Македонија

Заштитни паравани во основните училишта во Чаир како заштитна мерка од Ковид-19

​Во ОУ „Хасан Приштина" денеска беше промовиран проектот на Општина Чаир за поставување на 1950 заштитни паравани во 10 основни училишта на територијата на оваа општина. 

Тие, како што истакнаа општинските власти, треба да овозможат поефикасна заштита на учениците од прво до трето одделение кои наставата ја следат со физичко присуство во овој период на модифициран едукативно-образовен процес поради вирусот КОВИД -19. Вредноста на овој проект е во износ од 560.000 денари.

Целта е преку снабдување на училиштата со овој вид опрема да се подигне нивото на здравствената сигурност кај децата овозможувајќи им поефикасна заштита од опасноста од инфицирање која автоматски ќе влијае и на поквалитетниот развој на едукативно образовниот процес, рече градоначалникот на Општина Чаир Висар Гани

Министерката за образование и наука Мила Цароска смета дека во заедничка соработка на општините и Владата може да се постигнат подобри резултати во основното и средното образование во нашата држава.

– Она кое што е од исклучителна важност е дека и во време на пандемија обезбедивме континуитет на наставата за сите ученици на хибриден начин и секако оние кои се со физичко присуство успеаја училиштата заедно со родителите, учениците да ги испочитуваат протоколите и да имаме

посебно низок процент на позитивни случаи во првото полугодие. Очекувам тој тренд да се задржи и во второто полугодие заради тоа што пристапот на организирање на наставата е еднаков како во првото

полугодие и очекувам и наставниците, родителите и директорите да ги обезбедат сите соодветни услови, рече министерката за образование.

Царовска смета дека со оваа инвестиција која што Општина Чари ја прави дополнително се заштитува здравјето и на учениците и на наставниците, а со тоа, рече таа, и сигурно ќе бележиме и понизок процент на позитивни случи коишто доаѓаат од надвор во училиштата, но секако и спречување во трансмисијата на КОВИД -19 во училиштата внатре.

– Протоколите за обезбедување на заштита во спроведување на настава со физичко присуство се јасни. Тие ги исполнуваат сите училишта на територија на државата коишто работат со физичко присуство. Тие се задолжителни. Се што општините ќе направат дополнително ќе биде поздравено од Министерството. Во моментов на територијата на целата држава сите училишта го спроведуваат основниот протокол за здравствена заштита кој што е пропишан од Коисијата за заразни болести, рече таа.

Градоначалникот Ганиу истакна дека меѓу приоритетите на Општина Чаир е одржувањето на инфраструктурата на училиштата каде, вели, постојано инвестираме и како конструктивен партнер го имаме МОН и приватните донатори со кои соработуваме.

-Тука ги истакнуваме инвестициите кои ги имаме реализирано за целосната реконструкција на ОУ „Лирија" во вредност од 8 милиони денари, ОУ „Јашар Бејшкупи" во вредност од 7,5 милиони денари, во ОУ „Исмаил Ќемали"- реконструкција на кровот во вредност од 6,1 милиони денари, во ОУ „Васил Главинов" во соработка со МОН во вредност од 37 милиони денари. Инвестиција од 24 милиони денари за изградба на новата спортска сала во ОУ „Конгреси Манастири". Создавање на сензорски училници за учениците со посебни потреби во вредност од 2,2 милиони денари и многу други инвестиции, наведе Ганиу.

Сите инвестиции, појасни тој, се фокусирани зо внатрешните простори на училиштата – спортските сали, крововите, фасадите, тоалетите, создавање на сензорни училници за учениците со посебни потреби, уредување на училишните дворови, снабдување со интернет и друга соодветна опрема за потребна за реализирање на онлајн наставата. Ганиу посочи дека ќе продолжат и понатаму со пристапот на интензивно исполнување на потребите на училиштата и иновативното интервенирање за унапредување на едукативно образовниот процес бидејќи, нагласи, од овие места на знаењето зависи здравата иднина на нашата држава./МИА

Свет

Ужас во Аризона: Татко си ги пронашол двете тригодишни близначки удавени во базен

Полицијата ги објави имињата на близначките кои трагично загинаа откако нивниот татко ги извлекол нивните безживотни тела од базенот во дворот.

Тригодишните девојчиња, Валентина и Пеналапи Руиз, починале во четвртокот во болница во Феникс, Аризона, соопштија официјални лица, пишува Daily Mail..

„Прелиминарните информации сугерираат дека дошло до случајно давење“, соопшти вчера полицијата.

„Во овој момент, нема ништо што откриле иследниците што изгледа сомнително“, рече пожарникарот на Феникс, Роб Мекдејд, за таткото на близнаците кој се јавил на 911.

Мекдејд додаде дека децата биле под вода „неодредено време“ пред да пристигне помошта околу 15:30 часот во четвртокот.

Девојчињата биле итно пренесени во блиската болница каде што биле прогласени за мртви, соопштија официјални лица.

Воздушните снимки од домот покажале базен во облик на бубрег што немал ограда околу него.

Свет

Расте бројот на жртвите во поплавите во Бразил- најмалку 57 загинати, 67 исчезнати (ВИДЕО)

Бројот на загинати од поројниот дожд во јужната бразилска држава Рио Гранде до Сул се искачи на 57, соопштија локалните власти, додека десетици се уште не се пронајдени, пренесува Ројтерс.

Цивилната заштита на Рио Гранде до Сул соопшти дека 67 лица се уште се водат како исчезнати, додека повеќе од 32.000 луѓе се раселени поради невремето, кое зафати речиси две третини од 497-те градови во државата, која граничи со Уругвај и Аргентина.

Поплавите уништија патишта и мостови во повеќе региони во земјата. Невремето предизвика и лизгање на земјиштето и делумно уривање на брана во мала хидроцентрала. Друга брана во градот Бенто Гонкалвес исто така е во опасност од уривање, соопштија властите.

Во Порто Алегре, главниот град на Рио Гранде до Сул, езерото Гуаиба се излеа, поплавувајќи ги улиците. Меѓународниот аеродром во Порто Алегре ги укина сите летови на неодредено време.

Во следните 36 часа се очекуваат врнежи од дожд во северните и североисточните предели на државата, но количината на врнежи се намалува и би требало да биде далеку под врвот забележан претходно оваа недела, соопшти државната метеоролошка служба.

Сепак, „нивото на водата во реките треба да остане високо неколку дена“, изјави денеска гувернерот Едуардо Леите во видеото на неговите социјални мрежи, додавајќи дека е тешко да се каже колку долго.

Рио Гранде до Сул се наоѓа на географската точка меѓу тропската и поларната атмосфера, што создава метеоролошка шема со периоди на интензивен дожд и други со суша.

Локалните научници веруваат дека оваа шема се интензивира поради климатските промени.

Обилните дождови веќе го погодија Рио Гранде до Сул во септември минатата година, кога екстратропски циклон предизвика поплави во кои загинаа повеќе од 50 луѓе. Ова се случи по повеќе од две години постојана суша поради феноменот Ла Ниња, со само слаби дождови.

Шоу биз

Најбогатата актерка на светот има 3 милијарди долари, но ретко кој ја знае (ВИДЕО)

Кога ќе помислите на најбогатите актерки во светот, веројатно ви паѓаат на ум познати имиња како Џулија Робертс, Сандра Булок, Анџелина Џоли или Џенифер Анистон, но големи се шансите никогаш да не сте го чуле името на најбогатата актерка на светот.

Имено, оваа титула ѝ припаѓа на американската актерка Џејми Герц, чие богатство се проценува на 3,2 милијарди долари. Ако се прашувате која е, не сте единствените затоа што изгледа дека луѓето не можат да се сетат на неа.

58-годишната ѕвезда ја започнала својата кариера во 1981 година со улога во „Бескрајна љубов“ и оттогаш се појавила во голем број филмови, вклучувајќи ги „Изгубените момчиња“, „Твистер“, „Крстопат“, „Помалку од нула“, „Квиксилвер“ и „Шеснаесет свеќи“.

Покрај тоа, таа се појави во хит сериите Seinfeld, The Neighbors, Modern Family и This is Us, а неодамна глумеше во филмот „I Want You Back“ од 2022 година, но таа ретко се појавува на екранот.

Сепак, нејзиното богатство не се должи само на нејзината актерска кариера. Актерката е во брак со милијардерот и инвеститор Тони Реслер, со кого е косопственик на НБА тимот Атланта Хокс. Имаат четири деца, а интересно, кога се венчале во 80-тите, Џејми била хранителка бидејќи компанијата на нејзиниот сопруг пропаднала, но тој подоцна се опоравил и заработил милијарди.

Инаку, официјално најбогатата актерка на светот е холивудската ѕвезда Дина Мерил, чие богатство се проценува на 5 милијарди долари. Мерил починала во 2017 година, со што Џејми сега стана најбогатата жива актерка на светот.

притисни ентер