„Сакаме да му помогнеме на сирискиот народ да изгради нова, инклузивна и мирна Сирија“, напиша Калас на X.

„ЕУ отсекогаш стоела покрај Сиријците во текот на последните 14 години - и ќе продолжи да го прави тоа.“

ЕУ има за цел да игра водечка улога во закрепнувањето и идната реконструкција на Сирија, додаде таа.

Санкциите против поединци и организации поврзани со режимот на поранешниот претседател Башар ал-Асад и оние одговорни за насилната репресија врз сирискиот народ и кршењето на човековите права ќе останат на сила.

Дополнително, ограничувањата за извоз на оружје, како и стоки и технологии што се користат за внатрешна репресија, засега ќе останат на сила.

Земјите-членки на ЕУ уште во февруари се согласија за постепено олеснување на санкциите со цел да се поддржи брзото економско закрепнување во Сирија, како и нејзината реконструкција и стабилизација, потсети ДПА.

Мерките во енергетскиот, транспортниот и банкарскиот сектор првично беа суспендирани до јуни. /МИА

Администрацијата на американскиот претседател Доналд Трамп разгледува план според кој речиси 200.000 украински државјани би биле депортирани од Соединетите Американски Држави, со помош на средства наменети за странска помош, објави „Вашингтон пост“, повикувајќи се на нацрти на интерни документи во кои имал увид.

Според планот, Вашингтон има намера да издвои околу 250 милиони долари од фондовите за странска помош за репатријација на луѓе од активни конфликтни зони, вклучувајќи околу 500.000 Хаиќани.

За време на мандатот на претседателот Џо Бајден, на Украинците и Хаиќанците им беше доделен статус на привремена заштита што им овозможи легално да останат во САД, бидејќи не можеа безбедно да се вратат во своите татковини.

Но, со враќањето на администрацијата на Трамп и заострувањето на имиграциската политика, ситуацијата се менува.

Трамп претходно најави започнување на „најголемата програма за депортација во американската историја“, со цел отстранување меѓу 15 и 20 милиони мигранти од земјата. Според нацрт-документите, планот е развиен откако Министерството за внатрешна безбедност на 5 мај објави дека мигрантите кои доброволно ќе се вратат во своите земји ќе можат да добијат финансиска помош во износ од 1.000 долари.

Освен Украинци и Хаиќани, во документите се споменуваат и Авганистанци, Палестинци, Либијци, Суданци, Сиријци и Јеменци како потенцијални цели на идните депортации. /МИА

Потребен е национален консензус за државните теми. Она што со Бугарија го потпишаа СДСМ и ДУИ задира во националниот идентит, се работи за емоции и припадност, а тие не се договорија дома со тогашната опозиција ВМРО-ДПМНЕ, ете затоа работите стојат. Добра е средбата Мицкоски- Филипче, националните теми не треба да бидат ексклузивност на ниту една Влада. Нема да биде ниту прв ниту последен европски политичар кој ќе каже нешто, а потоа нема да биде ништо, како што спомена Кошта дека нема план Б за интеграциите. Постои начин ако имате желба и вистински пријатели. Имаме многу домашни работи кои бараа вистински темели, не може да исправите на криво насадено дрво. Мора да почнеме од почеток за некои работи, образование, инфраструктура, здравство, пезнзиски систем, многу работи треба да се исправат. Ние тргнуваме од почеток. Тоа што Заев мислеше дека пред едни, други, трети, ќе биде влезница за некоа блескава иднина, еве до каде стасавме. Мора да направиме реформи во правосудството, без тоа нема да бидеме дел од ЕУ освен ако не се донесе некоја политичка одлука, вели Сафет Бишевац во Само Вистина.