Симион води во анкетите на јавното мислење пред првиот круг гласање во земјата, која е членка на ЕУ и НАТО, пет месеци откако претседателските избори беа поништени поради наводно руско мешање, што Москва го отфрли.

Симион се надева дека ќе профитира од широко распространетиот гнев на јавноста откако на десничарскиот кандидат Калин Георгеску, фаворитот на минатите избори, му беше забрането да се кандидира на овие избори.

Симион се противи на воената помош за соседна Украина, го критикува раководството на ЕУ и го поддржува движењето на американскиот претседател Доналд Трамп „Да ја направиме Америка повторно голема“. Како конзервативен христијанин, го поддржа неуспешниот референдум од 2018 година против склучување брак меѓу истополови партнери.

- Сосема е јасно дека е изграден силен антизападен тренд и дека правецот на Романија е во невидена опасност, изјави политикологот Кристијан Пирвулеску.

Според анкетите, Симион освојува околу 30 отсто од поддршката, што му дава убедлива предност пред двајца центристи, но сугерира дека нема да освои доволно гласови за да избегне втор круг на 18 мај.

Негови најголеми ривали се поранешниот сенатор Крин Антонеску и градоначалникот на Букурешт Никушор Дан, и двајцата центристи. И Антонеску и Дан ја поддржуваат ЕУ и НАТО, како и продолжување на поддршката за Украина.

Романскиот претседател е ограничен на два петгодишни мандати и има полуизвршна власт која вклучува командување со вооружените сили и претседавање со советот за безбедност кој одлучува за воена помош.

Претседателот ја претставува Романија на самитите на ЕУ и НАТО, може да стави вето на важни гласања во ЕУ и го именува премиерот, главните судии, обвинителите и шефовите на тајните служби.

Симион поддржа враќање на Романија во границите од 1940 година кои вклучуваат територии во Бугарија, Молдавија и Украина, каде му е забранет влезот во последните две земји.

Ако биде избран, Симион рече дека јавно ќе објави „колку земјата придонела за воените напори во Украина на штета на субвенциите за романските деца и пензиите за романските граѓани“./МИА

Како што беше објавено денеска од Стразбур, Судот на 29 април одлучи делумно да ги прифати барањата на подносителите - да издаде привремена мерка во случајот поврзан со наводната употреба на звучно оружје за контрола на собраните граѓани од страна на властите на демонстрациите на 15 март во Белград и загриженоста дека истото би можело да се користи на идни демонстрации.

Во случајот Ѓоровиќ и други против Србија (апликација бр. 8904/25), подносителите побараа Судот да издаде привремена мерка со која ќе ги обврзе српските власти да спречат употреба на звучни оружја во такви околности; да се спречи гонење на оние што учествуваа на јавната расправа на 15 март 2025 година за употребата на сонично оружје и да се спроведе ефикасна истрага за наводите дека било употребено сонично оружје.

На 29 април 2025 година, судски совет од седум судии издаде привремена мерка. Во врска со барањето на подносителите на барањето Судот укажа дека државата треба да спречи употреба на звучни оружја или слични уреди на идните протести од страна на државата и/или недржавните актери, Судот и посочи на Владата дека, до понатамошно известување, секоја употреба на звучни уреди за контрола на собраните граѓани (освен за комуникациски цели) мора да се спречи во иднина.

Судот изјави дека употребата на такво оружје за контрола на собрани граѓани е нелегална во Србија и, особено, дека може да предизвика сериозни здравствени последици за голем број луѓе.

Судот нагласи дека одлуката не значи дека зазел каков било став за тоа дали такво оружје било употребено на 15 март 2025 година и дека не го прејудицира исходот од барањето што подносителите можат да го поднесат.

Подносителите на барањето имаат рок од еден месец да поднесат барање во согласност со член 34 од Конвенцијата (право на индивидуална барање).

Барањето го поднесоа 47 српски граѓани на 24 март, со кои се бара од Судот особено да им укаже на српските власти на потребата да се спречи употребата на такви средства против демонстрантите во идните протести.

На 15 март 2025 година, подносителите на барањето учествуваа на протест во Белград. Додека тие одржаа 15-минутно молчење во спомен на оние што загинаа по уривањето на настрешницата на железничката станица во Нови Сад во ноември 2024 година, околу 19 часот гласни звуци и воздушни бранови го прекинаа собирот.

Според извештаите, подносителите на барањето доживеале интензивен инстинктивен страв, паника, шок, забрзан срцев ритам, тремор, проблеми со слухот, повраќање, гадење, тахикардија и слични симптоми. Според извештаите, некои претрпеле физички повреди во паниката што настанала. Досега, околу 4.000 луѓе ги пријавиле своите искуства од инцидентот, се вели во соопштението на Судот. /МИА

„Според неименуваниот извор, Зеленски повторил за време на состанокот дека не го признава Крим како руски, а Трамп јасно ставил до знаење дека не го бара тоа од него. Планот е Соединетите Американски Држави да го сторат тоа, а не Украина“, според извештајот на американскиот портал.

Зеленски, исто така, му рекол на американскиот лидер дека не се плаши да прави отстапки за да го заврши конфликтот, но дека за тоа ќе му требаат прилично солидни безбедносни гаранции, објавува порталот.

Зеленски ги искористил своите 15 минути со Трамп во Ватикан за да го повика да заземе поцврст став кон Путин и повторно да му биде приоритет воспоставувањето прекин на огнот, изјавиле за Аксиос два извори запознаени со прашањето.

Покрај тоа, според еден од изворите, за време на разговорот, Трамп извршил притисок врз Зеленски што е можно поскоро да потпише договор за ретки минерали меѓу САД и Украина.

„Беше тoa одличен состанок и Зеленски не сакаше да ризикува“, рече неименуваниот извор.

Разговорите во Ватикан на денот на погребот на папата Франциск дојдоа откако САД се заканија дека ќе се откажат од своите напори за посредување за воспоставување мир во Украина и откако Трамп го осуди Зеленски поради неговите коментари дека Украина нема да ја признае руската контрола врз Крим./МИА