плоштад и административна зграда за општината кај „Чоробенско Ќоше“, враќање на сјајот на „Пионерски дом“, три градинки, подземна и надземна инфраструктура, бесплатен превоз за сите.

Тој кажа дека од најзадолжена општина, Куманово сега е град со визија. Зборувајќи за урбанизам, рече дека нема да се градат згради како во минатото, туку плански и со обезбеден паркинг.

Димитриевски посочи дека се реконструрани 16 училишта и најави дореконструкција на останатите. Кажа дека со сегашната Влада има одлична соработка во реализација на проектите.

- По примерот и на спортската сала, но и на Соколана, и тука ќе имаме една успешна приказна, следува целосна реконструкција, нашите булевари и примарните улици во градот добро уредени површини и пешачка зона за пешаците во Куманово. Најстарите точки во градот, градската џамија, старата црква „Свети Никола“ и новата црква којашто е зад нас, треба да бидат модерни урбани скверови, модерни шеталишта изградени со вистински материјал којшто не само ќе потсетува на стариот амбиент на Куманово, рече Димитриевски.

Повика кумановци да го поддржат и него и советничката листа „за градот да продолжи да се менува“.

Носителката на листата на советници Ивана Ѓорѓиевска кажа дека изминативе недели имала искрени разговори со кумановци, најави дека Куманово ќе продолжи да се менува.

- Верувајте ми, секој збор што го слушнавме станува наша обврска, Куманово продолжува да се менува и тоа не е само ветување, тоа е факт, кажа Ѓорѓиевска.

Додаде дека во изминатите години како претседателка на Совет биле во функција на потребите на кумановци и дека со нејзините колеги не ветувале празни зборови туку реализирале дела.

- Куманово да биде град по мерка на човекот, рече Ѓорѓиевска која ја предводи листата на Движењето ЗНАМ-За наша Македонија во Куманово.

Најави повеќе проекти од различни сфери - инфраструктура, образование, социјала, укажувајќи дека „Куманово не е место и начин на живеење, тој е срце што чука“. Ѓорѓиевска побара поддршка за кандидатот за градоначалник и за листата која ја предводи.

Тагови: Движењето ЗНАМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Познато е колку Том Холанд би можел да заработи на новиот Спајдермен

Том Холанд би можел да заработи помеѓу 20 и 25 милиони долари за својата улога во филмот "Spider-Man: Brand New Day" .

Познато е колку Том Холанд би можел да заработи на новиот Спајдермен

Оваа сума ја вклучува основниот хонорар и бонусите поврзани со заработката од бокс-офисот. Новиот акционен хит во режија на Дестин Даниел Кретон веќе го сруши американскиот рекорд на филмот „Avengers: Endgame“ за заработка во текот на првиот викенд од објавувањето, пишува „The Hollywood Reporter“.

YouTube video

Патот на Холанд до мултимилионски хонорар

Кога актерот се приклучи на кинематографскиот универзум на Марвел во „Captain America: Civil War“ во 2016 година, тој заработи околу 250.000 долари, според „CheatSheet“. После тоа, неговиот хонорар брзо растеше.

За „Spider-Man: Homecoming“ во 2017 година, тој доби 1,5 милиони долари, од кои 500.000 долари беа фиксен хонорар, а остатокот беа бонуси. Две години подоцна, тој заработи 4 милиони долари за „Far From Home“, додека се проценува дека добил околу 10 милиони долари за „No Way Home“ од 2021 година.

Филмот веќе надмина 1 милијарда долари приходи

„THR“ вчера објави дека „Brand New Day“ веќе надмина 1 милијарда долари приходи во кината ширум светот. „Sony Pictures“ потврди дека филмот, во кој глумат и Зендаја и Сејди Синк, заработил 1,05 милијарди долари за само шест дена од објавувањето. Ова го прави само втор филм во историјата што го сторил тоа за толку краток временски период.

Филмот „Avengers: Endgame“ заработил 1,2 милијарди долари ширум светот во својот прв викенд во април 2019 година. „Sony“ истакнува дека новиот „Спајдермен“ го срушил американскиот рекорд на „Endgame“, кој изнесувал 357,1 милиони долари. Сепак, „Endgame“ сè уште го држи светскиот рекорд за заработка во првиот викенд, со 1,2 милијарди долари, додека „Brand New Day“ заработил 932 милиони долари во истиот период.

Извор: Индекс.хр

Тагови: Спајдермен Том Холанд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Во Ново Село Организираната криминална група прати насилници да ги тепаат младите - затоа што се плашат од вистината!

Во Ново Село денеска мирни млади социјалдемократи го пречекаа Христијан Мицкоски со едноставна порака, Гостивар се труе, вие сте виновни.

СДСМ: Во Ново Село Организираната криминална група прати насилници да ги тепаат младите - затоа што се плашат од вистината!

Мирно. Културно. Без насилство.

Одговорот на организираната криминална група беше класичен: пратија околу десетмина да им се закануваат, да ги нападнат и да ги замолчат.

Меѓу нив и шофер на градоначалникот на Ново Село, Наско Димитриев.

Вчера поднесуваа кривични пријави за навреда.

Денеска праќаат насилници.

Ова е нивото на власт што ја води Мицкоски.

Кога нема аргументи - праќаат луѓе да тепаат.

Кога нема резултати - шират страв.

Кога народот прашува за труењето во Гостивар - тие напаѓаат млади.

Мицкоски ја загуби контролата.

Се плаши од вистината.

Се плаши од народот.

Се плаши од младите.

Затоа што младите не се купуваат со лаги.

Не се плашат од закани.

И не молчат додека цела Македонија се труе.

СДСМ бара од МВР веднаш да ги идентификува и уапси сите учесници во нападот.

Сите до еден. Без селективност. Без заштита.

А на младите социјалдемократи им порачуваме јасно:

Не сте сами!

Нема да ве замолчат.

Борбата против насилството и криминалната власт продолжува.

Народот е буден.

И стравот веќе не е на нивна страна.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Тигрицата Умит се врати во дивината, нова надеж за загрозен вид (ВИДЕО)

Тигар е пуштен во дивината. Само по себе, ова можеби не би била толку возбудлива вест ако не беше фактот дека станува збор за женка од загрозениот Амурски тигар која е вратена во дивината на Казахстан.

Тигрицата Умит се врати во дивината, нова надеж за загрозен вид (ВИДЕО)

Животното, по име Умит (Надеж), е пуштено во природниот резерват Иле-Балхаш во регионот Алмати, каде што луѓето целосно ги истребија овие прекрасни предатори пред неколку децении. Резерватот е основан со една цел - да стане дом за овие големи животни.

Уникатниот проект за враќање на тигрите во нивното историско живеалиште го води Министерството за екологија на Казахстан во соработка со рускиот Центар за Амурски тигри.

Тигрицата Умит е втората женка што пристигна во областа. Првата беше пуштена пред две години откако пристигна од Холандија. Таа пристигна во резерватот со мажјак, а парот е сè уште во голем ограден простор и сè уште не е целосно слободен во природа.

Умит, сепак, е поинаква приказна. Таа пристигна од територијата Хабаровск на рускиот Далечен Исток. Таа беше придружувана од мажјак по име Амур, како и две младенчиња - Туран и Усури. Сите тие се дел од популацијата на амурски тигри од Русија и беа веднаш ослободени.

Амурскиот тигар, познат и како сибирски тигар, е најголемиот предатор мачка во светот. Возрасните мажјаци можат да тежат повеќе од 300 килограми и да достигнат должина од речиси три метри. Овој исклучително издржлив предатор може да преживее температури и до минус 40 степени Целзиусови благодарение на густото крзно и дебелиот слој маснотии на стомакот.

Во текот на изминатиот век, луѓето речиси целосно го истребија овој вид во дивината поради ловокрадство и уништување на шумите. Затоа, секој нов тигар пуштен во дивината е голем чекор кон опстанокот на едно од најзагрозените животни на планетата.

Целта на еден голем проект во Казахстан е да се создаде самоодржлива популација од 100 до 120 тигри во текот на следната деценија.

Извор: Б92

Тагови: тигар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер