Македонија

Затворена скопската зоолошка градина поради птичји грип кај угината гуска

Наместо полно плато со дечиња во редица кои исчекуваат да влезат и да ги видат животните, денеска граѓаните налетаа на затворена врата каде што ги пречека ова известување кое што вели поради техничко оперативни работи дека зоолошката не работи

А, позади затворената врата десетина вработени од АХВ облечени во скафандери и со маски со пушки усмртија 35 птици, а дел од нив живи ги складираа во канти за отпадоци, што може да се види од видеата што ги испратија од ЗОО - Скопје

Атмосфера – пукање, фрлање и фаќање на гуски

Од АХВ преку соопштение информираа дека причината за ваквата постапка е детектиран високопатоген птичји грип Х5Н1 кај угината гуска што била пронајдена мртва во езерцето во Зоолошката... Според протоколите, зоолошката ќе остане затворена за посетители три недели започнувајќи од денеска, период во кој ќе се врши дезинфекција, испитување на другите птици и зголемување мерките за да се спречи ширењето на вирусот.

Во текот на денешниот ден од страна на надлежен официјален ветеринар спроведен е надзор во Зоолошката градина и наредени се мерки за надзор на болеста, а извршено е хумано убивање и нештетно отстранување на следните видови птици: 24 патки, 6 гуски, 5 кокошки и една чавка која била присутна на локацијата. Наредени се мерки согласно законот за ветеринарно здравство и правилникот за мерки за сузбивање и искоренување на болеста Авијарна инфлуенца. – АХВ

Од ЗОО Скопје пак остро реагираа за денешното случување и најавија кривични пријави за директорот на АХВ и оние, како што велат кои упаднале во зоолошката без никаков налог, решение или доказ и маскарирале птици.

Без образложение, овие лица по наредба на директорот на АХВ, а без доказ до овој момент убија десетици птици кои слободно се шетаа во зоолошката градина. Станува збор за украсни видови на шатки и гуски кои живеат во градскиот парк, а имаат природен пристап во зоолошката градина од градскиот парк. Целта на оваа секташка политика е да се предизвика нов измислен проблем и да се обезбеди алиби за затваре на ЗОО Скопје со цел наштетување на угледот. – Стои во соопштението на ЗОО – Скопје.

Пред зоолошката градина беше и зооактивистиот и советник во Град Скопје – Стефан Кирков, кој вели дека уште пред неколку дена угинале неколку птици кои се однесени на испитување во АХВ. Додека пак екс-директорот на ова институција – Ѓорѓи Галетановски, вели се надева дека биле запазени сите протоколи.

Последните случаеви на појава на овој вид птичји грип, АХВ ги регистрирала пред 2 години, во виничко, штипско и скопско Злокуќани.. од таму велат дека станува збор за болест предизвикана од вирусот на грип/инфлуенца тип „A“, која може да предизвика големи загуби во живинарската индустрија и ограничувања во увозот и извозот на живи птици и производи од живина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

АНБ: По претреси на повеќе локации во Скопје пронајдени и одземени дигитални уреди и друга електронска опрема.

Во рамките на постапката се опфатени пет лица за кои постои основано сомнение дека се извршители на кривично дело „Терористичка организација“ од член 394-а од Кривичниот законик и за истите е поднесена кривична пријава.

На 16 јуни 2026 година, во координирана акција на Агенцијата за национална безбедност и Министерството за внатрешни работи, а под раководство на Основно јавно обвинителство за гонење на организиран криминал и корупција во рамки на предистражната постапка поврзана со кривично дело „Терористичка организација“ од член 394-а од Кривичниот законик, беа извршени претреси на повеќе локации на територија на Град Скопје при што се пронајдени и одземени дигитални уреди и друга електронска опрема.

Во рамките на постапката се опфатени пет лица за кои постои основано сомнение дека се извршители на кривично дело „Терористичка организација“ од член 394-а од Кривичниот законик и за истите е поднесена кривична пријава до надлежното јавно обвинителство.

За две од лицата опфатени со кривичната пријава е определена мерка притвор, односно домашен притвор, а останатите три лица во моментот се на издржување казна затвор, односно мерка притвор во Казнено поправните установи за кривични дела поврзани со тероризам.

Наведените активности се преземени врз основа на претходно обезбедени информации од страна на Агенцијата за национална безбедност, како и информации обезбедени во рамки на меѓународната стратешка соработка.

Според информациите со кои располага Агенцијата за национална безбедност, лицата како идеолошки поддржувачи на терористичката организација „Исламска држава“ во изминатиот период спровеле активности за воспоставување конекции со медиумски пропагандни канали на споменатата организација, но и создавање на локална мрежа преку која дисеминирале екстремни и насилни наративи, со цел поттикнување на терористички активности во земјата. Како дел од групата, споменатите давале и логистичка поддршка на други лица, претходно веќе опфатени во контратерористички активности на Агенцијата.

Агенцијата за национална безбедност останува посветена на својата примарна превентивна функција да работи на ефикасно и навремено попречување на ризиците и заканите по националната безбедност, со цел заштита на уставниот поредок и безбедноста на граѓаните, стои во соопштението од Агенцијата за национална безбедност.

Тагови: АНБ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Шукер: „Гарантирам – Модриќ ќе се врати во Реал“

Легендарниот хрватски фудбалер Давор Шукер предизвика големо внимание со својата изјава дека трофејниот Лука Модриќ би можел повторно да се врати во Реал Мадрид.

Во интервју за Радио МАРКА, поранешниот голгетер и еден од најголемите хрватски фудбалери зборуваше за иднината на капитенот на хрватската репрезентација, кој се соочува со важна одлука за продолжување на кариерата летово.

На прашањето дали Модриќ ќе ја продолжи кариерата во Милано или Мадрид, Шукер интригантно одговори: „Мислам дека нешто ќе се случи со Реал Мадрид“.

Кога новинарите директно го прашаа дали верува дека Модриќ ќе се врати во кралскиот клуб, Шукер немаше никакви сомнежи. „Тој дефинитивно ќе се врати, но не знам на кој начин. Да почекаме додека не заврши Светското првенство и ќе видиме што ќе се случи“, рече Шукер.

Неговите зборови веднаш предизвикаа бројни шпекулации за тоа дали Модриќ би можел да се врати како фудбалер, тренер, клупски амбасадор или на една од функциите во спортската структура на Реал.

Сепак, поранешниот хрватски репрезентативец не сакаше да открие повеќе детали.

„Не можам повеќе да зборувам, пријателе. Да оставиме нешто за подоцна, не може сè да се каже“, одговори тој со насмевка.

Потоа Шукер ги подгреа гласините со нова изјава: „Тој сигурно ќе направи нешто со Реал Мадрид, тоа ти го гарантирам.“ На крајот, тој уште еднаш нагласи колку го цени Модриќ, кого го смета за најголем хрватски фудбалер на сите времиња.

„Тој е еден од најдобрите фудбалери во светот и, секако, најдобриот што Хрватска некогаш го имала“, заклучи Шукер. За време на својата брилијантна кариера, Модриќ остави длабока трага во Реал Мадрид - одигра 13 сезони, се појави во 597 натпревари, постигна 43 гола, освои 28 трофеи (шест Лиги на шампиони).

Сега останува само да се види дали навистина ќе се врати на Сантијаго Бернабеу по Светското првенство и во каква улога.

Тагови: Лука Модриќ Реал Мадрид

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мерц: За прв пат најдовме заеднички јазик со Трамп, тоа е вистински успех

Ова е прв пат откако претседателот Трамп го презеде мандатот да објавиме заедничка декларација на самитот на Г7 и да најдовме заеднички јазик за најважните прашања од надворешната политика и безбедноста на нашето време.

Германскиот канцелар Фридрих Мерц беше еден од првите што ја напушти салата за состаноци пред новинарите и ја пофали заедничката декларација за поддршка на Украина.

- Ова е прв пат откако претседателот Трамп го презеде мандатот да објавиме заедничка декларација на самитот на Г7 и да најдовме заеднички јазик за најважните прашања од надворешната политика и безбедноста на нашето време. Го сметам тоа за вистински успех. Тоа носи нова атмосфера, поврзана и со трансатлантското единство и решителност - рече Мерц.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.