Балкан

Започнува вакцинација на добитокот во Република Кипар по зголемениот број случаи на шап и лигавка

Ветеринарните служби во Република Кипар денеска се очекува да започнат со вакцинација на добитокот за шап и лигавка, поради зголемениот број случаи регистрирани во 11 сточарски фарми со погодени околу 14.000 животни.

Според кипарските медиуми, станува збор за гигантска програма за вакцинација што ќе започне од регионот на Ларнака, односно онаму каде што се регистрирани случаите и постепено ќе се прошири низ целата територија на земјата.

Лидерот на кипарските Турци Туфан Ерхурман на вчерашната средба со кипарскиот претседател Никос Христодулидис се осврна и на болеста кај добитокот, посочи дека по добиеното барање за испраќање 20 илјади дози вакцини, денеска ќе стигнат 10 илјади, а останатите 10 илјади за неколку дена ќе бидат во Република Кипар и нагласи дека станува збор за заеднички проблем на островот и дека постои ризик од зараза од двете страни.

Од Европската Комисија за кипарската новинска агенција ЦНА посочиле дека ќе обезбедат секаква можна поддршка, во периодот од 24 до 27 февруари тим експерти на ЕУ ќе бидат во земјата, но и дека во наредните денови ќе бидат испратени 529.000 дози вакцини.

Исто така додаделе дека извозот на животни чувствителни на шап и лигавка и на непреработени производи од животинско потекло кон трети земји привремено се суспендира, но дека сепак, постои можност за отстапки кога станува збор за млеко и млечни производи што поминале термичка обработка, а како пример го споменале кипарското сирење халуми, што преку пастеризација може да се извезува за пазарот на ЕУ.

Вчера попладне, како што информираа од Министерството за земјоделство, земјоделски развој и животна средина на Кипар, бил одржан широк состанок со цел оперативна координација и зајакнување на мерките за справување со случаите на шап и лигавка.

Посочија дека досега се регистрирани случаи во 11 сточарски фарми во четири области при што се погодени околу 14.000 животни (говеда, свињи, овци и кози) и „во согласност со предвидените протоколи веќе е започната постапката за усмртување и закопување на заразените животни, а во погодените области се поставени системи за дезинфекција и се применуваат строги мерки на биолошка безбедност“.

На состанокот било одлучено да се активира и посебен национален план за справување со состојбата и отворање 24-часовен Центар за управување со кризни состојби.

- Основен приоритет останува ограничувањето на случаите во веќе погодените подрачја, строго регулирање на движењето во сточарските зони и засилување на надзорот, со цел ефикасно да се спречи понатамошно ширење на болеста. Надлежните служби остануваат во постојана оперативна готовност и продолжуваат со потребните активности за ефикасно управување со состојбата, со цел брзо сузбивање на случаите и обезбедување на сточарското производство и економската стабилност, соопштија од надлежното Министерство. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Владата гради посилна економија, просечната нето-плата зголемена за скоро 8000 денари

Владата предводена од ВМРО-ДПМНЕ покажува дека економската политика дава резултати. Стандардот на граѓаните постојано се подобрува, а платите континуирано растат.

Македонската економија бележи стабилен раст веќе 7 квартали по ред, со БДП од 3%, што е јасен показател дека земјата е на вистинскиот пат.

Резултатот на конкретната и посветена политика на Владата ги става граѓаните на прво место, се покачија платите на просветните работници, здравствените работници, припадниците на полицијата и одбраната.

Бројките го потврдуваат ова. Просечната нето-плата пораснала од 40.496 денари на 48.433 денари за само две години, зголемување од 19,6%. Дури и кога ќе се земе предвид поскапувањето, реалната куповна моќ на граѓаните е значително зголемена, односно платите растат побрзо од цените.

Оваа позитивна тенденција не е ограничена само на одредени сектори, раст бележат информациите и комуникациите, транспортот, рударството, недвижностите, и многу други дејности, што покажува дека напредокот е широк и го опфаќа целото општество.

Инфлацијата се стабилизира, економијата расте, а платите продолжуваат нагорна патека. И ова е само почетокот, ВМРО-ДПМНЕ останува посветена на уште подобри економски резултати во иднина.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Тендер коалицијата се префарба - стари министри, нови криминални тендери

Организираната криминална група ВМРО и нејзината тендер коалиција со ЗНАМ завршија со првичните разговори за реконструкција на Владата. Сега следуваат „финални консултации“.

Преведено на јазикот на реалноста: тендер коалицијата се префарба за да продолжи со истата политика на криминални тендери, задолжувања и изолација.

ЗНАМ, приватно здружение на Максим Димитриевски финансирано од Мицкоски, како партнер кој повеќе не постои во вистинска смисла на зборот, сега треба да се појави со „нови“ лица.

Прашањето е: кого да вметнат кога веќе нема никого? Можеби Максо? Тој е нов.

Целта на оваа реконструкција не е подобра Влада. Целта е мачкање очи на граѓаните и продолжување со криминалните тендери, зачувување на коруптивните мрежи и купување на уште малку време. Сè друго е шарена лага за граѓаните.

Додека Организираната криминална група ВМРО се занимава со преуредување на фотелји, економијата е во тешка криза.

Буџетот е пред колапс, странските инвестиции се намалени за 60%, македонските работници се со најниски плати во Европа, младите масовно ја напуштаат земјата. Нема зголемување на минималната плата на 600 евра, цените отидоа до плафон, а потрошувачката кошничка достигна 70.000 денари само за основни потреби.

Наместо да се соочат со овие проблеми, тие прават театар наречен реконструкција.

Оваа Влада не може да се реформира. Таа може само да се маскира. И токму тоа го прави сега - со нови министри од истата тендер коалиција, со истите криминални практики и со истата политика која ја турка Македонија во изолација и сиромаштија.

Граѓаните не сакаат нови министри, тие сакаат крај на криминалните тендери, крај на лажењето и крај на политиката која ја уништува државата.

Оваа Влада може да доживее реформа само кога ќе се реформира правосудството, кога ќе има европско обвинителство и кога ќе одговараат за криминал и корупција.

Таа реформа ја чекаат граѓаните и тоа време набрзо доаѓа.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Рама: Албанците од Македонија на протестите во Тирана се жртви на политички каравани

Албанскиот премиер Еди Рама, го критикуваше учеството на Албанците од Косово и Македонија на протестите организирани против него на движењето „Фламинго револуција“.

Митинг беше обележан со масовно учество на Албанци од дијаспората, кои во голем број се придружија на маршот кон зградата на владата во Тирана. Рама ги критикуваше организаторите кои, според него, донеле Албанци од Приштина и од Тетово на протестите, а учесниците ги нарече „жртви на политички каравани“.

„Албанците од Македонија не се дијаспора на Албанија на туѓа територија. Заедно со Македонците, тие се составен народ во својата земја. Дијаспората се емигранти кои живеат во странски земји, а не тие, ниту Албанците од косово, кои имаат своја независна држава“, напиша Рама во објава на социјалните мрежи. Албанија 20-на дена се соочува со континуирани протести, предизвикани од контроверзен проект поврзан со планираната изградба на луксузен туристички комплекс поврзан со зетот на претседателот на Соединетите Американски Држави, Доналд Трамп, Џаред Кушнер.

Тагови: Еди Рама

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.