Започнува судењето на П Диди: Се соочува со доживотна затворска казна - Канал 5

Шоу биз

Започнува судењето на П Диди: Се соочува со доживотна затворска казна

Судењето на музичарот Шон „Диди“ Комбс или П Диди, обвинет за злосторничко здружување, трговија со луѓе и транспорт на луѓе преку државните линии заради проституција, ќе започне во понеделник, 5 мај.

Започнува судењето на П Диди: Се соочува со доживотна затворска казна

Според обвинителите, повеќе од две децении, основачот на музичката издавачка куќа „Bad Boy Records“, некогаш мегапопуларниот рапер Пи Диди ја користел моќта и престижот стекнати со градење на хип-хоп империја за „уништување на млади животи“, пренесе АП.

Обвинувањата вклучуваат оргии поттикнати од дрога каде жените биле принудувани да имаат секс со машки проститутки додека Диди го снимал сето тоа.

Повеќе сведоци тврдат дека Комбс ги заплашувал луѓето да ги замолчат, користејќи насилство.

Тој призна една точка за насилство, јавен напад на неговата поранешна девојка, пејачката Кеси, а неговите адвокати тврдат дека останатите обвиненија се лажни.

Иако десетици луѓе го тужеа Комбс за злоупотреба, ова судење ќе се фокусира на тврдењата на четири жени. Една од нив е Кеси, која поднела тужба во 2023 година, тврдејќи дека Комбс ја злоставувал за време на нивната 10-годишна врска, вклучувајќи физичко малтретирање и силување.

Комбс беше обвинет минатиот септември и оттогаш е во федерален затвор во Бруклин.

Изборот на поротата е закажан за понеделник во федералниот суд во Менхетен, а сведочењето би можело да започне следната недела.

Доколку биде осуден по сите точки, Комбс се соочува со неколку години затвор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

43 санкционирани возачи на мотоцикли и лесни електрични возила во акциска контрола во скопски Чаир

 Од нив 19 санкции за возачи кои управуваат мотоцикл без заштитна кацига.

43 санкционирани возачи на мотоцикли и лесни електрични возила во акциска контрола во скопски Чаир

Вчера (21.08.2026) во периодот од 14:00 до 20:00 часот, Мобилната единица за безбедност на сообраќајот на патиштата при Секторот за сообраќајни работи спроведе акциска контрола во сообраќајот на подрачјето на општина Чаир во Скопје за санкционирање на возачи на мопеди, мотоцикли, четирицикли и лесни електрични возила кои не ги почитуваат сообраќајните правила и прописи.

При контролата изречени се вкупно 43 мерки за сторени сообраќајни прекршоци. Од нив 19 санкции за возачи кои управуваат мотоцикл без заштитна кацига, три мерки за несоодветна категорија, 19 санкции за прекршоци сторени од возачи на лесни електрични возила и две останати мерки кон други учесници во сообраќајот.

За сите прекршители на сообраќајните правила изготвени се соодветни поднесоци.

Сообраќајните контроли продолжуваат и во наредниот период. Апелираме до сите учесници во сообраќајот доследно да ги почитуваат сообраќајните правила и прописи. Само со одговорно однесување можеме заеднички да придонесеме за побезбедни патишта.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Белорусија: Амбасадата во Финска ќе биде затворена

Белорусија објави дека ќе ја затвори својата амбасада во Финска од 1 септември, соопшти вчера финското Министерство за надворешни работи.

Белорусија: Амбасадата во Финска ќе биде затворена

Одлуката за затворање на амбасадата, која беше отворена во Финска во 2011 година, ја донесе Советот на министри на Белорусија и ја потпиша премиерот на земјата Александар Турчин, објави финскиот весник „Хелсингин Саномат“.

Последниот белоруски амбасадор во Финска беше Алексеј Самосуев, кој ја извршуваше функцијата од 2018 до 2024 година, а по него не беше назначен нов амбасадор.

Финска нема амбасада во Белорусија, но Министерството за надворешни работи на земјата има канцеларија за врски во Минск, која ќе продолжи да работи.

Извор: Б92

Тагови: белорусија Финска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Продолжува пинг-понгот меѓу Анкара и Тел Авив

Анкара вчера го осуди обидот на израелскиот премиер Бенјамин Нетанјаху, како што рече, да „ја претстави Турција како нова закана“.

Продолжува пинг-понгот меѓу Анкара и Тел Авив

Во соопштението од кабинетот на турскиот претседател Реџеп Таип Ердоган, објавено на платформата X, се вели дека Турција ги осудува „ситните политички тактики“ на Нетанјаху.

Кабинетот на Нетанјаху го нарече Ердоган „антисемитски диктатор“ во соопштение откако Турција издаде меѓународна потерница по него поради пресретнување на активистичка флотила што се упатуваше кон Појасот Газа.

Израел бомбардираше воздухопловна база во северозападна Сирија оваа недела, тврдејќи дека Турција го проширува своето воено присуство во областа, тврдење што Анкара го негираше.

Тагови: Анкара Тел Авив

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер