Македонија

Затворена скопската зоолошка градина поради птичји грип кај угината гуска

Наместо полно плато со дечиња во редица кои исчекуваат да влезат и да ги видат животните, денеска граѓаните налетаа на затворена врата каде што ги пречека ова известување кое што вели поради техничко оперативни работи дека зоолошката не работи

А, позади затворената врата десетина вработени од АХВ облечени во скафандери и со маски со пушки усмртија 35 птици, а дел од нив живи ги складираа во канти за отпадоци, што може да се види од видеата што ги испратија од ЗОО - Скопје

Атмосфера – пукање, фрлање и фаќање на гуски

Од АХВ преку соопштение информираа дека причината за ваквата постапка е детектиран високопатоген птичји грип Х5Н1 кај угината гуска што била пронајдена мртва во езерцето во Зоолошката... Според протоколите, зоолошката ќе остане затворена за посетители три недели започнувајќи од денеска, период во кој ќе се врши дезинфекција, испитување на другите птици и зголемување мерките за да се спречи ширењето на вирусот.

Во текот на денешниот ден од страна на надлежен официјален ветеринар спроведен е надзор во Зоолошката градина и наредени се мерки за надзор на болеста, а извршено е хумано убивање и нештетно отстранување на следните видови птици: 24 патки, 6 гуски, 5 кокошки и една чавка која била присутна на локацијата. Наредени се мерки согласно законот за ветеринарно здравство и правилникот за мерки за сузбивање и искоренување на болеста Авијарна инфлуенца. – АХВ

Од ЗОО Скопје пак остро реагираа за денешното случување и најавија кривични пријави за директорот на АХВ и оние, како што велат кои упаднале во зоолошката без никаков налог, решение или доказ и маскарирале птици.

Без образложение, овие лица по наредба на директорот на АХВ, а без доказ до овој момент убија десетици птици кои слободно се шетаа во зоолошката градина. Станува збор за украсни видови на шатки и гуски кои живеат во градскиот парк, а имаат природен пристап во зоолошката градина од градскиот парк. Целта на оваа секташка политика е да се предизвика нов измислен проблем и да се обезбеди алиби за затваре на ЗОО Скопје со цел наштетување на угледот. – Стои во соопштението на ЗОО – Скопје.

Пред зоолошката градина беше и зооактивистиот и советник во Град Скопје – Стефан Кирков, кој вели дека уште пред неколку дена угинале неколку птици кои се однесени на испитување во АХВ. Додека пак екс-директорот на ова институција – Ѓорѓи Галетановски, вели се надева дека биле запазени сите протоколи.

Последните случаеви на појава на овој вид птичји грип, АХВ ги регистрирала пред 2 години, во виничко, штипско и скопско Злокуќани.. од таму велат дека станува збор за болест предизвикана од вирусот на грип/инфлуенца тип „A“, која може да предизвика големи загуби во живинарската индустрија и ограничувања во увозот и извозот на живи птици и производи од живина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Шукова: ВМРО ги излажа граѓаните - наместо подобра преговарачка рамка и напредок кон ЕУ, донесе застој и изолација

ВМРО пред две години им ветуваше на граѓаните поништување на Преспанскиот договор, репреговарање на Преговарачката рамка и подобри услови за Македонија, денес, по две години власт, нема ниту резултати, ниту конкретен план како понатаму.

ВМРО пред две години им ветуваше на граѓаните поништување на Преспанскиот договор, репреговарање на Преговарачката рамка и подобри услови за Македонија, денес, по две години власт, нема ниту резултати, ниту конкретен план како понатаму, потенцираше рече претседателката на Форумот на жени на СДСМ, Каја Шукова, во емисијата „Само вистина“ на Канал 5.

„Она што гледаме е дека ВМРО, не знае да носи државнички одлуки, ги гледа само своите и интереси, а најмалку интересите на граѓаните. ВМРО беа тие кои велеа дека ќе го укинат Преспанскиот договор и на граѓаните им ветуваа подобра преговарачка рамка. Ветуваа многу работи на граѓаните и во рок од овие две години ништо не е исполнето, порача Шукова, додавајќи дека Владата не само што не ги реализира ветувањата, туку државата ја држи во место без јасна стратегија и резултати.

Во дебатата Шукова посочи дека Владата избегнува да зборува за реалните резултати и реализацијата во делот на реформите и Планот за раст, каде што Македонија не успеа да ги исполни обврските во предвидените рокови.

„Иако Владата се пофали со исплатата на средства од Планот за раст, фактите покажуваат дека Македонија доби само 65,7 милиони евра, значително помалку од износот што можеше да го добие доколку навремено ги спроведеше предвидените реформи. Наместо целосна реализација на реформската агенда и повлекување на над 100 милиони евра предвидени средства, државата остана без значителен дел од финансиската поддршка поради неисполнетите обврски“, рече Шукова.

Таа додаде дека Владата пласира само половина од вистината, премолчувајќи дека државата не ги реализирала реформите што се предуслов за целосна исплата на средствата. Шукова потсети дека реализацијата на реформската агенда сериозно доцни.

„Од 10 системски закони ко ишто требаше да се донесат се донесени само два. Не се почитува временската рамка. Впрочем и заради тоа државата не ги спроведува реформите и ги губи парите кои што може да ги добие од Европската Унија“, нагласи Шукова.

Скопје, 17.06.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Орце Ѓорѓиевски: Кејот на реката Вардар добива нов и поуреден изглед

Кејот на реката Вардар добива нов и поуреден изглед со поставување нова урбана опрема, во насока на подобрување на условите за престој, рекреација и спорт на граѓаните.

На оваа една од најпосетуваните локации во Скопје се поставени нови клупи и корпи за отпадоци, со што просторот станува почист, пофункционален и попријатен за сите посетители.

Паралелно продолжуваат редовното одржување на кејот и активностите за чистење на коритото на реката Вардар на територијата на Град Скопје.

Со конкретни активности и инвестиции во јавните простори, продолжуваме да го уредуваме градот во согласност со потребите и очекувањата на граѓаните.

Град Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Осум години од потпишувањето на договорот од Преспа

Пред осум години, на 17 јуни 2018 година, во малото грчко село Нивици, на брегот на Преспанското езеро на грчка територија, Скопје и Атина го потпишаа Договорот од Преспа, со кој беше ставен крај на долгогодишниот билатерален спор меѓу двете з

Со договорот, Македонија го смени уставното име, а Грција го призна македонскиот јазик и идентитет, по што станавме и членка на НАТО.

Сепак, референдумот организиран на 30 септември 2018 година не беше успешен, бидејќи не беше достигнат потребниот цензус од над половина од вкупниот број запишани избирачи..По ратификацијата во двата партламенти, Договорот од Преспа на 12 февруари 2019 и официјално стапи на сила.. Македонија потоа стана 30 -та земја членка на НАТО. Но не и на Европската унија иако токму спорот со името години наназад беше испорачуван како услов за почеток на преговорите со Европската унија

И покрај промените на власта во двете земји, договорот остана на сила и во изминатите години придонесе за засилена соработка во повеќе области, меѓу кои економијата и енергетиката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.